YUZÜNGTHALO 7:1 - AMÜSÜH HÜM CL Bible (BSI)

¹ “Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

YUZÜNGTHALO 7:1 Iomraidhean Croise

1 KIULONG THSÜRÜ 16:31

Nebat tsührü Jeroboam neakbo ching tsahpü ju api thsungkheaknü athülih müdam, apinü Sidonrü kiulongthsüpuh Ethbaal tsührü Jezebel aniube thsüpü lu, tüsho yübah Baal tankih tüsho api kingaün.

1 KIUTHSÜYUKHEAN 1:14

Jebusrü, Amorrü, Girgashrü,

2 KIUTHSÜYUKHEAN 8:7

Mihtsürü alala Hitrü, Amorrü, Perizrü, Hivrü, tüsho Jebusrü aningkhi, sherübo Israel yungnü,

EZRA 9:1

Harü alala rhimokhamshu, Israelrü limberü khürünü arübahle I ki thakhi ju, amükeamrübo le Levirübonü hingrü Amon, Moab, tüsho Ijip yungsho Kananrü, Hitrü, Perizrü, Jebusrü, tüsho Amorrü athraneanbe rhimo chingnü müchamachihde lah de tha.

NEHEMIA 13:23

Judüki Jihudarü ahihdonü Ashdod, Amon tüsho Moabberübo yihlukhi inü yimkhit.

MUNGSHIKHÜN 78:55

Apinü trükshihbo arü müngühnü yankhit tüsho arü kilim arü lobo yamrüplurüp jih; apinü Israel trükbo arü khimyambo ching lashih.

ABEKHIT 15:7

Nü wüntre-müretah ato ching nünü nü azhihrübo lahyuka bah; nü bukakhiukkhi yüshihbah müneang nangde arü aniuabah.

ABEKHIT 23:28

Tüsho inü nüsa müngüh Hivrü, Kananrü, tüsho Hitrü yankhitshihpü leyü yüshihbah.

ABEKHIT 23:32

Nüsanü arü ki yungsho arü thrünpuhbo ki tangzüng düthsü.

ABEKHIT 23:33

Arübo nüsa lo ching dülashih, jude yungsho arünü I azhihde nüsa neak yihbeakshihbah. Tümüde nüsanü arü thrünpuhbo tankihsho, tsükjide ju nüsa ki qimürip labah.”

ABEKHIT 33:2

Inü yunirü khülang nüsa müngüh yüshihbah tüsho Kananrü, Amorrü, Hitrü, Perizrü, Hivrü tüsho Jebusrü yankhitshihbah.

ABEKHIT 6:8

Tüsho inü Abraham, Isak tüsho Jakob kilim jihpü thiyuchihchimkhi lo ching inü nüsa bede yüzahbah; inü ju nüsa yamrüplurüp thsüde ajihbah: I Atungpuh ah.”

LEVI 14:34

Küyimki inü nüsa yamalo thsüpü jihkhi Kanan lomi ching nüsa arüba, tüsho thüyam ching mokri yükihshihbanü,

WÜHKHE 13:29

Amalekrü düjing lomi ching lah, Hitrü, Jebus, tüsho Amorrübo awungbo ching lachoh; tüsho Kananrü Mediterranean keto yean le Jordan keto yean ching lah.”

WÜHKHE 14:31

Tüshe thsümütsü ngübah de nüsanü athakhi nüsa tsührübo a, nüsanü abahyukkhi lomi ching inü bede yüzahbah tüsho arünü ju lomi mükheahbah.

YUNIRÜBO RHIMO 13:19

Küyimki apinü Kanan lomi ching trükshih thüne thsümünimkhea, apinü arü kilim yamrüplurüp thsüde jih.

YUZÜNGTHALO 11:29

Tüsho ha ruk labah, küyimki Atungpuh nüsa Thrünpuhnü nüsanü amükühpü lakhi lo ching bedarübanü, Gerizim müzüng kheaknü müngühmühi zhiyukang tüsho Ebal müzüng kheaknü muthrumünean zhiyukang.

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

YUZÜNGTHALO 20:16

“Tüshe Atungpuh nüsa Thrünpuhnü nüsa kilim yamrüplurüp jihkhi kiuto mihtsürübo, alala laksahang.

YUZÜNGTHALO 31:20

Küyimki arübo inü arü jipürü kheak thiyuchihchimkhi, niuhke tüsho mukhuke bukkhi lo ching bede ayübanü, tüsho arünü bukthsüde tsühbah shih kihbanü; judüki arünü püpürü thrünpuhbo kilim anguhde yübah atankihbah; tüsho arünü I bahyukbah tüsho tangzüngkhi thsümünimbah.

YUZÜNGTHALO 31:3

Atungpuh nü Thrünpuh nüsa müngüh yübah; apinü harü trükshihbo dükheakshihbah tüsho nüsanü arübo yankhita bahbah; tüsho Atungpuhnü athakhi nangde, Jihusua nüsa müngüh yübah.

YUZÜNGTHALO 4:38

Nüsa khihni lakhi nangde nüsa bedarüpü tüsho yamrüplurüp jihpü thsüde wu-sühmüh ato lakhi trükbo nüsa müngühnü yanabah.

YUZÜNGTHALO 6:1

“Kheakü ha nüsa ki thsangyushihpü Atungpuh nüsa Thrünpuh thiyukhümbo, yakzanbo tüsho thiyuzüngbo, junangde nüsanü hode yübah amükühpü lakhi lo ching nüsanü yande arhimobah,

YUZÜNGTHALO 6:10

“Tüsho hanangde alabah, Küyimki Atungpuh nüsa Thrünpuhnü nüsa bebuhrü Abraham, Isak, tüsho Jakob ki nüsa ki tode ajihpü thiyuchihchimkhi tüsho nüsanü amüthsükhi akheahakham kiutobo ching bebah arübanü,

YUZÜNGTHALO 6:19

tüsho Atungpuhnü alokhikhi nangde nüsanü nüsa riri yankhita bahbah.

YUZÜNGTHALO 6:23

Tüshe apinü isa ju chingnü bekhitbah isa bebuhrü kheak isa jihpü alokhikhi lo ching bedarü.

YUZÜNGTHALO 9:1

“O Israel aniang: Nüsa khihni Jordan hode ayübah, tüsho nüsa kheaknü atobe tüsho sühmüh lakhi trükbo, chipi ato tüsho thüning khiungde ayünkhi kiutobo yanabahbah,

YUZÜNGTHALO 9:3

Jumonü Atungpuh nüsa Thrünpuh khihni nüsa müngüh motru aniukhi nangde yüchoh de mükheahang. Apinü arü sheshihbah tüsho nüsa miki hande akijihbah; jumonü Atungpuhnü nüsa ki thakhi nangde nüsanü arü yankhitbah, tüsho nahde adükheakbah.

YUZÜNGTHALO 9:4

Atungpuhnü arü ju nüsa müngühnü yankhita bahchoki, nüsa kheak thiyuro-lungki lakhi hode Atungpuhnü ju lo mükühpü bedarüdo de nüsa mulong ching dülüm; tüshe harü trükshih khide amütsükhi hode Atungpuhnü arü nüsa müngühnü yankhita bahchoh.

JIHUSUA 11:3

Tüsho apinü thiyusheakbo Jordan thrip abande alarü Kananrü, Amonrü, Hitrü, Perizrü, awung lomi ching Jebusrü, tüsho Mizpa lomi Hermon ching larü Hivrü kilim yüshih.

JIHUSUA 24:11

Küyimki nüsa Jordan hobah Jirikho lim arükhea, Jirikho mihkhungbonü nüsa bede keochih tüsho Amorrü, Perizrü, Kananrü, Hitrü, Girgashrü, Hivrü, tüsho Jebusrünü bede keochih. Tüshe arü alala inü nüsa kilim jih.

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.