YUZÜNGTHALO 4:16 - AMÜSÜH HÜM CL Bible (BSI)

¹⁶ jude yungsho nüsanü rhimophüneanbah tüsho tümükhüh jak yande sangthsü thsübah: athrürü yungsho aliberü jakjak,

YUZÜNGTHALO 4:16 Iomraidhean Croise

ABEKHIT 32:7

Tüsho Atungpuhnü Mosa ki tha, “Yükiang, tümütüsho nünü Ijip lomi chingnü bekhitkhi nü mihtsürü müneana lah.

ISAIA 40:18

Nünü Thrünpuh ju shepü kheak akeba? Tümü sangthsünü api akeba?

ISAIA 44:13

Sangrhimosorünü liu züngchoh, lungmüyenü thrütareakchoh, athsukbenü thsukarihchoh, yinchikheambonü nanarihchoh; apinü ju akheahakham mihtsürü nangde kingaünpung ching zopü thsüchoh.

EZEKIEL 8:10

Jumonü inü yüzah tüsho kheah, tüsho rhübo kheak chinde atsahbe, athraneanbe shiwühbo thrünkihkhi tüsho Israel yamkhün sangthsübo alala ngü.

LEVI 19:4

Sangthsübo kilim dürholo yungsho nüsa thsungkheak düthsü: I Atungpuh nüsa Thrünpuh.

LEVI 26:1

Nüsanü nüsa thsungkheak sangthsü tümü düthsü tüsho sangthsü yungsho dungjing düzhipshih, tüsho khukningde kingaünpü thsüde lung lamkhita nüsa lo ching düzhipshih; tümüde I Atungpuh nüsa Thrünpuh.

JOHAN 4:24

Thrünpuh ju me ah, tüsho sherünü api kingaünchonü me tüsho thiyuro ching kingaünbeah.”

YUNIRÜBO RHIMO 17:29

Jumonü Thrünpuh tsührübo a le, isanü aphü ju suna, shotoyinchi, lung, kikiukkhi tüsho mihtsürü lümkhi nangde ah de mülümbeah.

YUZÜNGTHALO 16:22

Atungpuh nü Thrünpuhnü athraneankhi amüsüh dungjing nünü dükhim.

YUZÜNGTHALO 27:15

“‘Shepünü lung, sang tüsho yinchinü thsüa ramde kingaünchonü api muthrumünean thsang; Atungpuhnü sangthsü kingaünkhi thraneanchoh.’ Tüsho mihtsürü alalanü athabah, “Amen!”

YUZÜNGTHALO 31:29

Tümüde I sheabahshu nüsa shahde athsümünimbah de inü mükheahlah, tüsho inü nüsa ki thiyukhüm jihkhi limro chingnü rholode atsobah; tüsho ju dunglim nimungbo ching amütsübo nüsa kheak akihbah, tümütüsho nüsanü Atungpuh mük kinü amütsü rhimode, nüsa khahnü arhimokhi hode api bahyukde abukakhiukshihbah.”

YUZÜNGTHALO 4:23

Kümkangang, Atungpuh nüsa Thrünpuhnü tangzüngkhi nüsanü dümihabah, tüsho nüsa Thrünpuhnü düh de athakhi nüsanü tümükhüh jak yande sangthsü düthsü.

YUZÜNGTHALO 4:25

“Küyimki nüsa tsührübo tüsho tsührü-tsührü ngübahle lomi ching zode arübah, thsümünimde tüsho tümükhüh jak kiphahde sangthsü thsübanü, tüsho Atungpuh nüsa Thrünpuh miki amütsü rhimode api bukakhiukshihbanü,

YUZÜNGTHALO 5:8

Nünü nü thsungkheak tümükhüh sangthsü, yungsho thüning le alomi yungsho alomi bukkhüp ke ching lakhi tümükhüh kiphahde düthsü;

YUZÜNGTHALO 5:9

nünü arü ki dükhukning yungsho dütankih; tümüde I Atungpuh nüsa Thrünpuh, mükthsübuh Thrünpuhnü bebuhrü neak lün mahsam tüsho phüyi khiungde I thraneanrübo rhua kheahchoh,

YUZÜNGTHALO 9:12

“Tüsho Atungpuhnü I ki tha, Asürang, ha chingnü nahde yükiang; tümüde nünü Ijip chingnü bedarükhi nü mihtsürübonü thsümünimde rhimodo; inü arü ki thiyukhüm jihkhi limro chingnü arübo nahde tsoakhindo; arünü arü thsungkheak sangthsü rhimoa lah.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.