YUZÜNGTHALO 4:5 - AMÜSÜH HÜM CL Bible (BSI)

⁵ “Tsükjide Atungpuh I Thrünpuhnü I ki thiyukhüm jihkhi yande inü nüsa ki thsangyudo, junangde nüsa yübah alupü lakhi lo ching jurübo zhimbah.

YUZÜNGTHALO 4:5 Iomraidhean Croise

MUNGSHIKHÜN 71:17

O Thrünpuh, nünü I athunuchokinü thsangyu; tüsho ha nimung inü nü amüyinsahbe rhimobo khipkhitchoh.

ABEKHIT 18:20

Tüsho nünü arü ki thiyuzüng le yakzanbo thsangyubah tüsho arünü atsahpü limro tüsho rhimopübo huhbah.

JEREMIA 11:6

Tüsho Atungpuhnü I ki tha: Ha yubo alala Juda kiutobo ching, tüsho Jirusalem kiudunglimrobo ching zhiyukjang: Ha tangzüng yubo soang tüsho jurübo rhimoang.

EZEKIEL 20:11

Inü arü kilim I yakzan thsükhibo jih tüsho I yakzanbo arü ki mükheahshih, tümüde jurü mihyu anikhi hode mihbüm aban alabah.

LEVI 19:19

Nünü I yuzüng thsükhibo zoang. Akam-shiwühnü buh shihshih kheak düdungshih. Thulu khülang ching müjih mahne düyang. Yungsho kukruk mahne thsürubah akeakkhi khim düphuyu.

LEVI 26:46

Harü ha Atungpuhnü Sinai Müzüng kheak api tüsho Israel mihtsürübo dükeak Mosa hode ajihkhi yakzan thsükhibo, thiyuzüngbo tüsho yakzanbo ah.

LEVI 27:34

Harü thiyukhümbo ha Israel mihtsürübo thsungkheak Atungpuhnü Mosa kilim Sinai Müzüng kheaknü ajihkhi lah.

LEVI 7:38

Apinü Israelrübo ki kingaünshihpü thiyukhüm jih nimung sunglo ching Sinai Müzüng kheaknü Atungpuhnü Mosa kilim thiyukhüm harü jih.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

1 KORINT 11:28

Mihtsürü abannü yikhap mütsühyide tüsho pung muyungyide nihbuh akeakheahbeah.

1 KORINT 15:3

Tümütüsho tümü inü leangkhikheanü akhuhbe adungto thsüde nüsa kilim jihdo, junangde amüsühyu yande isa neakbo dünkheak khrista shekheah,

YUZÜNGTHALO 11:32

khihni inü nüsa miki zojihkhi yakzanbo tüsho thiyuzüngbo nüsanü kümkangde rhimoang.

YUZÜNGTHALO 4:1

“O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

YUZÜNGTHALO 4:2

Inü thiyukhüm jihkhi yu kheak nüsanü alü düyuk, yungsho yihkhita dübah, junangde nüsanü inü thiyukhüm jihkhi, Atungpuh nüsa Thrünpuh yukhüm zobah.

YUZÜNGTHALO 4:4

Tüshe nüsa Atungpuh kheak zhimkihbah alarü alala khihni rhangdung lah.

YUZÜNGTHALO 4:40

Jumonü nüsanü api yakzanbo tüsho yuzüngbo inü khihni jihkhi aniang, junangde nüsa dunglim tsührübo kheak tsüde alabah, tüsho Atungpuh nüsa Thrünpuhnü lün thsungkheak jihkhi lo ching nüsa kutsüpde alabah.”

YUZÜNGTHALO 5:1

Tüsho Mosanü Israelrü alala jibah arü ki tha, “O Israel, yakzanbo tüsho thiyuzüngbo inü nüsa ki khihni thakhi aniang, junangde nüsanü jurü yande arhimopü kümkangang.

YUZÜNGTHALO 6:1

“Kheakü ha nüsa ki thsangyushihpü Atungpuh nüsa Thrünpuh thiyukhümbo, yakzanbo tüsho thiyuzüngbo, junangde nüsanü hode yübah amükühpü lakhi lo ching nüsanü yande arhimobah,

YUZÜNGTHALO 7:11

Jumonü nüsanü inü khihni rhimode alapü thiyukhüm jihkhi thiyukhümbo, yakzanbo, thiyuzüngbo zoang.

YUZÜNGTHALO 8:11

“Nüsanü api yukhümbo, yuzüngbo, yakzanbo, küpü inü khihni nüsa ki thiyukhüm jihchonü harü manikhi hode Atungpuh mihamübahpü kümkangang.

IBRI 3:5

Kheakü Mosa a ashulim asukpü lakhi thiyumütsan thsüpü Thrünpuh yam ching tankihrü thsüde alala ching thiyuro larü lakheah,