YUZÜNGTHALO 13:8 - AMÜSÜH HÜM CL Bible (BSI)

⁸ nünü api jude düthsüshih, yungsho api ki dani, yungsho api kheak muzhode dükheah, yungsho api daningshih yungsho api dütsungdo;

YUZÜNGTHALO 13:8 Iomraidhean Croise

ABEKHIT 20:3

“Nünü I miki püpü thrünpuhbo dülashih.

MÜCHITMUDU 1:10

I tsah-a, amüneanrünü nü münitsho, hehuh düthsü.

EZEKIEL 5:11

Jumonü Wuto Atungpuhnü thachoh, I arhang lah, tümütüsho nünü athraneanbe kukrukbo alalanü I yo arüngyam müneanshihdo, inü I küdah thsüde amuzho lulobah; inü nü kheak muzhode mükheah yungsho nü maningshih.

YUZÜNGTHALO 13:7

nüsa phünide yungsho limshude alarü alomi akheam thripkhühnü khülim khiungkhi mihtsürü thrünpuhbo lanü,

YUZÜNGTHALO 19:13

Nünü dümuzho, tüshe nünü amülim mükihrü thiyih bukkhi neak Israel chingnü yihkhita bahang, junangde nüsa kheak tsüde alabah.

YUZÜNGTHALO 28:64

“Judüki Atungpuhnü nüsa mihtsürü alala lung, alomi akheam thripkhühnü khülim khiungde müzütshihbah, tüsho nüsanü ju ching nüsa yungsho nüsa jipürünü mümükheahkhi sang tüsho lungnü athsükhi püpü thrünpuhbo tankihbah.

YUZÜNGTHALO 32:17

Arünü Thrünpuh tsütsü yungde arimri mebo, arünü küyimkishe mümükheahkhi, khihnishido arükhi thrünpuhbo aso, nüsa jipürünü mütrekhi kilim laksah-a kingaün.

YUZÜNGTHALO 7:16

Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

YUZÜNGTHALO 7:2

tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

1 JOHAN 5:21

I tsührübo, sangthsübo kheaknü nüsa tsokhide laang.

MAHKHAPRÜ 10:6

Judüki Israelrünü kheaküshe Atungpuh miki amütsü rhimo, tüsho Baalbo, Astarbo, Siria thrünpuhbo, Sidon thrünpuhbo, Moab thrünpuhbo, Amon thrünpuhbo tüsho Filistia thrünpuhbo tankih; arünü Atungpuh bahyuk tüsho api mütankih.