YUZÜNGTHALO 4:1 - AMÜSÜH HÜM CL Bible (BSI)

¹ “O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

YUZÜNGTHALO 4:1 Iomraidhean Croise

MUNGSHIKHÜN 105:45

junangde arünü api yakzan thsükhibo tüsho api yakzan anipü lakheah. Atungpuh shiang!

MUNGSHIKHÜN 119:4

Nünü nü yakzan thiyuronü azoshihpü isa ki thiyukhüm jih.

ABEKHIT 18:20

Tüsho nünü arü ki thiyuzüng le yakzanbo thsangyubah tüsho arünü atsahpü limro tüsho rhimopübo huhbah.

JEREMIA 11:6

Tüsho Atungpuhnü I ki tha: Ha yubo alala Juda kiutobo ching, tüsho Jirusalem kiudunglimrobo ching zhiyukjang: Ha tangzüng yubo soang tüsho jurübo rhimoang.

EZEKIEL 11:20

Jushu arünü I yakzan thsükhibo yanbah tüsho I yakzanbo zopü kümkangbah. Arü ju I mihtsürü thsübah, tüsho I ju arü Thrünpuh thsübah.

EZEKIEL 20:11

Inü arü kilim I yakzan thsükhibo jih tüsho I yakzanbo arü ki mükheahshih, tümüde jurü mihyu anikhi hode mihbüm aban alabah.

EZEKIEL 20:21

Tüshe tsührübonü I azhih: Arünü I yakzan thsükhibo müyan, mihtsürünü mihyu anibah rhangdung lapü lalashe arünü I yakzanbo zopü mükümkang, tüsho I amunibo müneanjih. Jumonü sunglo ching arü kheak I bukakhiuk dungkihpü tüsho arü azhihde bukakhiukpü inü tha.

EZEKIEL 36:27

Inü I me nü kheak yukjihbah, tüsho I yakzan thsükhibo ching tsahbah tüsho I yuzüngbo rhimopü kümkangshihbah.

EZEKIEL 37:24

I yamlarü David arü kurungkheak kiulongthsüpuh labah; tüsho arü alala namfimihnu neakrü khülang labah. Arünü I yuzüngbo ching tsahbah tüsho I yakzan thsükhibo anipü kümkangbah.

LEVI 18:5

Nüsanü I yakzan thsükhi tüsho I yuzüngbo zoang; jude athsükhinü nüsa rhangdung labah, I Atungpuh .

LEVI 19:19

Nünü I yuzüng thsükhibo zoang. Akam-shiwühnü buh shihshih kheak düdungshih. Thulu khülang ching müjih mahne düyang. Yungsho kukruk mahne thsürubah akeakkhi khim düphuyu.

LEVI 19:37

Nüsanü I yakzan thsükhibo tüsho I yuzüngbo alala yanang, tüsho jurü rhimoang: I Atungpuh ah.

LEVI 20:8

I yakzan thsükhi anide rhimoang: I nüsa müsühkhitjihbuh Atungpuh .

LEVI 22:31

Atungpuhnü tha, Jumonü nüsanü I yukhümbo aniang; I Atungpuh ah.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

JOHAN 15:14

Inü nüsa ki thiyukhüm jihkhibo nüsanü rhimosho nüsa ju I müyamrübo ah.

ROMRÜ KILIM PAULNÜ ATHRÜTKHI KIHÜM HUHTANYU 10:5

Mihtsürü shepünü yakzan kheak ningkihkhi thiyuro-lungki rhimochonü junü rhangdung labah de Mosanü thrüt.

YUZÜNGTHALO 1:3

Kheakü kam yirü, khinu thürükheak khülang, akhuhbe nimung ching Atungpuhnü arü thsungkheak thiyuzüngbo api kheak jihkhi nangde Mosanü Israel mihtsürübo ki tha.

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 11:1

“Jumonü nünü Atungpuh nü Thrünpuh muzhoang, tüsho apinü alunekhibo, yakzanbo, thiyuzüngbo, tüsho thiyukhümbo kamruhroro zoang.

YUZÜNGTHALO 11:32

khihni inü nüsa miki zojihkhi yakzanbo tüsho thiyuzüngbo nüsanü kümkangde rhimoang.

YUZÜNGTHALO 13:1

“Nüsa bolung chingnü wukihrü khülang yungsho milim müchitrü akhiukbahle apinü nüsa ki amütsan yungsho khinthiyinbe jihsho,

YUZÜNGTHALO 16:20

Nünü küju thiyuroanü ju yimang, junangde nü rhangdung labah tüsho Atungpuh nüsa Thrünpuhnü ajihkhi lo yamrüplurüp lubah.

YUZÜNGTHALO 30:16

khihni nüsa ki thiyukhüm jihkhi ching nünü Atungpuh nü Thrünpuh muzhosho, api limro ching tsahde api yukhümbo, yakzanbo, api yuzüngbo anisho, junangde nü rhangdung labah tüsho wüh bubah; tüsho Atungpuh nü Thrünpuhnü nünü müküh-a lupü lakhi lo ching nü müngühjihbah.

YUZÜNGTHALO 30:19

Inü khihni nüsa azhihde thiyumütsan thsüde thüning tüsho alo jichoh, junangde inü nüsa müngüh rhangdung tüsho ashekhi, müngühmühi tüsho muthrumünean zojihchoh; jumonü rhangdung mokhitang, junangde nü tüsho nü tsühsoniuso chido rhangdung labah;

YUZÜNGTHALO 30:20

junangde nünü Atungpuh nü Thrünpuh muzhode api yu anibah, tüsho nünü api kheak müripbah, tümüde api ju nü rhangdung tüsho nü kutsüp; tüsho Atungpuhnü nüsa jipürü, Abraham, Isak tüsho Jakob arü kilim jihpü thiyuchihchimkhi lo ching nü labah.”

YUZÜNGTHALO 4:40

Jumonü nüsanü api yakzanbo tüsho yuzüngbo inü khihni jihkhi aniang, junangde nüsa dunglim tsührübo kheak tsüde alabah, tüsho Atungpuh nüsa Thrünpuhnü lün thsungkheak jihkhi lo ching nüsa kutsüpde alabah.”

YUZÜNGTHALO 4:45

harü ha Israel mihtsürü Ijip chingnü abekhitshu Mosanü Israel mihtsürü ki thakhi yukhüm, yakzan tüsho yuzüngbo,

YUZÜNGTHALO 4:8

Tüsho inü khihni nüsa miki yakzan tüsho thiyuro yuzüngbo zojihkhi nangde trükshih ato küju la?

YUZÜNGTHALO 5:1

Tüsho Mosanü Israelrü alala jibah arü ki tha, “O Israel, yakzanbo tüsho thiyuzüngbo inü nüsa ki khihni thakhi aniang, junangde nüsanü jurü yande arhimopü kümkangang.

YUZÜNGTHALO 5:33

Nüsanü lüpdükhi ching Atungpuh nüsa Thrünpuhnü thiyukhüm jihkhi ching tsahang, junangde nüsa rhangdung tsüde alabah, tüsho nüsanü amükühpü lakhi lo ching nüsa kutsüp ashang alabah.

YUZÜNGTHALO 6:1

“Kheakü ha nüsa ki thsangyushihpü Atungpuh nüsa Thrünpuh thiyukhümbo, yakzanbo tüsho thiyuzüngbo, junangde nüsanü hode yübah amükühpü lakhi lo ching nüsanü yande arhimobah,

YUZÜNGTHALO 6:24

Tüsho kamruhroro tsüde alapü thsüde Atungpuh isa Thrünpuh wüntrepü thsungkheak Atungpuhnü isa ki harü yakzan alala anide arhimopü thiyukhüm jih, junangde khihni nangde apinü isa rhangdung lashihbah.

YUZÜNGTHALO 7:11

Jumonü nüsanü inü khihni rhimode alapü thiyukhüm jihkhi thiyukhümbo, yakzanbo, thiyuzüngbo zoang.

YUZÜNGTHALO 8:1

“Inü nüsa kilim khihni thiyukhüm jihkhi yuzüngbo alala jinjihde anide rhimoang, junangde nüsa rhangdung lade wüh bubah, tüsho Atungpuhnü nüsa bebuhrü ki thiyuchihchimkhi lo ching yünü müküh-a lubah.

YUZÜNGTHALO 8:11

“Nüsanü api yukhümbo, yuzüngbo, yakzanbo, küpü inü khihni nüsa ki thiyukhüm jihchonü harü manikhi hode Atungpuh mihamübahpü kümkangang.

YUZÜNGTHALO 9:1

“O Israel aniang: Nüsa khihni Jordan hode ayübah, tüsho nüsa kheaknü atobe tüsho sühmüh lakhi trükbo, chipi ato tüsho thüning khiungde ayünkhi kiutobo yanabahbah,

JIHUSUA 3:9

Jumonü Jihusuanü Israelrübo ki tha, “ Ha ching arang tüsho Atungpuh nüsa Thrünpuh yu aniang.