YUZÜNGTHALO 10:5 - AMÜSÜH HÜM CL Bible (BSI)

⁵ Jushu inü rholobahle müzüng chingnü aki, tüsho lungbeakbo ju inü athsükhi sangdan ching yuk; tüsho Atungpuhnü I ki thiyukhüm jihkhi nangde jurübo ju ching lah.”

YUZÜNGTHALO 10:5 Iomraidhean Croise

ABEKHIT 25:16

Tüsho sangdan ching ju inü nüsa kilim jihkhi thiyukhümbo thrütkihkhi lungbeak mahne yukang.

ABEKHIT 25:21

Nüsanü sangdan mikheak mihmüthsüm binkiu yihkihbah, tüsho inü ajihpü lakhi lungbeak mahne sangdan ching yukang.

ABEKHIT 32:15

Mosanü rholobah müzüng chingnü aki, tüsho thiyuzüng lungbeak mahne api khah ching lakheah. Lungbeakbo ju thrip aban thrütkih-a lakheah.

ABEKHIT 34:28

Ju ching Mosa nimung yirü tüsho tsüngre yirü yikhap mütsüh yungsho ke muyungde alakheah. Tüsho apinü lungbeakbo kheak tangzüng yubo, Thiyuzüng Thürü thrüt.

ABEKHIT 34:29

Küyimki Mosa Sinai Müzüng kheaknü khah ching thiyuzüng lungbeak mahne shuhbah akikhea, api miro zhingzhingkhi anihbuhnü mümükheah, tümütüsho apinü Atungpuh lung asukachih.

ABEKHIT 40:20

Apinü lungbeak mahne ju lubah tangzüng sangdan ching yuk, sangdan phuhpho ching akhrihbebo yuk, tüsho sangdan mikheak mihmüthsüm binkiu yihkih.

YUZÜNGTHALO 10:2

Tüsho nünü adannakkhi lungbeakbo kheak kihkhi yu inü lungbeakbo kheak thrütkihbah; tüsho nünü ju ne sangdan ching yukbah.

YUZÜNGTHALO 9:15

“Jumonü I rholobah müzüng chingnü aki tüsho müzüng ju monü takde alakheah; tüsho tangzüng lungbeak mahne ju I khah ching lakheah.

JIHUSUA 4:9

Tüsho Jihusuanü she tangzüng sangdan hanrü amükeamrü zhippung Jordan phulung ching lung 12 khim, jurü khihni khiungde zhiplah.