YUZÜNGTHALO 17:1 - AMÜSÜH HÜM CL Bible (BSI)

¹ “Nünü Atungpuh nü Thrünpuh ki lapha kihkhi moshipung yungsho namfimihnununü dükingaün, tümüde ju Atungpuh nü Thrünpuh kilim athraneanbe lah.

YUZÜNGTHALO 17:1 Iomraidhean Croise

THRÜNTAN 41:19

Judüki inü Ijip lomi alala ching ha ruk makhamde müngüakheahkhi püpü moshibo thüne trukkhita ashih-mükihde arü dunglim akhiuk.

ABEKHIT 12:5

Nüsa namfimihnunu ju kam khülang bankhi lapha mükihkhi pung labeah. Nüsanü namfimihnu yungsho mihnu bolungnü alupü kuklah.

MÜCHITMUDU 11:1

Mulungkide akearakhi ju Atungpuh kilim athraneanbe lah, tüshe thiyuronü adünkhi ju api asühpü lah.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 20:10

Thiyuro mülakhi adünara tüsho akeara ane chido Atungpuh kilim athraneanbe lah.

MÜCHITMUDU 6:16

Harü mungji thuruk Atungpuhnü thraneanlah, am, thüne apinü thranean lah:

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

MALAKI 1:8

Küyimki nüsanü amüktukkhi shiwüh laksah-a kingaünkhi ching jihbanü, ju amülim yung de? Tüsho küyimki nüsanü akikkhi yungsho tukthsükhi jihbanü, ju amülim yung de? Ju nü yo kovünor ki thsambah jih-a kheahang; apinü nü ki asühba de yungsho nü leangkhiba de? Wuto Atungpuhnü thachoh.

WÜHKHE 29:8

Nüsanü Atungpuh kilim taka kingaünde arhümthüneashihpü ju: moshipung nunu 1, namfimihnupung 1 tüsho kam khülang bankhi namfimihnunu 7. Jurü alala lapha mükihkhi thsübeah.

YUZÜNGTHALO 15:21

Tüshe ju kheak tümükhüh athsareak kihsho, akikkhi yungsho amüktukkhi yungsho thsara zahkhi nünü Atungpuh nü Thrünpuh ki laksah-a dükingaün.

YUZÜNGTHALO 23:18

Nünü aliberü yungsho athrürü müzammüramkhi chingnü amulokhi thiyuchihchimkhi shakpü thsüde Atungpuh nü Thrünpuh yam ching hande darü, tümüde ane chido Atungpuh nü Thrünpuh kilim athraneanbe lah.

YUZÜNGTHALO 24:4

anihbe müneanabahshu a akhuh yamkhünbuh anihbe bahbuhnü aniube thsüpü mululo; tümüde ju Atungpuh miki athraneanbe lah, tüsho adüso nü Thrünpuhnü yamrüplurüp jihkhi lo ching nünü neak hande darü.

YUZÜNGTHALO 25:16

Tümüde sherünü hadürü rhimochonü, tüsho sherünü thiyuro lungki mülanü, Atungpuh nü Thrünpuh kilim athraneanbe lah.

YUZÜNGTHALO 7:25

Arü thrünpuhbo thsüa zokhi nüsanü monü atakbah; nüsanü arü kheak lakhi shotoyinchi yungsho suna dümürüh, yungsho nihbuh thsungkheak dulu, jude thsüsho junü nüsa mükhiplobah; tümüde ha Atungpuh nüsa Thrünpuh kilim athraneanbe lah.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

1 PETER 1:19

tüshe lapha yungsho areak mükihkhi namfimihnunu nangde, Jisu shoto thiyih hode ah.