YUZÜNGTHALO 6:2 - AMÜSÜH HÜM CL Bible (BSI)

² ju ruk inü nüsa, nüsa tsührü tüsho tsührütsührü ki thiyukhüm jihkhi, api yakzanbo tüsho thiyukhümbo zopü nüsanü Atungpuh nüsa Thrünpuh, rhangdung amuyung wüntrebah, tüsho nüsa kutsüp ashang labah.

YUZÜNGTHALO 6:2 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

1 KIULONG THSÜRÜ 8:40

junangde nünü isa jipürü kilim jihkhi lo ching arü lakhi amuyung arünü nü trebah.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 128:1

Shepünü Atungpuh trecho, shepünü api limrobo ching tsahchonü müngühmühi.

MUNGSHIKHÜN 91:16

Kutsüp hode inü api reangkeamshihbah, tüsho api ki I akhümkhit huhbah.

ABEKHIT 20:12

“Nü buh tüsho nü be wüntreang, junangde Atungpuh nü Thrünpuhnü nü kilim jihkhi lo ching nü kutsüp ashang labah.

ABEKHIT 20:20

Tüsho Mosanü mihtsürübo ki tha, “Dütre; tümüde nüsa rüka kheahpü Thrünpuh arüdo, tüsho api trekhi nüsa miki labah, junangde nüsanü neak müyihbeak.”

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 3:16

Rhangdung ashang anihbe khah tsülim ching lah; anihbe khah huzulim ching lakhit tüsho wüntre lah.

MÜCHITMUDU 9:11

Tümüde I hode nü nimungbo alü kamshihbah, tüsho rhangdung kambo nü kilim yukajakjihbah.

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

JEREMIA 32:39

Inü arü kilim mulong khülang tüsho limro khülang jihbah, junangde arü tsükhi tüsho arü dunglim arü tsührübo tsükhi dünkheak lünnü arünü I trebah.

EZEKIEL 20:19

I Atungpuh nüsa Thrünpuh; I yakzan thsükhibo yanang tüsho I yakzanbo zopü kümkangang.

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

YUZÜNGTHALO 11:9

tüsho junangde Atungpuhnü nüsa jipürü tüsho arü tsühsoniuso kilim jihpü thiyuchihchimkhi niuhke tüsho mukhuke bukde alakhi lo ching nüsa kutsüpde alabah.

YUZÜNGTHALO 13:4

Nüsanü Atungpuh nüsa Thrünpuh dunglim tsahang tüsho api wüntreang, tüsho api yukhüm yande api düsheak aniang, tüsho nüsanü api tankihde api kheak düngdüng ramrihang.

YUZÜNGTHALO 15:5

nüsanü lang inü khihni nüsa kilim jihkhi thiyukhümbo anide Atungpuh nüsa Thrünpuh ki mihyuanisho.

YUZÜNGTHALO 22:7

Nünü abe tsoshang tüsho anunu luang, junangde nü tsüde alabah tüsho kutsüpde alabah.

YUZÜNGTHALO 30:19

Inü khihni nüsa azhihde thiyumütsan thsüde thüning tüsho alo jichoh, junangde inü nüsa müngüh rhangdung tüsho ashekhi, müngühmühi tüsho muthrumünean zojihchoh; jumonü rhangdung mokhitang, junangde nü tüsho nü tsühsoniuso chido rhangdung labah;

YUZÜNGTHALO 30:20

junangde nünü Atungpuh nü Thrünpuh muzhode api yu anibah, tüsho nünü api kheak müripbah, tümüde api ju nü rhangdung tüsho nü kutsüp; tüsho Atungpuhnü nüsa jipürü, Abraham, Isak tüsho Jakob arü kilim jihpü thiyuchihchimkhi lo ching nü labah.”

YUZÜNGTHALO 4:10

künangde nüsa Atungpuh nüsa Thrünpuh miki Horeb ching zhipchoki Atungpuhnü I ki tha, Mihtsürübo I ki bemukhungang; tüsho inü I yu soshihbah, junangde arü alomi ching lachoki rhangdung amuyungnü I wüntrepü mükheahbah, tüsho arünü tsührübo ki thsangyubah.

YUZÜNGTHALO 4:40

Jumonü nüsanü api yakzanbo tüsho yuzüngbo inü khihni jihkhi aniang, junangde nüsa dunglim tsührübo kheak tsüde alabah, tüsho Atungpuh nüsa Thrünpuhnü lün thsungkheak jihkhi lo ching nüsa kutsüpde alabah.”

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

YUZÜNGTHALO 5:16

“Atungpuh nü Thrünpuhnü thiyukhüm jihkhi nangde nü be tüsho nü buh wüntreang, junangde Atungpuh nü Thrünpuhnü ajihkhi lo ching nü kutsüpde alabah.

YUZÜNGTHALO 5:33

Nüsanü lüpdükhi ching Atungpuh nüsa Thrünpuhnü thiyukhüm jihkhi ching tsahang, junangde nüsa rhangdung tsüde alabah, tüsho nüsanü amükühpü lakhi lo ching nüsa kutsüp ashang alabah.

YUZÜNGTHALO 6:1

“Kheakü ha nüsa ki thsangyushihpü Atungpuh nüsa Thrünpuh thiyukhümbo, yakzanbo tüsho thiyuzüngbo, junangde nüsanü hode yübah amükühpü lakhi lo ching nüsanü yande arhimobah,

YUZÜNGTHALO 6:24

Tüsho kamruhroro tsüde alapü thsüde Atungpuh isa Thrünpuh wüntrepü thsungkheak Atungpuhnü isa ki harü yakzan alala anide arhimopü thiyukhüm jih, junangde khihni nangde apinü isa rhangdung lashihbah.

YUZÜNGTHALO 6:7

nüsanü jurü nüsa tsührübo ki düshihde athsangyubah, tüsho nüsa thüyam ching binchoki, limro tsahchoki, ayapchoki, tüsho awusuchoki thabah.

JIHUSUA 4:24

Ha hode alomiküp ching mihbüm abannü Atungpuh wu-sühmüh ato mükheahbah, tüsho Atungpuh nüsa Thrünpuh nüsanü lünnü wüntre jihbah.”

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.