YUZÜNGTHALO 13:4 - AMÜSÜH HÜM CL Bible (BSI)

⁴ Nüsanü Atungpuh nüsa Thrünpuh dunglim tsahang tüsho api wüntreang, tüsho api yukhüm yande api düsheak aniang, tüsho nüsanü api tankihde api kheak düngdüng ramrihang.

YUZÜNGTHALO 13:4 Iomraidhean Croise

2 KIULONG THSÜRÜ 23:3

Kiulongthsüpuhnü dungjing ki zhip tüsho api yukhümbo, yakzanbo, thiyuzüngbo ha hüm ching thrüta lakhi tangzüngkhi yubo rhimode Atungpuh yanpü api miki tangzüng khülang thsü. Mihtsürü alalanü tangzüngkhi ching arihde yan.

2 KIUTHSÜYUKHEAN 34:31

Kiulongthsüpuhnü anihbuh dangpung ching zhip tüsho Atungpuh yanpü, api yukhümbo, yakzanbo, yakzan thsükhibo api mulong athrünkhinü, api me athrünkhinü ayanpü ha hüm ching thrütkhi tangzüng yubo rhimopü Atungpuh miki tangzüng khülang thsü.

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

ROMRÜ KILIM PAULNÜ ATHRÜTKHI KIHÜM HUHTANYU 6:13

Nü pang shihchambo ju mihbukmuyuk rhimopü neak kilim düjih, tüshe ashe chingnü arhang kamlokhi mihtsürü nangde tüsho nü pang shihchambo thiyurolungki rhimopü Thrünpuh kilim jihang.

1 KORINT 6:17

Tüshe shepünü Atungpuh lung arihchonü api lung me khülang kamchoh.

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

YUZÜNGTHALO 11:1

“Jumonü nünü Atungpuh nü Thrünpuh muzhoang, tüsho apinü alunekhibo, yakzanbo, thiyuzüngbo, tüsho thiyukhümbo kamruhroro zoang.

YUZÜNGTHALO 30:20

junangde nünü Atungpuh nü Thrünpuh muzhode api yu anibah, tüsho nünü api kheak müripbah, tümüde api ju nü rhangdung tüsho nü kutsüp; tüsho Atungpuhnü nüsa jipürü, Abraham, Isak tüsho Jakob arü kilim jihpü thiyuchihchimkhi lo ching nü labah.”

YUZÜNGTHALO 6:13

Nüsanü Atungpuh nüsa Thrünpuh wüntreang, tüsho api tankihang, tüsho api mung ching thiyuchihchim luang.

YUZÜNGTHALO 6:5

Nü mulong athrünkhinü, nü me athrünkhinü, tüsho nü sühmüh athrünkhinü Atungpuh nü Thrünpuh muzhoang.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

2 JOHAN 1:6

Tüsho isanü api yuzüng yankhi ha amuzho ah; nüsanü atankih chingnü sobah amuzho lakhi ha thiyuzüng ah.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”