YUZÜNGTHALO 4:9 - AMÜSÜH HÜM CL Bible (BSI)

⁹ Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

YUZÜNGTHALO 4:9 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 71:18

Kheaküshe I küyimki ashinbuhrü tüsho kubuyukba, inü ha arüpü lakhi lün mihbüm aban ki nü wu tüsho sühmüh müthayikia, O Thrünpuh, I dübahyuk.

ABEKHIT 10:2

tüsho nü tsührü le nü tsührütsührünü sode inü Ijip ching arü bolung amütsanbo ato rhimokhi thaang, junangde I Atungpuh de nüsanü amükheahbah.”

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

MÜCHITMUDU 1:8

I tsah-a, nü buhnü thsangdankhi aniang, tüsho nü benü thsangyukhi dübahyuk;

MÜCHITMUDU 23:26

I tsah-a, nü mulong I kilim jihang tüsho nü mükbo I limrobo lim zoang,

MÜCHITMUDU 3:21

I tsah-a, lümlung atsü tüsho adüngakhi zoang; jurü nü mikinü dakhinshih,

MÜCHITMUDU 7:1

I tsah-a, I yubo zoang tüsho I yukhümbo nü kheak lashang.

ISAIA 38:19

Arhang larünü nü ki makshe jihchoh, inü khihni rhimokhi nangde; buhrübonü tsührübo ki nü thiyuro dünkheak mükheahshihchoh.

ISAIA 42:20

Apinü ahihdo ngülah, tüshe jurü mükheahyuk; api nükhünbo khimshuhlah tüshe apinü muso.

JEREMIA 17:21

Atungpuhnü ha thachoh: Nüsa rhangdung thsungkheaknü amunimung hah mühanpü kümkangang yungsho Jirusalem chipiripitbo chingnü hande düyüzah.

LUKNÜ ATHRÜTKHI THIYUSHEAK-ATSÜ HUHTANYU 8:18

Nüsanü künangde anichonü kümkangang; tümüde shepü lanü alü jihlobah, tüsho shepü mülanü, apinü lah de alümkhi ju she lude atsobah.”

EFISIA 6:4

Buhrübo, nüsa tsührübo bukakhiukpü thsüde düthürüh, tüshe adanyukkhi tüsho Atungpuh thsangdankhi ching arü mütrükhitang.

YUZÜNGTHALO 11:19

Nüsa yam ching binchoki, nüsa limro ching tsahchoki, nüsa ayapchoki tüsho asürüchoki nüsanü harü nüsa tsührübo ki thsangyubah.

YUZÜNGTHALO 12:1

“Harü ha Atungpuh nüsa jipürü Thrünpuhnü nüsa müküh-a lushihpü jihkhi lo ching nüsa alomi ching lachoki amuyungnü kümkangde rhimode alapü yakzanbo tüsho thiyuzüngbo lah.

YUZÜNGTHALO 16:3

Nüsanü ju phaüm yukkhi yikhap lung dütsüh; nimung thüne nüsanü ju lung phaüm muyukkhi yikhap tsühbah, ju thsünükhi yikhap (tümüde nüsa Ijip chingnü niokheamde akhiuk), junangde nüsanü nüsa Ijip chingnü akhiukkhi rhangdung amuyung lümkhitbah.

YUZÜNGTHALO 17:19

Tüsho ju api ki labah tüsho apinü ju api rhangdung amuyung khebah, junangde apinü Atungpuh api Thrünpuh wüntrepü mükheahbah; tüsho kümkangde ha yakzan tüsho thiyuzüngbo yande arhimobah.

YUZÜNGTHALO 29:29

“Aramkhi kukruk ju Atungpuh isa Thrünpuh yo ah, tüshe akhiukahuhkhibo lünnü isa tüsho isa tsührübo yo ah, junangde isanü ha yakzan anibah.

YUZÜNGTHALO 31:19

“Jumonü kheakü, nünü ha khün thrütang, tüsho Israel tsührübo ki thsangyuang; ha arü mün ching yukjang, junangde I thsungkheaknü Israelrü tsührü azhihde hanü thiyumütsan thsübah.

YUZÜNGTHALO 32:46

tüsho apinü arü ki tha, “Inü khihni thiyumütsan jihkhi kheak nüsa mulong zoang, ha yakzan Israel tsührübonü kümkangde anishihpü nüsanü thiyukhüm jihang.

YUZÜNGTHALO 4:10

künangde nüsa Atungpuh nüsa Thrünpuh miki Horeb ching zhipchoki Atungpuhnü I ki tha, Mihtsürübo I ki bemukhungang; tüsho inü I yu soshihbah, junangde arü alomi ching lachoki rhangdung amuyungnü I wüntrepü mükheahbah, tüsho arünü tsührübo ki thsangyubah.

YUZÜNGTHALO 4:15

“Nüsa thsungkheak kümkangang, tümüde Horeb ching mo phulungnü Atungpuhnü nüsa ki asukachihchoki ajak müngü,

YUZÜNGTHALO 4:23

Kümkangang, Atungpuh nüsa Thrünpuhnü tangzüngkhi nüsanü dümihabah, tüsho nüsa Thrünpuhnü düh de athakhi nüsanü tümükhüh jak yande sangthsü düthsü.

YUZÜNGTHALO 6:12

nüsa Ijip lo, azhorü kuhi chingnü abekhitbuh Atungpuh mümihpü kümkangang.

YUZÜNGTHALO 6:2

ju ruk inü nüsa, nüsa tsührü tüsho tsührütsührü ki thiyukhüm jihkhi, api yakzanbo tüsho thiyukhümbo zopü nüsanü Atungpuh nüsa Thrünpuh, rhangdung amuyung wüntrebah, tüsho nüsa kutsüp ashang labah.

YUZÜNGTHALO 6:20

“Arübe kim ching nü tsührünü nü ki keokhibah, Thiyumütsan, yakzanbo, tüsho Atungpuh isa Thrünpuhnü nüsa ki thiyukhüm jihkhi ha amütsan tümüa?

YUZÜNGTHALO 6:7

nüsanü jurü nüsa tsührübo ki düshihde athsangyubah, tüsho nüsa thüyam ching binchoki, limro tsahchoki, ayapchoki, tüsho awusuchoki thabah.

YUZÜNGTHALO 8:11

“Nüsanü api yukhümbo, yuzüngbo, yakzanbo, küpü inü khihni nüsa ki thiyukhüm jihchonü harü manikhi hode Atungpuh mihamübahpü kümkangang.

YUZÜNGTHALO 8:14

nüsa mulong ching kükheangbah tüsho Ijip azhorü lo chingnü nüsa bekhitbuh Atungpuh nüsa Thrünpuh mihabahbah.

IBRI 2:1

Jumonü isanü asokhi kheak mulong jihbeah, jude yungsho ju chingnü bede tsoabahbah.

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

JAKOB 2:22

Api rhimobo lungnü akin müzhakde alakhi nüsanü ngülah, tüsho akin ju rhimobonü banthsangshih,

JIHUSUA 1:18

Sherünü nü yukhüm azhihbanü tüsho manibanü arübo asheshihbah. Reangzahang tüsho mulong ato thsang!”

JIHUSUA 23:11

Jumonü Atungpuh nüsa Thrünpuh muzhopü khide kümkangang.

JIHUSUA 4:21

Apinü Israelrübo ki tha, “ Arübe kim ching, nüsa tsührübonü ha lungbo amütsan keokhisho,

AMIKHEAKAKHIUKKHI 3:3

Jumonü nünü tümü leangkhikhea tüsho asokheanü lümkhitang; ju mihyuaniang, tüsho mulong müthriang. Nünü masürüsho, ahührü nangde I arübah, tüsho tümü kim ching I nü kilim arübanü nünü mümükheah.

MAHKHAPRÜ 3:7

Jumonü Israelrünü Atungpuh arü Thrünpuh mihabahbah, A TUN GPU H miki amütsü rhimo, tüsho Baal le Ashera sangthsü kingaün.

MAHKHAPRÜ 8:34

Junangde Israelrünü amühi aban arü riri khah chingnü arü bekhitbuh arü Thrünpuh, Atungpuh mülümkhit;