YUZÜNGTHALO 5:1 - AMÜSÜH HÜM CL Bible (BSI)

¹ Tüsho Mosanü Israelrü alala jibah arü ki tha, “O Israel, yakzanbo tüsho thiyuzüngbo inü nüsa ki khihni thakhi aniang, junangde nüsanü jurü yande arhimopü kümkangang.

YUZÜNGTHALO 5:1 Iomraidhean Croise

MUNGSHIKHÜN 78:7

Judüki arünü Thrünpuh kheak kinbah tüsho api rhimobo amüsüh mümih tüshe api yukhüm bo zobah.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ABEKHIT 18:20

Tüsho nünü arü ki thiyuzüng le yakzanbo thsangyubah tüsho arünü atsahpü limro tüsho rhimopübo huhbah.

MATHI 23:3

Jumonü nüsanü arü ki mihyuaniang tüsho arünü nüsa ki thakhi lüpdükhi rhimoang; tüshe arünü arhimokhi dürhimo, tümüde arünü tümü thsangyuthsangrachonü ju mürhimochoh.

YUZÜNGTHALO 1:1

Thiyu harübo ha Mosanü Israelrü alala ki sunglo ching Jordan thrippeang, adükhün ching Suph miki, Paran, Tophel, Laban, Hazeroth tüsho Dizahab dükeak chingnü athakhibo ah.

YUZÜNGTHALO 11:1

“Jumonü nünü Atungpuh nü Thrünpuh muzhoang, tüsho apinü alunekhibo, yakzanbo, thiyuzüngbo, tüsho thiyukhümbo kamruhroro zoang.

YUZÜNGTHALO 12:1

“Harü ha Atungpuh nüsa jipürü Thrünpuhnü nüsa müküh-a lushihpü jihkhi lo ching nüsa alomi ching lachoki amuyungnü kümkangde rhimode alapü yakzanbo tüsho thiyuzüngbo lah.

YUZÜNGTHALO 17:19

Tüsho ju api ki labah tüsho apinü ju api rhangdung amuyung khebah, junangde apinü Atungpuh api Thrünpuh wüntrepü mükheahbah; tüsho kümkangde ha yakzan tüsho thiyuzüngbo yande arhimobah.

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

YUZÜNGTHALO 29:10

“Khihni nüsa alalanü A TUN GPU H nüsa Thrünpuh miki zhipang: nüsa limberübo, nüsa azothsürübo, nüsa torübo tüsho Israel mihtsürü alala,

YUZÜNGTHALO 29:2

Kheakü Mosanü Israelrü alala jibahle arü ki tha: “Atungpuhnü nüsa mük kinü Ijip lomi ching, Pharao tüsho ayamlarü le api lo alala ching rhimokhi nüsanü ngüdo.

YUZÜNGTHALO 4:1

“O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

YUZÜNGTHALO 4:49

tüsho Jordan aniakhiuklim adükhünbo kheaknü Pisga düpheak bukkhüp, Araba Keto khiung.

YUZÜNGTHALO 4:5

“Tsükjide Atungpuh I Thrünpuhnü I ki thiyukhüm jihkhi yande inü nüsa ki thsangyudo, junangde nüsa yübah alupü lakhi lo ching jurübo zhimbah.

YUZÜNGTHALO 5:2

Atungpuh isa Thrünpuhnü isa ki Horeb ching tangzüng khülang thsü.

YUZÜNGTHALO 6:17

Nüsanü Atungpuh nüsa Thrünpuh yukhümbo, thiyumütsanbo, tüsho apinü nüsa ki thiyukhüm jihkhibo düshihde anide rhimoang.

JIHUSUA 1:8

Ha yakzan hüm ha nü mün chingnü düchamachihshih, tüshe nünü animung tüsho are tamkhüntamnüde kheang, junangde ha ching thrüta lakhi yande kümkangde arhimobah. Tüsho nü limro müngühmühide kukzamde alabah.