YUZÜNGTHALO 22:1 - AMÜSÜH HÜM CL Bible (BSI)

¹ “Nü keoniorü moshipung yungsho namfimihnu nünü kheahde dütsoshih tüsho nü lupü amümürang düthsü; nünü keoniorü kilim belode arüjang.

YUZÜNGTHALO 22:1 Iomraidhean Croise

MÜCHITMUDU 24:11

Sherü ashepü bede yüa lanü bekhitang, tüsho sherü alaksahpü lim jingmükhea lanü tholoang.

MÜCHITMUDU 27:10

Nü müyamrü yungsho nü buh müyamrü dübahyuk, tüsho nü thsünü nimung nü keoniorü yam ching düyü; tümüde limshude alakhi nü keniorü kheaknü phünide alakhi nü yamhingrü atsübe ah.

MÜCHITMUDU 28:27

Shepünü zhochihrü kilim jihchonü zholümde müla, tüshe shepünü mükbo tukchonü muthrumüneanbo ahihdo labah.

ISAIA 58:7

Nü yikhap ju akhümrü kippü tüsho thüyam mülarü zhochihrü nü yam ching bedarüpü yung de; küyimki nünü bünkeang ngübanü, arü yihdojihpü tüsho nü keoniorü kheaknü nü müjikpü yung de?

ISAIA 8:17

Inü Atungpuh aleangbah, shepü miro Jakob yamkhün kheaknü jikla, tüsho inü api kheak mulonglambah.

EZEKIEL 34:16

Inü adükheakkhi yimbah, tüsho inü hiumüzütkhi belode arübah, tüsho inü yurikhi rümjihbah, tüsho tukthsükhi inü düküngshihbah, tüshe amüdangkhi tüsho reangzahkhi inü thsümünimbah. Inü thiyuronü arü yimkipbah.

EZEKIEL 34:4

Nüsanü ayiuhyiuh müdüküngshih, nüsanü tukthsü müthsüngu, nüsanü yurikhi mürümjih, nüsanü amüzütkhi belode marü, nüsanü adükheakkhi müyim, tüshe nüsanü thsokihde tüsho müküpde arü ki yakzan thsüdo.

LEVI 20:4

Tüshe mihtsürü khülangnü nihbuh tsührü Molek kilim jihbah mihtsürübonü müngümürang thsüde api mülaksahsho,

LEVI 6:3

yungsho tümükhüh dükheakkhi ngübah akeangyu thasho–khürünü rhimobah neak yihbeakbe mungjithürü dünkheak amülim thiyuchihchimsho,

ZEKARIA 7:9

Wuto Atungpuh ha thachoh: Thiyuro mahkhap rhimoang, khülangnü khülang ki amuzho tüsho mihmüthsüm huhang;

MATHI 10:6

Tüshe ju müthri Israel yamkhün dükheaka lakhi namfimihnubo kilim yüang.

MATHI 15:24

Tüshe apinü alo, “I adükheakkhi Israel namfimihnu kilim lang thiyia arüshihkheah.”

1 KORINT 9:9

Tümüde ha Mosa yakzan ching thrüta lah, “Moshipungnü hi nitchoki nünü amün dürümdojih.” Thrünpuhnü ju moshipungbo dünkheak lümcho shi?

YUZÜNGTHALO 22:2

Tüsho nü keoniorü ju nü phünide mülasho, yungsho api mümükheahsho nü yam ching bedarang, tüsho nü keoniorünü müyimchoki khiungde nü yam ki labah; tüsho nünü api kilim jihlobah.

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.