YUZÜNGTHALO 19:3 - AMÜSÜH HÜM CL Bible (BSI)

³ Nüsanü limrobo thsakhamang, tüsho Atungpuh nüsa Thrünpuhnü nüsa kilim yamrüplurüp jihkhi lo ju kiuto bede shihcham mahsam thsüde chamang, junangde mihtsürü laksahrü ju ching tsoyukbah.

YUZÜNGTHALO 19:3 Iomraidhean Croise

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 57:14

Hade athabah, “ Rünkihang, rünkihang, limro thsakhamang, I mihtsürübo limro chingnü jing mükhebe alala lah-a bahang.”

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

YUZÜNGTHALO 19:2

küpü Atungpuh nüsa Thrünpuhnü nüsa lashihpü jihchonü nüsa lo phulung ching kiuto mahsam nüsa thsungkheaknü akhua zoang.

YUZÜNGTHALO 19:4

Tüsho ha mihtsürü laksahrü thsungkheaknü shepü ju ching tsoyukbanü api rhangdung labah: Shepünü nihbuh yamhingrü püpüki mükheahnede mülade müranglimnü alaksahbanü–

YUZÜNGTHALO 26:1

“Küyimki nüsa Atungpuh nüsa Thrünpuhnü yamrüplurüp jihkhi lo ching arübanü, tüsho müküh-a ju ching labanü,

YUZÜNGTHALO 4:21

Kheaküshe nüsa dünkheaknü Atungpuhnü I kheak bukakhiuk, tüsho Atungpuh nüsa Thrünpuhnü nüsa kilim jihkhi alo atsü ching yüzahpü, I Jordan hode müyükhuk de thiyuchihchim.

IBRI 12:13

Limro arihkhibo kheak tsahang, junangde nü jing nüpkhi müphülapkhit, tüshe athsüngubah.