YUZÜNGTHALO 2:5 - AMÜSÜH HÜM CL Bible (BSI)

⁵ Arü bebah dükeochih, tümüde inü arü lo nüsa kilim jingdükü khülang lang she müjih, tümütüsho inü Esau kilim Seir wung ju api yamalo thsüshihpü jihdo.

YUZÜNGTHALO 2:5 Iomraidhean Croise

THRÜNTAN 36:8

Jumonü Esaunü (ju Edom) Seir awung lomi ching la.

THRÜNTAN 36:9

Tüsho ha Seir wung ching lakhi Edomrü abuh Esau lünkhe ah.

JEREMIA 27:5

I wu ato tüsho I khah chungkhitkhinü alomi kheak lakhi mihtsürü tüsho shiwühbo bede inü alomi thrün, tüsho inü amulongrü kilim ju jih.

EZEKIEL 35:2

Mihtsürü tsührü, Edom müzüng azhihde nü miro abinang, tüsho ju azhihde müchitang,

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

YUNIRÜBO RHIMO 17:26

Apinü mihtsürü khülang kheaknü mihtsürü trükshih aban lomi alala ching lapü thsüde thrün; tüsho apinü arü kimbo tüsho lapungbo akhualojih,

YUNIRÜBO RHIMO 7:5

tüsho apinü ju ching anihbuh kilim amüphü dubopü lang she yamrüplurüp müjih. Tüshe Abraham tsührü mülaa lalashe, apinü anihbuh le adunglim api tsühsoniusobo kilim yamalo jihpü alokhi.

YUZÜNGTHALO 2:22

Atungpuhnü Seir ching lakhi Esau tsühsoniusobo Edomrü kheak she ju ruk rhimo, apinü Horrü dükheakshih, junangde Edomrünü arü yankhita bahbah ju ching la, ju khihni khiungde arü lachoh.

YUZÜNGTHALO 2:6

Nüsanü arü kheaknü tsühyungpü shonü thuloa tsühang; tüsho ke she shonü thuloa yungang.

YUZÜNGTHALO 32:8

Küyimki khide Achangbuhnü trükbo kilim yamrüplurüp jihkhea, küyimki apinü mihtsürübo chammüzütkhea, apinü mihtsürü aredungbo ju Israel mihtsürü wühkhe yande khim.

JIHUSUA 24:4

tüsho Isak kilim Jakob tüsho Esau jih. Esau kilim inü Edom awung lomi api lapung lo thsüpü jih tüshe Jakob le atsührübo a Ijip ching yüki.