YUZÜNGTHALO 16:4 - AMÜSÜH HÜM CL Bible (BSI)

⁴ Tüsho nimung thüne nüsa lomi alala ching nüsa bolung phaüm düngüshih, yungsho nüsanü atan ni shuhyini ching kingaünkhi shih yapsu khiungde daningshih.

YUZÜNGTHALO 16:4 Iomraidhean Croise

ABEKHIT 12:10

Nüsanü ju yapsu khiungde daningshih, tüsho yapsu khiungde aningkhi a takabahang.

ABEKHIT 12:15

“Nüsanü nimung thüne phaüm muyukkhi yikhap tsühbah. Akhuhbe nimung nüsanü nüsa yambo chingnü phaüm yihkhita bahang. Tümütüsho shepünü akhuhbe nimungnü thüne ni khiungde phaüm yukkhi yikhap tsühbanü, ju mihtsürü Israel chingnü khekhita bahbah.

ABEKHIT 12:6

Nüsanü haju khinu thürükheak phüyi ni khiungde zoang. Jushu Israel amukhungrü alalanü shuhyini lachoki ju laksahbah.

ABEKHIT 12:8

Ju re arünü ashihtsü tsühbah; mo chingnü angukhi, phaüm muyukkhi tüsho akhüh sangyü bede arünü ju tsühbah.

ABEKHIT 13:7

Phaüm Muyukkhi yikhap ju nimung thüne tsühbah. Tüsho nüsa lomi alala ching phaüm yukkhi yikhap yungsho phaüm müngüshihbeah.

ABEKHIT 23:18

Nüsanü I kilim laksah-a kingaünkhi thiyih ju phaüm yukkhi yikhap bede dükingaün; yungsho I kingaünkhi amüdang yapsu khiungde düzo.

ABEKHIT 34:25

“I kilim shiwüh laksah-a kingaünkhi thiyih ju phaüm yukkhi yikhap bede düjih, tüsho phunghothünio laksah-a kingaünkhi tümü she yapsu khiungde daningshih.

MATHI 13:33

Apinü kheaküshe arü ki shihdanglimyu püpü tha: “Yinmi kiulongthsü ju, aliberü khülangnü phaüm lubah aümdungkhi pungdüchi 40 ching düsah-a mülamyi khiungde azokhi kiphahlah.”

YUZÜNGTHALO 16:5

“Nüsanü phungho-thünio ju Atungpuh nüsa Thrünpuhnü ajihkhi chipimurung khüpnü dükingaün;