YUZÜNGTHALO 16:3 - AMÜSÜH HÜM CL Bible (BSI)

³ Nüsanü ju phaüm yukkhi yikhap lung dütsüh; nimung thüne nüsanü ju lung phaüm muyukkhi yikhap tsühbah, ju thsünükhi yikhap (tümüde nüsa Ijip chingnü niokheamde akhiuk), junangde nüsanü nüsa Ijip chingnü akhiukkhi rhangdung amuyung lümkhitbah.

YUZÜNGTHALO 16:3 Iomraidhean Croise

1 KIULONG THSÜRÜ 22:27

tüsho thaang, ‘ Kiulongthsüpuhnü ha tha: Ha buh ha rihyam ching yukang, tüsho I mungtsü chingnü marüchoki, api ki yikhap tüsho ke lang kipduhang.’”

MUNGSHIKHÜN 102:9

Tümüde inü awahbo ju yikhap nangde tsühdo, tüsho I chikebo ayungbe lung düsahdo,

MUNGSHIKHÜN 111:4

Apinü api amüyinsahbe rhimobo lümkhitpü thsü; Atungpuh ju mihmüthsüm tüsho muzhomüyinü milah.

MUNGSHIKHÜN 127:2

Akeangkeang ching nü mükikde asürüchoh, zhomade yapchoh, tsühyungbe tsühpü thsungkheak rhimochoh; tümüde apinü amuzhorü kilim ayappü mülüjihchoh.

ABEKHIT 12:11

Hanangde nüsanü atsühbah: nüsa chim kheak pangrümpü kihbah, nüsa jingkhümpü khümbah, tüsho nüsa khah ching tso shuhbah. Nüsanü ju niokheamde tsühang. Ha Atungpuh phunghothünio ah.

ABEKHIT 12:17

Jumonü nüsanü phaüm muyukkhi thünio mungbah, tümüde ha nimung ching inü nüsa bonungrü Ijip lomi chingnü abekhitkheah. Jumonü nüsanü ha nimung ju nüsa lünbo alala ching akheam müla yuzüng kamde mungde laang.

ABEKHIT 12:39

Tüsho arünü Ijip chingnü hanbah akhiukkhi phaüm muyukkhi yikhap ju nung; ha phaüm muyukyide alakheah, tümütüsho arübo Ijip chingnü ayankhitkhinü maleangkhuk yungsho arü tsühyungbe mütsanglungbit.

ABEKHIT 12:8

Ju re arünü ashihtsü tsühbah; mo chingnü angukhi, phaüm muyukkhi tüsho akhüh sangyü bede arünü ju tsühbah.

ABEKHIT 34:18

“Phaüm muyukkhi yikhap thünio mungang. Inü nüsa ki thiyukhüm jihkhi nangde phaüm muyukkhi yikhap nimung thüne akhukhitkhi kim Abib khinu ching tsühang; tümüde ju kim ching nüsa Ijip lomi chingnü akhiukkheah.

ISAIA 52:12

Tümüde nüsa niokheamde muwukhiuk, tüsho nüsa shande müyüzah; tümüde Atungpuh nüsa müngüh yübah tüsho Israel Thrünpuh nüsa dunglim aheangrü thsübah.

LEVI 23:6

Tüsho ju khinu nimung thürükheak phüngü nipü ju phaüm muyukkhi Atungpuh thünio labah; nüsanü nimung thüne phaüm muyukkhi yikhap tsühbah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

WÜHKHE 28:17

Tüsho ha khinu nimung thürükheak phüngü ni ju thünio tankihbah; nimung thüne phaüm muyukkhi yikhap tsühbah.

WÜHKHE 9:11

Khinu mahne nimung thürükheak phüyi ni shuhyini ching arünü ju leangkhibah; arünü phaüm muyukkhi yikhap tüsho akhüh wokephüyak bebah atsühbah.

LUKNÜ ATHRÜTKHI THIYUSHEAK-ATSÜ HUHTANYU 22:19

Tüsho apinü yikhap lubah makshe jih tüsho ju yihnakbah arü kilim jihde tha, “Ha nüsa dünkheak jihkhi I pang ah; ha I lümkhitde rhimoang.”

1 KORINT 5:8

Jumonü isanü lungchihkhi tüsho amütsü awün phaümnü yung tüshe atsangkhitkhi tüsho thiyuro phaüm muyukkhi yikhap bede thünio leangkhianü.

YUZÜNGTHALO 16:2

Jumonü nüsanü mihnu tüsho moshi bolungnü yihkhitbah api mung zopü Atungpuhnü mokhitkhi dangpung chingnü Atungpuh nüsa Thrünpuh kilim phungho-thünio shuhmülanga kingaünang.

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

1 TESALONIKA 1:6

Nüsa ju isa tüsho Atungpuh kheahkhirü kamdo, tümüde nüsa thsünü ching lachoki Amüsüh Menü asühshihde thiyusheak leangkhi;

JIHUSUA 4:7

Atungpuh tangzüng sangdan ayung hanhochoki, Jordan keto mubukde akamkheah de arü ki thaang. Ha ching tümü dünjikheanü Thrünpuhnü mihtsürübo ki lünnü ha lungbo hode alümkhitshihbah.”