YUZÜNGTHALO 4:6 - AMÜSÜH HÜM CL Bible (BSI)

⁶ Jumonü jurübo anipü kümkangang: tümüde mihtsürübo mük ki ha nüsa lümlung tüsho mükheahmudu, harü sobah mihtsürübonü athabah, Tsükjide ha trükshih ato ha lümlung tüsho mükheahmudurü mihtsürübo ah!

YUZÜNGTHALO 4:6 Iomraidhean Croise

1 KIULONG THSÜRÜ 4:34

Solomon lümlung anipü thsüde trükshih alala chingnü mihtsürübo arü; api lümlung sobah lomi kiulongthsürübo alala chingnü arü.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

MUNGSHIKHÜN 19:8

Atungpuh yakzanbo alungki ah, mulong asühshihchoh; Atungpuh yukhümbo atsangkhitkhi, mükjibo yinshihchoh;

MÜCHITMUDU 1:4

lümzülümdo thülihrü kilim lümlung, athunu mihtsürü kilim mükheahmudu tüsho adüngakhi jihpü–

MÜCHITMUDU 1:5

lümlung larü mihtsürünü anibah tüsho anikhitkhi alü thsübah, tüsho anikhitkhi mihtsürünü lümlung thiyankhi ngübah–

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MÜCHITMUDU 14:34

Thiyuro-lungkinü trükshih shuhkihchoh, tüshe neak ju mihtsürü kilim mungchih lah.

MÜCHITMUDU 14:8

Lümlung larü rükri ju nihbuh limro anikhitpü lah, tüshe makharü mudukmükekhi ju bemüchihkhi lah.

ISAIA 42:21

Atungpuhnü api thiyuro-lungki dünkheak api thsangyukhi thushihpü tüsho ju müretahde kamshihpü asühdo.

JEREMIA 8:9

Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

EZEKIEL 5:5

Ha Wuto Atungpuhnü thachoh: Ha Jirusalem ah; lomi alalanü anihbe mükamdobah inü anihbe trükshihbo phulung zojih.

DANIEL 1:20

Lümlungbo tüsho anikhitkhi ching kiulongthsüpuhnü arü ki keokhikhi lüpdükhi ching apinü arübo api kiulongthsü athrünkhi ching kuhikheahrü tüsho wurük-huhrü alala kheaknü thürü kinü atsübe kheahkhit.

DANIEL 4:9

“ O Belteshazzar, wurük-huhrü bolung atobuh, tümütüsho amüsüh Thrünpuh me nü kheak lakhi inü mükheahlah tüsho nü thsungkheak aramyu tümü küpkhuk müla, inü angükhi milim ha lah; I ki thanakang.

HOSEA 8:12

Inü arü thsungkheak I yakzan ahihdo thrütjihdo, tüshe arünü jurübo tümükhüh jakso nangde khejihchoh.

MALAKI 3:12

Judüki trükshih alalanü nüsa müngühmühi de ajibah, tümüde nüsa ju asühkhi lomi khülang labah, Wuto Atungpuhnü thachoh.

YUZÜNGTHALO 29:9

jumonü ha tangzüngkhi yubo zoang tüsho rhimoang, junangde nüsanü arhimokhi alala ching alü thsübah.

YUZÜNGTHALO 32:46

tüsho apinü arü ki tha, “Inü khihni thiyumütsan jihkhi kheak nüsa mulong zoang, ha yakzan Israel tsührübonü kümkangde anishihpü nüsanü thiyukhüm jihang.

YUZÜNGTHALO 32:47

Tümüde ha nüsa thsungkheaknü akeangkeang yung, tümütüsho ha nüsa rhangdung, tüsho ha yunü nüsa Jordan hode yübah mükühpü lo ching jingtsüpkutsüp labah.”

2 TIMOTHI 3:15

tüsho nü azüchokinü Jisu Khrista kheak kinkhi hode akhümkhit lim bepü lümlung jihkhukpü amüsühyubo nünü mükheahlah de nünü lümkhitang.

JAKOB 3:13

Nüsa bolung shepü lümlung tüsho anikhitkhi la? Api rhangdung atsü hode azhihayih lümlung chingnü api rhimobo huhshang.