YUZÜNGTHALO 4:2 - AMÜSÜH HÜM CL Bible (BSI)

² Inü thiyukhüm jihkhi yu kheak nüsanü alü düyuk, yungsho yihkhita dübah, junangde nüsanü inü thiyukhüm jihkhi, Atungpuh nüsa Thrünpuh yukhüm zobah.

YUZÜNGTHALO 4:2 Iomraidhean Croise

MUNGSHIKHÜN 78:7

Judüki arünü Thrünpuh kheak kinbah tüsho api rhimobo amüsüh mümih tüshe api yukhüm bo zobah.

MÜCHITMUDU 30:6

Api yubo ching düyukajak, jude yungsho apinü nü thürühbah tüsho nü akeangyu tharü ah de amütsanbah.”

T H S AN GYU T H S AN GR ARÜ 12:13

Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

JEREMIA 26:2

Atungpuhnü ha thachoh: Atungpuh yam mahkhappung ching zhipang, tüsho Atungpuh yam ching kingaünpü arükhi Juda kiutobo alala ki asukang; inü nü ki thiyukhüm jihkhi yubo alala arü ki asukang; thiyubüm khülang she düwuhlo.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

MATHI 5:43

“Hade athakhi nüsanü sodo, ‘Nü yamhingrü muzhoang tüshe nü riri thraneanang.’

GALATIA 3:15

Keoniorübo, mihtsürü yakli chingnü inü thachoh: Mihtsürünü tangzüngkhi thsüthsü she, adüngakhi thsü dunglima shenü she ju müthsümünim yungsho ju ching muyukajakchoh.

YUZÜNGTHALO 1:3

Kheakü kam yirü, khinu thürükheak khülang, akhuhbe nimung ching Atungpuhnü arü thsungkheak thiyuzüngbo api kheak jihkhi nangde Mosanü Israel mihtsürübo ki tha.

YUZÜNGTHALO 12:32

Inü tümüpürü nüsa ki thiyukhüm jihchonü ju rhimopü kümkangang; nüsanü ju ching düyukajak yungsho yihkhita she dübah.

YUZÜNGTHALO 13:1

“Nüsa bolung chingnü wukihrü khülang yungsho milim müchitrü akhiukbahle apinü nüsa ki amütsan yungsho khinthiyinbe jihsho,

YUZÜNGTHALO 33:4

Mosanü isa kilim jihkhi yakzan Jakob boto yamalo lah.

YUZÜNGTHALO 4:14

Judüki nüsanü yübah müküh-a lupü lakhi lo ching rhimopü thsüde nüsa ki jurü thsangyushihpü Atungpuhnü I ki thiyukhüm jih.

YUZÜNGTHALO 4:40

Jumonü nüsanü api yakzanbo tüsho yuzüngbo inü khihni jihkhi aniang, junangde nüsa dunglim tsührübo kheak tsüde alabah, tüsho Atungpuh nüsa Thrünpuhnü lün thsungkheak jihkhi lo ching nüsa kutsüpde alabah.”

YUZÜNGTHALO 4:5

“Tsükjide Atungpuh I Thrünpuhnü I ki thiyukhüm jihkhi yande inü nüsa ki thsangyudo, junangde nüsa yübah alupü lakhi lo ching jurübo zhimbah.

YUZÜNGTHALO 5:29

O, arünü I wüntrekhi hadürü arü mulong ching lade kamruhroro I yukhüm zokhülaa, junangde arü tsührübo kheak lünnü tsüde alabah!

YUZÜNGTHALO 5:32

“Jumonü Atungpuh nüsa Thrünpuhnü nüsa ki thiyukhüm jihkhi nangde kümkangde rhimoang; nüsanü tsülim khah yungsho huzulim danguh.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

JIHUSUA 8:35

Jihusuanü Mosa yukhüm ju amukhungrü, aliberü le azürü tüsho arü bolung lakhi khiungkerübo alala kilim phümütsande khea huh.