YUZÜNGTHALO 12:3 - AMÜSÜH HÜM CL Bible (BSI)

³ Tüsho nüsanü arü kingaün sadam thsümünimjang, amüsüh dungjingbo kingkheamjang tüsho sangthsükhi thrünpuhbo monü taka bahjang; sangthsükhi thrünpuhbo nüsanü kiukheama bahjang tüsho ju dangpung chingnü arü mung dükheakshang.

YUZÜNGTHALO 12:3 Iomraidhean Croise

1 KIULONG THSÜRÜ 14:15

“ Ke ching kiupung niukkhi nangde Atungpuhnü Israel shikbah; apinü arü jipürü kilim jihkhi lo atsü chingnü apinü Israel rukkhita bahbah, tüsho Euphra hode arü hiumüzütshihbah, tümütüsho arünü Atungpuh bukakhiukshihde amüsüh Ashera thsüdo.

1 KIULONG THSÜRÜ 15:13

Apinü aji Maaka she kiulongthsüberü chingnü yihkhita bah, tümütüsho anihbenü athraneanbe Ashera thsü; Asanü anihbe mejak rüngkheam tüsho Kidron dükhün chingnü takabah.

2 KIULONG THSÜRÜ 11:18

Judüki mihtsürü alala Baal yam ching yü, tüsho ju thokheam; api kingaün sadambo tüsho api sangthsübo arünü adütre kamde yihthünak, tüsho arünü Baal yo amükeambuh Mattan kingaün sadam mikinü laksah. Amükeambuhnü Atungpuh yam kurungkheak aheangrübo mokhita zo.

2 KIULONG THSÜRÜ 18:4

Apinü achang dangpung lukde dungjingbo lukkheam, tüsho Ashera sangthsü kiukheam. Apinü Mosanü athsükhi müwayinchi phuruto adütre kamde yihnak, tümüde ju nimungbo khiungde Israel mihtsürübonü ju ki kingaünde alakheah; ju Nehushtan de ajikheah.

2 KIULONG THSÜRÜ 23:14

Apinü dungjingbo adütre kamde yihthünak, Ashera sangthsübo kiushak, tüsho ju dangpungbo ching mihtsürü robonü danglo.

2 KIUTHSÜYUKHEAN 14:2

Asanü Atungpuh api Thrünpuh miki atsü tüsho alungki rhimo.

2 KIUTHSÜYUKHEAN 14:3

Apinü khiungkerü kingaün sadambo tüsho achang dangpungbo lude tso, dungjingbo kingkheam, Ashera thrünbebo kiukheam,

2 KIUTHSÜYUKHEAN 19:3

Judüalalashe, atsü khürü nü kheak ngüdo, tümüde nünü Ashera thrünbebo lomi chingnü thsümünimabah, tüsho Thrünpuh yimpü nü mulong zo.”

2 KIUTHSÜYUKHEAN 31:1

Kheakü küyimki ha alala bankhea, bede alarü Israel alala Juda kiutobo ching wukhiuk tüsho dungjingbo yihshak, Ashera sangthsübo kiukheam, tüsho arünü alala müthsümünimyi khiungde Juda tüsho Benjamin, Ephraim tüsho Manase alala ching achang dangpungbo thokheam. Jushu Israel mihtsürü alala arü kiutobo, arü nihbuh yamalo kukruk lim rholo.

2 KIUTHSÜYUKHEAN 34:3

Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

MUNGSHIKHÜN 16:4

Püpürü thrünpuhbo dunglim müshamrü mulong rozhak alü kambah. Arünü laksah-a kingaünkhi ching inü shihcham mulu; inü arü thrünpuhbo mükingaün.

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

ABEKHIT 23:24

Nüsanü arü thrünpuhbo ki mukhukning, yungsho mütankih, yungsho arü yande mürhimo; tüshe nüsanü arü shahde lahyuka bahang tüsho amüsüh dungjingbo abümnü yihkheamjang.

ABEKHIT 34:13

Arü kingaün sadam lukkheamjang, amüsüh dungjing kingkheamang, tüsho sangthsübo kiukheamang.

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

JEREMIA 17:2

arü tsührübonü she arü kingaün sadam tüsho Ashera sangthsübo lümkhitchoh, sangdung phüyak aban ki tüsho awung achangbo kheak,

HOSEA 2:17

Tümüde Baal mungbo amün chingnü yihkhita bahjihbah, tüsho arübo mungnü müjilo.

MIKA 5:14

tüsho inü Ashera sangthsübo nüsa bolungnü arukkhitbah tüsho nüsa kiutobo thsümünimbah.

ZEKARIA 13:2

Wuto Atungpuhnü thachoh, ju nimung inü lomi chingnü sangthsübo mung dükheakshihbah, junangde kheaküa arü mülümkhit; tüsho inü lomi chingnü wukihrübo le mümüsühkhi me yihkhitbah.

WÜHKHE 33:52

nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang;

YUZÜNGTHALO 12:4

“Arünü arhimokhi yande nüsanü Atungpuh nüsa thrünpuh dükingaün.

YUZÜNGTHALO 7:25

Arü thrünpuhbo thsüa zokhi nüsanü monü atakbah; nüsanü arü kheak lakhi shotoyinchi yungsho suna dümürüh, yungsho nihbuh thsungkheak dulu, jude thsüsho junü nüsa mükhiplobah; tümüde ha Atungpuh nüsa Thrünpuh kilim athraneanbe lah.

YUZÜNGTHALO 7:5

Tüshe ha ruk nüsanü arü ki rhimoang: nüsanü arü yo kingaün sadam khapkheamjang, dungjingbo kingkheamjang, Ashera dungjingbo kiukheamjang, tüsho sangthsübo monü takabahjang.

AMIKHEAKAKHIUKKHI 13:1

Tüsho shiwüh khülang keto chingnü, ajuh thürü tüsho aku thüne, ajuhbo kheak kuthran thürü tüsho akubo kheak athruaji mung kihbah akhiukde inü ngü.

MAHKHAPRÜ 2:2

Tüsho nüsanü ha lomi ching larü ki tangzüng müthsü; nüsanü arü kingaün sadam thsümünima keamshihbah.’ Tüshe nüsanü I yu mani. Tümüde nüsanü ha rhimokhea?