YUZÜNGTHALO 27:1 - AMÜSÜH HÜM CL Bible (BSI)

¹ Judüki Mosa tüsho Israel azothsürübonü mihtsürübo ki thiyukhüm jihde tha, “Khihni inü nüsa kilim thiyukhüm jihkhibo ha alala mihyuaniang.

YUZÜNGTHALO 27:1 Iomraidhean Croise

1 KIUTHSÜYUKHEAN 28:8

Kheakü jumonü Israel alala mikinü, Atungpuh yo amukhungrü, tüsho isa Thrünpuhnü sode, Atungpuh nüsa Thrünpuh yukhüm alala leangkhiang tüsho kümkangde yimang; junangde ha lo atsü nüsanü alubah, tüsho nüsa dunglim lünnü nüsa tsührübo yamrüplurüp thsungkheak zojihbah.

MUNGSHIKHÜN 78:7

Judüki arünü Thrünpuh kheak kinbah tüsho api rhimobo amüsüh mümih tüshe api yukhüm bo zobah.

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

JOHAN 15:14

Inü nüsa ki thiyukhüm jihkhibo nüsanü rhimosho nüsa ju I müyamrübo ah.

YUZÜNGTHALO 1:1

Thiyu harübo ha Mosanü Israelrü alala ki sunglo ching Jordan thrippeang, adükhün ching Suph miki, Paran, Tophel, Laban, Hazeroth tüsho Dizahab dükeak chingnü athakhibo ah.

YUZÜNGTHALO 11:32

khihni inü nüsa miki zojihkhi yakzanbo tüsho thiyuzüngbo nüsanü kümkangde rhimoang.

YUZÜNGTHALO 26:16

“Ha nimung Atungpuh nüsa Thrünpuhnü harü yakzan tüsho thiyuzüngbo leangkhishihpü nüsa kilim thiyukhüm jihchoh; jumonü nüsanü kümkangde harübo nüsa mulong athrünkhinü tüsho nüsa me athrünkhinü aniang.

YUZÜNGTHALO 26:19

tüsho apinü nüsa mungshimungthu tüsho wüntre jihkhi ching trükbo kurungkheak shuhkihbah, tüsho apinü athakhi nangde, Atungpuh nüsa Thrünpuh miki nüsa amüsüh mihtsürü thsübah.”

YUZÜNGTHALO 27:2

Tüsho küyimki nüsa Jordan hode Atungpuh nüsa Thrünpuhnü ajihkhi lo ching yübanü, nüsanü lung atotobo khimang tüsho müye-sungsungnü mujuang.

YUZÜNGTHALO 6:17

Nüsanü Atungpuh nüsa Thrünpuh yukhümbo, thiyumütsanbo, tüsho apinü nüsa ki thiyukhüm jihkhibo düshihde anide rhimoang.

JAKOB 2:10

Tümüde shepünü yakzan athrünkhi zocho tüshe thiyuji khülang lakphahsho ju alala amülim kamshihchoh.