YUZÜNGTHALO 5:12 - AMÜSÜH HÜM CL Bible (BSI)

¹² “Atungpuh nüsa Thrünpuhnü thiyukhüm jihkhi nangde nünü amunimung muang tüsho müsühde zoang.

YUZÜNGTHALO 5:12 Iomraidhean Croise

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

ISAIA 56:6

Tüsho khiungkerübo sherünü Atungpuh lung arihcho, api tankihpü, Atungpuh mung muzhopü, tüsho api yamlarü thsüpü, amuni mungrü alala tüsho ju mümüneanjihcho, tüsho I yo tangzüng dükde ramlocho–

MARK 2:27

Tüsho apinü arü ki tha, “Amuni ju mihtsürü thsungkheaknü thrün; tüsho mihtsürü thsungkheaknü Amuni yung.

ABEKHIT 16:23

Apinü arü ki tha, “Atungpuhnü ha thiyukhüm jih: ‘Shido a sühakhim nimung, Atungpuh kilim amüsüh amuni labah. Jumonü nüsanü tümü khapa taknelanü khapa takang tüsho tümü ngüpnelanü ngüpang. Aningkhi ju yapsu khiungde tsüde zoang.’ ”

ABEKHIT 31:13

“Israelrü ki thaang, ‘Nüsanü I yo amunibo mungbeah, tümüde ha I tüsho nüsa dükeak nüsa lünbo amuyung amütsan khülang lah, junangde I nüsa tsangkhitbuh Atungpuh de nüsanü mükheahbah.

ABEKHIT 31:15

Nimung thuruk rhimo rhimobah, tüshe athüne nipü ju sühakhim amuni, Atungpuh kilim amüsüh lah. Shepünü amuni rhimo rhimobanü asheshihbah.

YUZÜNGTHALO 5:13

Nünü nimung thuruk nü rhimo alala rhimoang,

NEHEMIA 13:15

Judüki Juda ching mihtsürübo Amuni kurungaso chingnü ake nitkhitde inü ngü. Püpürübo hi, yukhu, kurungaso, khubaso tüsho püpü kukruk hah thsüa donkibo hanshihbah Jirusalem lim yüde ngü; Amuni tümü she düyin de arü ki inü müzündoabah.

JEREMIA 17:22

Tüsho amunimung nüsa yam chingnü hah dühankhit yungsho rhimo tümü düthsü, tüshe inü nüsa jipürü ki thiyukhüm jihkhi nangde, amunimung müsühde zoang.

ABEKHIT 16:30

Jumonü mihtsürübonü athüne nipü sühakhim.