YUZÜNGTHALO 10:8 - AMÜSÜH HÜM CL Bible (BSI)

⁸ Judüki Atungpuh tangzüng sangdan shuhbahle api miki zhipde atankihpü tüsho api mungshide khihni ha nangde alashihpü Atungpuhnü Levirü trük büthsüde mokhit.

YUZÜNGTHALO 10:8 Iomraidhean Croise

1 KIULONG THSÜRÜ 8:6

Judüki amükeamrübonü Atungpuh sangdan lubah arüngyam alunglim Khide Amüsüh Dangpung, cherubim ghidükeangbo khüp arü.

1 KIUTHSÜYUKHEAN 15:2

Judüki shenü she mushuh tüshe Levirünü Thrünpuh sangdan shuhbah de Davidnü thiyukhüm jih, tümüde Atungpuh sangdan shuhpü tüsho lünnü api tankihpü Atungpuhnü arü mokhit.

1 KIUTHSÜYUKHEAN 15:26

Tümütüsho Thrünpuhnü Atungpuh sangdan shuhrü Levirü rungmonü arünü moshi 7 tüsho namfimihnupung 7 laksah-a kingaün.

1 KIUTHSÜYUKHEAN 23:13

Amram tsührübo: Aron tüsho Mosa. Aron a khide amüsüh kukruk thsungkheak bemuwuh-a zo, junangde api tüsho atsührübonü lünnü Atungpuh miki kingaünbah, tüsho api ki tankihbah tüsho lünnü api mung ching müngühmühi thabah;

1 KIUTHSÜYUKHEAN 23:26

Jumonü Levirünü kheaküa arüngkhimyam yungsho amukhung ching ahorikhi kukrukbo mushuhdebah.”

2 KIUTHSÜYUKHEAN 29:11

I tsührübo, dübahkhit, tümüde Atungpuhnü nüsa api miki zhipde api tankihpü, api tankihrü thsüpü tüsho api ki kingaünshihpü mokhitdo.”

2 KIUTHSÜYUKHEAN 30:27

Judüki amükeamrü tüsho Levirünü wusu tüsho mihtsürübo müngühjih, tüsho arü düsheak so; arü tamkhüntamnü ju api amüsüh lapung yinmi ching arü.

MUNGSHIKHÜN 134:1

Nüsa Atungpuh tankihrübo alala, azhing ching Atungpuh yam ching zhiprü, Atungpuh shiang!

MUNGSHIKHÜN 134:2

Arüngakopung ching nüsa khahbo shuhkihang, tüsho Atungpuh shiang.

MUNGSHIKHÜN 135:2

Nüsa sherü Atungpuh yam ching, Atungpuh isa Thrünpuh khikzhakpung ching zhipcho,

JEREMIA 15:19

Jumonü Atungpuhnü ha thachoh: Nünü rholosho, inü nü beloa lubah, tüsho nü I miki zhipbah. Shoto küpüanü nünü thasho tüsho müthülünkhi müthasho, nü I yu tharü thsübah. Arünü nü kilim rholode arübah, nünü arü kilim rholode müyü.

EZEKIEL 44:11

Arünü arüngyam chipiripit neakde I arüngyam ching tankihpü kuklah; arünü taka kingaünbe tüsho mihtsürübo thsungkheak laksah-a kingaünbebo laksahpü mihtsürübo miki zhippü tüsho arü tankihpü kuklah.

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

LEVI 8:9

Atungpuhnü Mosa ki thiyukhüm jihkhi nangde apinü anihbuh ku kheak kuhingbe khim hingkihjih, tüsho kuhingbe mikhuhlim amüsüh kuthran amütsan thsüde suna beak yihkihjih.

LEVI 9:22

Aronnü api khah mihtsürübo kilim shuhkih tüsho arü müngühjih; tüsho neak kingaün, taka kingaün, tüsho mungtsü kingaün banshu, api akiabah.

WÜHKHE 3:31

Arü rhimobo ju tangzüng sangdan, dükhüm, tsünpung dubopung, kingaün sadambo, arüngyam ching amükeamrübonü ahorikhi pungphurubo, azhindobe khim tüsho jurü lung rhimobebo.

WÜHKHE 3:6

Levirü trükbo phünide bebah arang, tüsho arübo amükeambuh Aron ki bede yünü zhipshang, tüsho arünü api tankihbah.

WÜHKHE 4:15

Tüshe küyimki Aron le atsührübonü kingaün sadam tüsho zowupungbo ju aphudokhambanü, arü binkheampung akhinchoki, Kohath tsührübonü arübah jurübo hanbah, tüshe arübonü amüsüh kukrukbo muqiu, jude yungsho arübo ashebah. Harü kukrukbo ha ashorupung khimyam ching yo Kohath tsührübonü ahanbebo ah.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

ROMRÜ KILIM PAULNÜ ATHRÜTKHI KIHÜM HUHTANYU 12:7

tankihpü a sho, isanü tankihpü ching; shepünü thsangyuchonü api thsangyupü ching;

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,

GALATIA 1:15

Tüshe küyimki api amüthsüm hode I be buk chingnü I mokhitde ajibuh Thrünpuh asühkhinü,

YUZÜNGTHALO 17:12

Khürünü mahkhaprü yungsho Atungpuh nüsa Thrünpuh tankihrü amükeamrü ki mihyumanide azhihsho api asheshihbah; hanangde nüsanü amütsürü Israel chingnü yihkhita bahang.

YUZÜNGTHALO 18:5

Tümüde Atungpuh nüsa Thrünpuhnü api le atsührübo Atungpuh mung ching lünnü atankihshihpü nüsa trük alala bolungnü mokhitdo.

YUZÜNGTHALO 21:3

Tüsho mi phünide alakhi kiuto ching lakhi azothsürübonü moshi drelü khülang küyimkishe mürhimoshihkhi tüsho sangkap munokhi lubah;

YUZÜNGTHALO 21:5

Judüki Levi tsührü amükeamrübo ju phünide arübah, tümüde Atungpuh nüsa Thrünpuhnü api tankihshihpü tüsho Atungpuh mung ching müngühshihpü arü mokhit; arü yu hode neamneamruru tüsho laksahachihkhi dünkheakbo khikzhakbah.

YUZÜNGTHALO 31:9

Jumonü Mosanü ha yakzan thrütbahle Levi tsührü amükeamrü, Atungpuh tangzüng sangdan shuhrü tüsho Israelrü azothsürübo kilim jih.