YUZÜNGTHALO 26:2 - AMÜSÜH HÜM CL Bible (BSI)

² nünü alo chingnü akhuh akhiukkhi luang, ju Atungpuh nüsa Thrünpuhnü nüsa kilim jihkhi lo chingnü hande arang, tüsho ju muluk ching yukbahle Atungpuh nüsa Thrünpuhnü api mung zopü mokhitkhi dangpung ching nahde yüang.

YUZÜNGTHALO 26:2 Iomraidhean Croise

2 KIULONG THSÜRÜ 4:42

Mihtsürü khülang akhuh asokhi sangasobo lubah Baal-shalisha chingnü Thrünpuh mihtsürü kilim arü: barli yikhap 20 tüsho anihbuh shungliu qiuqiu ching aso yimlukhi hi ye. Elishanü tha, “Ju mihtsürübo kilim jihang tüsho arübo tsühshang.”

2 KIUTHSÜYUKHEAN 31:5

Thiyukhüm jihkhi yanalünde, Israel mihtsürünü akhuh asokhi hi, yukhu, müdangke, mukhuke, tüsho thulu chingnü akhiukkhi alala suhdahde jih; tüsho mungjithürü yo shihcham suhdahde lubah yüzah.

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

NEHEMIA 12:44

Judüki arüngyam thsungkheak jihchungkhibo, thürü shihcham, hi akhuh yimlukhi tüsho sangaso akhuh asokhibo zopung thüyam khiungshak aban kheahshihpü, tüsho amükeamrü le Levirü kilim jihpü yakzannü mülükhi nangde kiutobo lu chingnü athremukhungpü mihtsürübo rhimo ching yüzahshih. Judarünü amükeamrü le Levirü kheak asüh,

NEHEMIA 13:31

Kim dükdü ching taka kingaünshihpü thsüde atakbe sang, tüsho mihtsürübo thsungkheak hi akhuh yimlukhi le sangaso akhuh asokhi, kingaünbo jihchungshihpü tsanglungjih. O Thrünpuh, ha rhimo atsü thsungkheak I lümkhitjang.

ABEKHIT 20:24

Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

ABEKHIT 22:29

“Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 23:16

Nüsanü thulu ching mükheankhi akhuh asokhi hibo Yimlukhi Thünio laang; tüsho nüsanü thulu chingnü hibo Hanmukhungkhi Thünio laang.

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

ABEKHIT 34:26

Nüsa lo chingnü akhiukkhi akhuh asokhi sangaso atsüdakbe Atungpuh nüsa Thrünpuh yam ching hande arang. Mihnu nunu abe niuhke ching dükhiung.”

JEREMIA 2:3

Atungpuh kilim apinü yimlukhi akhuhbe sangaso Israel amüsüh lakheah. Ha tsührü alala amülim ngüde alakheah; thsümütsü arü kheak arü, Atungpuhnü thachoh.

EZEKIEL 20:40

Tümüde I yo amüsüh müzüng, Israel müzüng kheak, Wuto Atungpuhnü thachoh, ju lomi ching Israel yamkhün lüpdükhinü I tankihbah, tüsho ju ching inü arübo leangkhibah. Ju ching inü nüsa kingaünbo tüsho amokhitkhi nüsa thsambahbo, nüsa yo amüsüh shuhmülanga jihkhi bede yihnüpü labah.

EZEKIEL 44:30

Sangaso bolung akhuh asokhi, tüsho nüsanü amungji aban kingaünkhi alala amükeamrübo yo thsübah; nüsanü akhuhde anungkhi yikhap amükeamrübo kilim jihbah, junangde nüsa yambukbo kheak müngühmühi labah.

EZEKIEL 48:14

Arünü ju müyin yungsho mümüthriachih; arünü ha amokhitkhi lomi makhin, tümüde ha Atungpuh kilim amüsüh lah.

LEVI 2:12

Nüsanü akhuhde yimlukhi Atungpuh kilim kingaün jihbah, tüshe kingaünpung kheak arhümthüneashihde mütak.

LEVI 2:14

Küyimki nüsanü akhuh yimlukhi hi Atungpuh kilim kingaün handarübanü, angukhi yungsho achukhi jihang.

ROMRÜ KILIM PAULNÜ ATHRÜTKHI KIHÜM HUHTANYU 11:16

Akhuhbe yikhap khülang Thrünpuh kilim jihsho, anungkhi abümnü api yo ah; tüsho sangdung yingbo Thrünpuh kilim jihsho, akhahbo she api yo ah.

ROMRÜ KILIM PAULNÜ ATHRÜTKHI KIHÜM HUHTANYU 16:5

arü yam ching mukhungrü borü ki she salüm jihang. Asia ching akhuh Khrista thsungkheak mulong müthrikhi inü muzhobuh Epaeneta ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 8:23

Tüsho thrüna lakhi lang yung, tüshe Me akhuh sangaso isabo, tsührübo kampü, isa pangbo rhokhitpü aleangde alunglimnü ashechoh.

1 KORINT 15:20

Tüshe atsütsü asherü she arhang kamlobah dükhi amütsan Khrista ashe chingnü arhang kamlodo.

1 KORINT 15:23

Tüshe mihbüm aban nihbuh kim ching arhang kamloshih: alala kheaknü akhuh Khrista; jushu api arüchoki api yo thsürü labah.

1 KORINT 16:2

Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo.

YUZÜNGTHALO 16:10

Tüsho Atungpuh nüsa Thrünpuhnü amüngühjihkhi chingnü salade nüsanü kingaün jihkhinü yimlukhi thünio ju mungang.

YUZÜNGTHALO 18:4

Nüsanü hi akhuh asokhi yukhu aso, oliv müdangke tüsho namfimihnu nam akhuh rukkhi api kilim jihang.

YUZÜNGTHALO 26:1

“Küyimki nüsa Atungpuh nüsa Thrünpuhnü yamrüplurüp jihkhi lo ching arübanü, tüsho müküh-a ju ching labanü,

YUZÜNGTHALO 26:3

Tüsho nünü ju kim ching shepü amükeambuh lanü api ki yübahle thaang, ‘Atungpuhnü isa jipürü ki isa jihshihpü alokhikhi lomi ching I arüdo de Atungpuh nüsa Thrünpuh ki khihni inü thakhitchoh.

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

JIHUSUA 18:1

Arünü alomi kukkhit dunglim mükühabahshu, Israelrü lüpdükhi Shilo ching mukhung tüsho Atungpuh shorupung khimyam khülang thsü.

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,