YUZÜNGTHALO 24:1 - AMÜSÜH HÜM CL Bible (BSI)

¹ “Küyimki athrürü khülangnü niuberü lubah apinü anihbe kheak tümükhüh mümüsühde ngübah alüm müshede akambanü; tüsho apinü abahkhi mülükhi hüm thrüta akhah ching yukjihbah api yam chingnü atsoshihbanü,

YUZÜNGTHALO 24:1 Iomraidhean Croise

ABEKHIT 21:10

Apinü aniube püpü lusho, apinü anihbe ki tsühyungbe, khimmih yungsho yamkhün thsükhi alim mükeamkhi.

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

JEREMIA 3:1

Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

JEREMIA 3:8

Akin mülakhi, Israel, müzammüramkhi hode abahkhi yukhüm jihbah alibe inü atsoshihkhi anihbenü ngü; tütüshe dükde mülakhi anihbe achi Judanü mütre, tüshe anihbe she yü tüsho müzammüram rhimo.

MALAKI 2:16

Tümüde niuberü bahkhi inü thraneanlah, Atungpuh Israel Thrünpuhnü thachoh, tüsho athsümünimnü nihbuh khimmih lüpdokhi thraneanlah, Wuto Atungpuhnü thachoh. Jumonü nüsanü kümkangang tüsho akin mülade dürhimo.

WÜHKHE 5:12

Israelrü mihtsürübo ki thaang, mihtsürü khürü niuberünü chamkhide tsosho tüsho api azhihde thiyuro mülakhi rhimosho,

WÜHKHE 5:28

Tüshe alibe ju azangrü mümüneana lasho tüsho müsüh-a lasho anihbe zuzu kambah tüsho tsührü labah.

MATHI 1:19

Josep ju thiyuro mihtsürü lakheah, jumonü boto ki Mari mungchih müngüshihpü aramlimnü thiyu bahloachihpü lüm.

LUKNÜ ATHRÜTKHI THIYUSHEAK-ATSÜ HUHTANYU 16:18

“Shepünü niuberü bahbah püpürü luchonü müzammüram yihbeakchoh; tüsho shepünü anihbuhnü abahkhi lubanü müzammüram yihbeakchoh.

YUZÜNGTHALO 21:15

“Mihtsürü khülangnü niuberü mahne lubah khülang kheak muzho tüsho püpü kheak mümuzhosho, tüsho anenü api kilim tsührü zübejihkhi ching adüjibuh ju amümuzhobe kheak yo thsüsho,

YUZÜNGTHALO 22:13

“Athrürü khülangnü niuberü lubah anihbe lung nungde alashu mulunede bahsho,

YUZÜNGTHALO 22:19

arünü api kheak shotoyinchi 100nü zhea anihbe bebuhrü kilim jihbah, tümüde ju buh, mihtsürünü Israel liberü kheak achih hande arüdo. Tüsho anihbe ju api niube thsübah; apinü anihbe rhangdung amuyung mübah.

YUZÜNGTHALO 22:29

alibe thsümünimbuh athrüpünü alibe abuh kilim shotoyinchi 50 jihbah, tüsho alibe ju api niube thsübah tümütüsho apinü anihbe thsümünimdo; api rhangdung amuyung apinü anihbe mübah.

YUZÜNGTHALO 24:2

küyimki anihbe api yam chingnü chamde tsobah püpürü niuberü kambanü;

YUZÜNGTHALO 24:3

ayamkhünbuh ashubuhnü anihbe thraneande abahkhi mülü-hüm thrüta akhah ching yukjihbah api yam chingnü tsoshihsho, yungsho ayamkhünbuh ashubuh sheabahsho,