YUZÜNGTHALO 13:2 - AMÜSÜH HÜM CL Bible (BSI)

² tüsho apinü nüsa ki amütsan yungsho khinthiyinbe thakhi dünjisho tüsho isanü püpürü thrünpuhbo nüsanü mümükheahkhi dunglim yananü, tüsho arübo tankihanü de thasho,

YUZÜNGTHALO 13:2 Iomraidhean Croise

1 KIULONG THSÜRÜ 13:3

Ju nimungnü apinü amütsan jihde tha, “Ha Atungpuhnü athakhi amütsan ah: ‘ Kingaün sadam akeambah tüsho ju kheak lakhi awahbo sukkhita bahbah.’”

ABEKHIT 22:19

“Shepünü shiwüh lung müzammürambanü tsükjide asheshihbah.

ABEKHIT 7:22

Tüshe Ijip wurük-huhrübonü arü wurüknü ju ruk thsü; jumonü Pharao mulong müküpde kamlo, tüsho Atungpuhnü athakhi nangde apinü ane ki mani.

JEREMIA 23:32

Kheahang, akeangyu milim müchitrü inü azhihchoh, Atungpuhnü thachoh, tüsho sherünü jurü thacho, tüsho sherünü inü müthiyide, akeangyu thade tüsho mükümkangde I mihtsürübo bephülapde tsocho; jumonü arünü ha mihtsürü shahjungde alü müthsüshih, Atungpuhnü thachoh.

JEREMIA 27:9

Jumonü nüsanü nüsa wukihrübo, müchitrübo, milim yihnakrübo, müchityu tharübo, yungsho wurük-huhrü ki dani, sherünü nüsa ki thacho, “ Nüsanü Babilon kiulongthsüpuh mütankih.”

JEREMIA 28:9

Wukihrü shepünü mungtsü müchitbah, wukihbuh yu dünjibanü, Atungpuhnü wukihbuh dükde thiyia lah de mükheahbah.”

ZEKARIA 10:2

Tümüde sangthsübonü akeangyu thachoh; tüsho müchitrünü akeangyu ngüchoh; milim-mirünü akeangyu michoh, tüsho akeangkeang ching mulong shukheamchoh. Jumonü mihtsürübo ju namfimihnu nangde rümde tsahchoh; arübo aneakrü mülakhinü küpkhukchoh.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

YUZÜNGTHALO 13:13

junangde isanü yüanü tüsho nüsanü mümükheahkhi püpürü thrünpuhbo tankihanü de thade athsümünim mihtsürü khürü nüsa bolungnü yübah kiutobo ching larü mihtsürübo bephülapa lasho,

YUZÜNGTHALO 13:6

“Nü khiung, nü be tsührü, nü tsührü yungsho tsührübe, nünü amuzhokhi yamkhünberü yungsho nü ki mulong khülang thsükhi müyamrünü nü bephülappü thsüde hade thasho, Isanü yübah püpürü thrünpuhbo tankihanü, shepü nü tüsho nüsa jipürünü mümükheah,

YUZÜNGTHALO 18:20

Tüshe wukihrü shenü mükheahlah de lümbah I mung chingnü inü thiyukhüm müjihkhi yungsho püpürü thrünpuhbo mung ching thabanü ju wukihrü ashebah.’

YUZÜNGTHALO 18:22

Küyimki wukihrü khülangnü Atungpuh mung ching thabah ju müdünjibanü ju Atungpuhnü müthakhi ah; wukihbuhnü ju lümkangyu thado; nüsanü api dütre.