YUZÜNGTHALO 32:1 - AMÜSÜH HÜM CL Bible (BSI)

¹ O thüningbo, aniang, tüsho inü athabah; tüsho alominü I mün chingnü athakhi aniang.

YUZÜNGTHALO 32:1 Iomraidhean Croise

MUNGSHIKHÜN 49:1

Ha aniang, nüsa mihtsürü alala; nükhün muphoang, nüsa lomiküp ching larü alala,

MUNGSHIKHÜN 50:4

Apinü api mihtsürü mahkhappü thsüde akulim yinmibo tüsho alomi jichoh:

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 34:1

Phünide arang, O trükshihbo, tüsho aniang; O mihtsürübo, nükhün muphoang! Alomi tüsho ju ching lakhi alalanü soshang; alomiküp tüsho ju chingnü arükhi alala.

JEREMIA 2:12

Ha ki müyinsahang, O yinmibo, atrekhi atonü niukang, Atungpuhnü thachoh,

JEREMIA 22:29

O alomi, alomi, alomi, Atungpuh yu aniang!

JEREMIA 6:19

Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

YUZÜNGTHALO 30:19

Inü khihni nüsa azhihde thiyumütsan thsüde thüning tüsho alo jichoh, junangde inü nüsa müngüh rhangdung tüsho ashekhi, müngühmühi tüsho muthrumünean zojihchoh; jumonü rhangdung mokhitang, junangde nü tüsho nü tsühsoniuso chido rhangdung labah;

YUZÜNGTHALO 31:19

“Jumonü kheakü, nünü ha khün thrütang, tüsho Israel tsührübo ki thsangyuang; ha arü mün ching yukjang, junangde I thsungkheaknü Israelrü tsührü azhihde hanü thiyumütsan thsübah.

YUZÜNGTHALO 31:28

Nüsa trükbo alala tüsho atorübo I ki mukhungang, junangde inü harü yubo arünü sode thaanü tüsho arü azhihkhi thiyumütsan thsüde thüning tüsho alo jianü.

YUZÜNGTHALO 31:30

Judüki Mosanü ha khün akheam khiungde Israel boto ki sode khea huh:

YUZÜNGTHALO 4:26

khihni nüsa azhihde inü thüning tüsho alo jichoh, junangde nüsa Jordan hode ayükhi lomi chingnü shahde adükheakkhambah; nüsa nimungbo mushuhakhin, tüshe shahde adükheakbah.