YUZÜNGTHALO 5:4 - AMÜSÜH HÜM CL Bible (BSI)

⁴ Awung kheak mo phulungnü Atungpuhnü nüsa ki mironü miro ki asukachih.

YUZÜNGTHALO 5:4 Iomraidhean Croise

ABEKHIT 19:9

Tüsho Atungpuhnü Mosa ki tha, “Kheahang, inü nü ki asukkhi mihtsürübonü sobah nü kheak lünnü akin lapü thsüde I nü kilim amo akheah ching arükheah.” Junangde Mosanü mihtsürübo yu Thrünpuh ki tha.

ABEKHIT 20:1

Tüsho Thrünpuhnü harü yubo alala asukde tha:

ABEKHIT 33:11

Mihtsürünü müyamrü ki asukachihkhi nangde Atungpuhnü Mosa ki miro le miro asukachihde alakheah. Jushu Mosanü binkheampung lim alode yü, tüshe api rungbuh Nun tsührü athrününgtsüng Jihusua a khimyam chingnü makhin.

WÜHKHE 12:8

Jumonü inü api kheak mironü miro khipkhitde asukachih, neamneamde yung; tüsho apinü Atungpuh pang she ngüdo. Jumonü tümüde nükenü I yamlarü Mosa azhihde athapü mütrekhea?”

WÜHKHE 14:14

tüsho arübonü ha dünkheak ju lomi ching larübo ki thabah. O Atungpuh , nü ha mihtsürübo lung lah de arünü so, Atungpuh , nü mironü miro ngü tüsho nü yo amo arü kumung zhip; tüsho animung amo dungto chingnü tüsho are mo dungto chingnü arü mikhuh nü yüchoh.

YUZÜNGTHALO 34:10

Tüshe Jushu a Israel ching Atungpuhnü mironü miro mükheahkhi Mosa nangde wukihrü masürü,

YUZÜNGTHALO 4:12

Tüsho mo phulung chingnü nüsa ki Atungpuhnü asukachih. Nüsanü thiyu düsheak sodo, tüshe ajak müngü; düsheak lang alakheah.

YUZÜNGTHALO 4:15

“Nüsa thsungkheak kümkangang, tümüde Horeb ching mo phulungnü Atungpuhnü nüsa ki asukachihchoki ajak müngü,

YUZÜNGTHALO 4:33

Nüsanü düsheak mo phulungnü sobahle rhangdung lakhi nangde, mihtsürü khürünü Thrünpuh düsheak sonah?

YUZÜNGTHALO 4:36

Apinü nüsa thsangdanpü thsüde thüning chingnü api düsheak soshihdo; alomi kheak apinü nüsa ki mo ato huhdo, tüsho nüsanü api yu mo phulungnü sodo.

YUZÜNGTHALO 5:22

“Atungpuhnü ha yubo alala awung ching mo phulung, amo, azhingdokhi ching düsheak atonü nüsa amukhungrü alala ki thado; tüsho apinü püpü tümü mütha. Tüsho apinü jurübo lungbeak mahne kheak thrütbahle I kilim jih.