YUZÜNGTHALO 17:9 - AMÜSÜH HÜM CL Bible (BSI)

⁹ tüsho nüsanü ju Levirü amükeamrü tüsho ju kim ching rhimoyam ching lakhi mahkhaprü ki keokhiang, tüsho arünü ju dünkheak mahkhapshang.

YUZÜNGTHALO 17:9 Iomraidhean Croise

EZEKIEL 44:24

Atsangachihkhi ching arünü mahkhaprü nangde arhimobah, tüsho I mahkhapkhi yande arünü khapzhakbah. Akhukhitkhi I yo thüniobo dünkheak arünü I yakzanbo tüsho I yuzüngbo alala zobah, tüsho arünü I yo amunibo müsühde azobah.

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

HAGGAI 2:11

Wuto Atungpuhnü ha thachoh: Ha yakzan mütsanmükhipü amükeamrü ki keokhiang:

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

ABEKHIT 22:8

Ahührü ju müngükhitsho, thüyam putungrü ju apinü ayamhingrü kukruk ching akhah chunga la shi yungnü akheahpü mahkhaprü ki bedarübah.

YUZÜNGTHALO 17:10

Atungpuhnü amokhitkhi dangpung ching arünü nü ki mütsande athakhi yande nünü kümkangde rhimoang.

YUZÜNGTHALO 21:5

Judüki Levi tsührü amükeamrübo ju phünide arübah, tümüde Atungpuh nüsa Thrünpuhnü api tankihshihpü tüsho Atungpuh mung ching müngühshihpü arü mokhit; arü yu hode neamneamruru tüsho laksahachihkhi dünkheakbo khikzhakbah.

ZEKARIA 3:7

“ Wuto Atungpuhnü ha thachoh: Nünü I limro ching tsahsho tüsho inü alunekhibo zosho, nünü I yam kurungkheak yakzan shuhbah tüsho ju khiungshakbo neakbah, tüsho ha ching zhiprü bolung inü nü kilim dangpung ngüpü alim jihbah.

ABEKHIT 18:16

Küyimki arü neamneamruru labanü, arünü I kilim arüchoh, tüsho inü arü khülang le khülang dükeak mahkhapjihchoh; tüsho inü Thrünpuh yuzüngbo tüsho api yakzanbo mükheahshihchoh.”

YUZÜNGTHALO 16:18

“Atungpuh nüsa Thrünpuhnü ajihkhi chipimurungbo ching nüsanü mahkhaprü tüsho atorübo nüsa trükbo yande moyukang, tüsho arünü thiyuro mahkhapkhi yande mihtsürübo ki mahkhapbah.

YUZÜNGTHALO 25:1

“Mihtsürü mahne dükeak neamneamde mahkhappung ching arüsho mahkhaprünü ane dükeak mahkhapjihpü kuklah, tüsho arünü khülang alim tüsho püpü ju amülim jihbah,

YUZÜNGTHALO 33:10

Arünü Jakob ki nü yuzüngbo tüsho Israel ki nü yakzan thsangyubah; arünü nü miki arhümthüneabe yukbah, tüsho nü kingaün sadam kheak taka kingaünbah.

1 KIUTHSÜYUKHEAN 26:29

Izharrü, Kenania tüsho api tsührübo Israel thsungkheaknü atorübo tüsho mahkhaprübo nangde mokhita wungdo aheangshih.

ZEKARIA 7:3

tüsho Wuto Atungpuh yam amükeamrü tüsho wukihrübo ki keokhipü, “ Inü kam ahihdo thsükhi nangde khinu phüngü ching tüzhode khümkeak thsüba shi?”