YUZÜNGTHALO 13:5 - AMÜSÜH HÜM CL Bible (BSI)

⁵ Tüshe wukihrü yungsho milim müchitrü ju asheshihbah, tümütüsho apinü Atungpuh nüsa Thrünpuh shepünü nüsa Ijip chingnü bekhit tüsho azhorü yamkhün chingnü rhokhitkhea, apinü thiyukhüm jihkhi limro chingnü tüsho api kheaknü chamkhide atsoshihpü nüsa ki thado. Junangde nüsanü amütsü rhimo nüsa bolungnü yihkhita bahang.

YUZÜNGTHALO 13:5 Iomraidhean Croise

1 KIULONG THSÜRÜ 13:19

Judüki Thrünpuh mihtsürünü api lung alode yü, tüsho api yam ching jim tsüh tüsho ke yung.

1 KIULONG THSÜRÜ 18:40

Elijanü arü ki tha, “Baal wukihrübo ramang; arü khülang she dütsoshih.” Judüki arünü arübo ram; tüsho Elijanü arübo Kishon dükhün ching bede aki, tüsho arübo ju ching laksah.

2 KIUTHSÜYUKHEAN 34:31

Kiulongthsüpuhnü anihbuh dangpung ching zhip tüsho Atungpuh yanpü, api yukhümbo, yakzanbo, yakzan thsükhibo api mulong athrünkhinü, api me athrünkhinü ayanpü ha hüm ching thrütkhi tangzüng yubo rhimopü Atungpuh miki tangzüng khülang thsü.

JEREMIA 14:15

Jumonü inü arü müthiyide I mung ching müchitrü wukihrü dünkheak Atungpuhnü ha thachoh, tüsho sherübonü tha, “ Nukshang tüsho khümzung ha lomi ching marü.” Nukshang tüsho khümzungnü arü dükheakshihbah.

JEREMIA 29:32

jumonü Atungpuhnü ha thachoh: Inü Nehelamrü Shemaia tüsho api tsühsoniusobo thsümüchipü thsüchoh; inü I mihtsürü ki atsü rhimopü lakhi kheahpü thsüde ha mihtsürü bolung api a sheshe alapü yung, Atungpuhnü thachoh, tümüde apinü Atungpuh azhihde asukdo.

JEREMIA 50:6

I mihtsürübo adükheakkhi namfimihnu lakheah; arü namfimihnu neakrübonü awungbo lim rholoshihde bephülapdo; awungbo chingnü müzüngbo ching rümde yü, arünü arü lapung yam mihdo.

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

ZEKARIA 13:3

Tüsho mürangkhüh wukihrü khürü akhiuksho, arü abuh tüsho arü zübekhi berübonü athabah, “ Nü ashebah, tümüde nünü Atungpuh mung ching akeangyu asukchoh;” tüsho arü züberü arü abuh tüsho berübonü arünü müchitchoki arü chinkhitshihbah.

YUNIRÜBO RHIMO 13:8

Tüshe wurük-huhrü Ilymanü (Greek yu ching ju api mung) akin chingnü kovünor rholoshihpü zhipdo.

1 KORINT 5:13

Aleangkheakrü Thrünpuhnü thiyukhapbah. “Nüsa bolungnü mihbukmuyuk mihtsürü yankhita bahang.”

YUZÜNGTHALO 13:10

Tüsho nüsanü api lungnü arusahbah, tümütüsho apinü Atungpuh nü Thrünpuh shepü hode Ijip lo tüsho azhorü yamkhün chingnü abekhitkheanü, api kheaknü bephülapde atsopü rük yim.

YUZÜNGTHALO 13:15

tsükjide nüsanü kiutobo ching larü nuknü alaksahbah–ju ching lakhi alala tüsho akam-shiwühbo alala nuknü alaksahkhambah.

YUZÜNGTHALO 13:9

tüshe nünü dükde api laksahbah; api sheshihpü api azhihde akhuhde nü khah chungbah, tüsho jushu mihtsürü alala khah jipkihbah.

YUZÜNGTHALO 17:5

nünü amütsü rhimorü athrürü yungsho aliberü ju nüsa chipimurungbo ki bede akhiukang, tüsho lungnü rusahang.

YUZÜNGTHALO 17:7

Api sheshihpü thsungkheaknü thiyumütsan jihrünü akhuh khah chungbah, tüsho jushu mihtsürübonü khah chungbah. Junangde nüsanü amütsü mihtsürü nüsa lungnü yihkhita bahbeah.

YUZÜNGTHALO 18:20

Tüshe wukihrü shenü mükheahlah de lümbah I mung chingnü inü thiyukhüm müjihkhi yungsho püpürü thrünpuhbo mung ching thabanü ju wukihrü ashebah.’

YUZÜNGTHALO 19:19

apinü akeoniorü kheak rhimopü lümkhi ju nüsanü api kheak rhimoang; junangde nüsanü amütsü mihtsürü nüsa bolungnü yihkhita bahang.

YUZÜNGTHALO 22:21

arünü alibe ju abuh yam khimdopü ki bede akhiukbah, tüsho kiuto ching lakhi athrürübonü anihbe ju lungnü arusahbah, tümütüsho alibenü abuh yam chingnü müzammüramde achihbe rhimo Israel ching rhimodo; jumonü nüsanü amütsü mihtsürü nüsa bolungnü yihkhita bahang.

YUZÜNGTHALO 22:24

nüsanü ane chido kiuto chipimurung ching bede akhiukbah, tüsho ane lungnü rusahang, anünübenü arungkhishihpü kiuto ching müzhi, tüsho athrüpünü püpürü niuberü thsümünimdo; hanangde nüsanü amütsü mihtsürü nüsa bolungnü yihkhita bahang.

YUZÜNGTHALO 24:7

“Mihtsürü khülang akeoniorü Israelrü tsührü rama lubah atsokhi ngükhitsho, tüsho azhorü nangde api thsümüchisho yungsho yinsho, mihrambuh ju asheshihbah; tüsho nüsanü amütsü mihtsürü nüsa bolungnü yihkhita bahang.

YUZÜNGTHALO 26:14

Inü ju I tüzhode alachoki kim ching mütsüh, yungsho mümüsühkhi rhimo thsungkheak inü müyihkhit, yungsho asherü kilim müjih. Inü Atungpuh I Thrünpuh yu anido, tüsho nünü I ki thiyukhüm jihkhi yande rhimodo.

YUZÜNGTHALO 4:19

Tüsho küyimki nüsanü thüning lim abinkih-a kheahbanü tüsho ani, khinu, chiningbo, thüning ching lakhi alala ngübanü Atungpuh nüsa Thrünpuhnü thüning bukkhüp mihtsürü alala ki jihkhibonü nüsa dümünityukshih tüsho mükhümde arü dütankihshih.

YUZÜNGTHALO 6:13

Nüsanü Atungpuh nüsa Thrünpuh wüntreang, tüsho api tankihang, tüsho api mung ching thiyuchihchim luang.

YUZÜNGTHALO 7:4

Tümüde jurü liberübonü nüsa tsührübo püpü thrünpuhbo tankihshihpü I kheaknü beakhinde atsobah; junangde nüsa azhihde Atungpuh bukakhiukbah tüsho nüsa nahde adükheakbah.

JIHUSUA 23:8

tüshe nüsanü khihni rhimokhi nangde Atungpuh nüsa Thrünpuh kheak düngde ramrihang.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

MAHKHAPRÜ 20:13

Kheakü Gibea ching mihbukmuyuk mihtsürübo jihang, junangde isanü arübo asheshihbah tüsho Israel chingnü amütsü rhimo yihkhita bahbah.” Tüshe Benjamin mihtsürübonü arü keoniorü Israelrü yu mani.

1 SAMUEL 12:14

Nüsanü Atungpuh tresho tüsho api tankihsho tüsho api yu anide Atungpuhnü thiyukhüm jihkhi mazhihsho, tüsho nüsa le nüsa kurungkheak kiulongthsüpuhnü Atungpuh nüsa Thrünpuh yansho, ju atsübah;