YUZÜNGTHALO 12:1 - AMÜSÜH HÜM CL Bible (BSI)

¹ “Harü ha Atungpuh nüsa jipürü Thrünpuhnü nüsa müküh-a lushihpü jihkhi lo ching nüsa alomi ching lachoki amuyungnü kümkangde rhimode alapü yakzanbo tüsho thiyuzüngbo lah.

YUZÜNGTHALO 12:1 Iomraidhean Croise

1 KIULONG THSÜRÜ 8:40

junangde nünü isa jipürü kilim jihkhi lo ching arü lakhi amuyung arünü nü trebah.

JOB HU H T ANYU 7:1

Alomi kheak mihtsürü khülang ju rhimo achak lah yung de, tüsho api nimungbo ju mulomüthsürü nimungbo ruk yung de?

MUNGSHIKHÜN 104:33

I la khiungde inü Atungpuh ki khün thsübah; I rhang lachoki inü I Thrünpuh ki mungshi khün thsübah.

MUNGSHIKHÜN 119:5

O, I limrobo ju nü yakzan thsükhibo yanpü lakhülaa!

MUNGSHIKHÜN 146:2

I arhang lachoki inü Atungpuh shibah; I rhangdung lachoki inü I Thrünpuh ki müshikhibo khün thsübah.

EZEKIEL 20:19

I Atungpuh nüsa Thrünpuh; I yakzan thsükhibo yanang tüsho I yakzanbo zopü kümkangang.

YUZÜNGTHALO 11:32

khihni inü nüsa miki zojihkhi yakzanbo tüsho thiyuzüngbo nüsanü kümkangde rhimoang.

YUZÜNGTHALO 12:19

Nüsanü nüsa lo ching lachoki amuyung Levirübo mübahyukpü kümkangang.

YUZÜNGTHALO 3:18

“Tüsho judüki inü nüsa ki thiyukhüm jihde tha, Atungpuh nüsa Thrünpuhnü ha lo nüsa lushihpü jihdo; nüsa mihtsürü alala thirithsü zülu hanbahle nüsa keoniorü Israelrü müngüh yüang.

YUZÜNGTHALO 4:19

Tüsho küyimki nüsanü thüning lim abinkih-a kheahbanü tüsho ani, khinu, chiningbo, thüning ching lakhi alala ngübanü Atungpuh nüsa Thrünpuhnü thüning bukkhüp mihtsürü alala ki jihkhibonü nüsa dümünityukshih tüsho mükhümde arü dütankihshih.

YUZÜNGTHALO 4:45

harü ha Israel mihtsürü Ijip chingnü abekhitshu Mosanü Israel mihtsürü ki thakhi yukhüm, yakzan tüsho yuzüngbo,

YUZÜNGTHALO 4:5

“Tsükjide Atungpuh I Thrünpuhnü I ki thiyukhüm jihkhi yande inü nüsa ki thsangyudo, junangde nüsa yübah alupü lakhi lo ching jurübo zhimbah.

YUZÜNGTHALO 5:1

Tüsho Mosanü Israelrü alala jibah arü ki tha, “O Israel, yakzanbo tüsho thiyuzüngbo inü nüsa ki khihni thakhi aniang, junangde nüsanü jurü yande arhimopü kümkangang.