YUZÜNGTHALO 2:7 - AMÜSÜH HÜM CL Bible (BSI)

⁷ “Tümüde Atungpuh nüsa Thrünpuhnü nüsa khah rhimokhi alala ching müngühjihdo. Apinü nüsa ha sunglo ato hode keaksahde atsahkhi mükheahlah. Ha kam yirü Atungpuh nüsa Thrünpuh nüsa lung lado; tüsho nüsa tümü she müngüde müla.

YUZÜNGTHALO 2:7 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 24:35

Atungpuhnü I putungrü tode müngühjihdo, tüsho alarü kamdo; tüsho apinü anihbuh kilim mihnu boto le moshibo, shotoyinchi le suna, athrürü tüsho aliberü yamlarübo, tüsho kemelbo le donkibo jihdo.

THRÜNTAN 26:12

Judüki Isaknü ju lo ching mükhean, tüsho ju kam chinü alü thsüde yimlu; tüsho Atungpuhnü api müngühjih.

THRÜNTAN 30:27

Tüsho Labannü api ki tha, “I nü miki tsüde ngüa lasho, muzhobah binloang, tümüde nü thsülimnü Atungpuhnü I müngühjihdo de akin hode inü anikhitdo.”

THRÜNTAN 39:3

Api lung Atungpuh lakhi anihbuh putungrünü ngü tüsho api khah rhimo alala Atungpuhnü akuk ngüshih.

THRÜNTAN 39:5

Jumonü apinü api yam tüsho api lakhi alala kheahrü kamshihkhi kim chingnü Josep thsülimnü Atungpuhnü Ijipbuh yamkhün müngühjih; tüsho Atungpuh müngühmühi ju api yam ching alala tüsho thulu ching lakheah.

NEHEMIA 9:21

Sunglo dang ching kam yirü amuyung arü mütrü; arü khimmih küyimkishe mümürhüt tüsho arü jing thsüde mübüm. @1-LINE- SP ACE=

JOB HU H T ANYU 23:10

Tüshe inü adükükhi limro apinü mükheahlah; küyimki apinü I rükakibanü I suna ruk akhiukbah.

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 107:4

Arübo sunglo ching azhik limro ching rümde tsah; arü lapü kiuto müyimkhit.

MUNGSHIKHÜN 31:7

Nü muzhodakkhi thsungkheak inü asühachihbah tüsho asühbah, tümütüsho nünü I thsünü ngü, nünü I me thsünükhi mükheah,

MUNGSHIKHÜN 90:17

Atungpuh isa Thrünpuh jaktsü isa kheak lashang, tüsho isa thsungkheak isa khahnü arhimokhi rünkihshang; am, isa khah rhimo rünkihshang.

ABEKHIT 16:35

Arü lapü lomi ching arükhi khiungde Israelrünü manna ju kam yirü tsüh; arünü Kanan aredungyean khiungde manna tsüh.

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

HOSEA 13:5

Akung lo, sunglo ching nü kümbuh ju I lakheah.

AMOS 2:10

Kheaküshe inü nü Ijip lomi chingnü bekhit, tüsho Amorrü lo müküh-a lushihpü kam yirü sunglo ching be.

WÜHKHE 1:1

Israelrü mihtsürü Ijip chingnü akhiukshu kam mahnepü khinu mahne nimung akhuhbe nipü, Atungpuhnü Mosa ki Sinai sunglo ching api shorupung khimyam chingnü tha,

WÜHKHE 14:33

Tüsho nüsa tsührübo sunglo ching kam yirü rümde atsahbah, tüsho nüsa ashemi sunglo chingnü mükheam khiungde nüsanü thiyuro mülakhi dünkheak thsünübah.

WÜHKHE 14:34

Nüsanü lomi zütakheahkhi nimung yirü yande nimung khülang dün kam khülang ju kam yirü, nüsa münean hanbah, tüsho inü abahyukkhi nüsanü amükheahbah.

WÜHKHE 22:12

Tüshe Thrünpuhnü Balaam ki tha, “Nü arü lung müyü, nünü mihtsürübo mathruaji, tümüde arübo inü müngühjihdo.”

WÜHKHE 32:13

Jumonü Atungpuhnü Israelrü kheak bukakhiuk, tüsho apinü arü sunglo ching Atungpuh miki amünean rhimorü lünbo muhokham khiungde kam yirü sunglo ching rümde tsahshih.

LUKNÜ ATHRÜTKHI THIYUSHEAK-ATSÜ HUHTANYU 22:35

Tüsho apinü arü ki tha, “Küyimki inü nüsa shoyukpung, qiuqiu, tüsho jingkhümpü mulude ayüshihkheanü, nüsa tümükhüh mülakhea shi?” Jumonü arünü alo, “Tümü müla.”

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

YUZÜNGTHALO 1:19

“Jumonü isa Horeb chingnü akhinde nüsanü angükhi ato tüsho atrebe sunglobo Amorrü wungbo limro lim, Atungpuhnü isa ki thiyukhüm jihkhi nangde yü. Jushu isa Kadeshbarnea khiung.

YUZÜNGTHALO 1:46

Jumonü arübo kim tüsho nimung ashang Kadesh ching lakheah.

YUZÜNGTHALO 2:14

Tüsho isa Kadesh-barnea chingnü tsahmusubah Zered ayung hochoki kam samrükheak tizheah bankhit. Atungpuhnü arü ki thiyuchihchimkhi nangde, thirithsürü mihtsürü lün binkheampung chingnü shekham.

YUZÜNGTHALO 2:6

Nüsanü arü kheaknü tsühyungpü shonü thuloa tsühang; tüsho ke she shonü thuloa yungang.

YUZÜNGTHALO 29:4

Tütüshe ha nimung khiungde, Atungpuhnü nüsa ki anikhitpü lüm, angüpü mük tüsho asopü nükhün müjih.

YUZÜNGTHALO 29:5

Tüsho inü nüsa sunglo ching kam yirü bedo. Nüsa khimmihbo tüsho nüsa jingkhümpübo mümürhüt;

JIHUSUA 5:6

Tümüde thirithsürü mihtsürü Ijip chingnü akhiukkhi müshekhamyi khiungde Israelrü sunglo ching kam yirü tsah, tümütüsho arünü Atungpuhnü athakhi mani; Atungpuhnü arü jipürü ki niuhke tüsho mukhuke bukkhi lo jihpü thiyuchihchimkhi arünü müngüshih de Atungpuhnü thiyuchihchim.