YUZÜNGTHALO 10:2 - AMÜSÜH HÜM CL Bible (BSI)

² Tüsho nünü adannakkhi lungbeakbo kheak kihkhi yu inü lungbeakbo kheak thrütkihbah; tüsho nünü ju ne sangdan ching yukbah.

YUZÜNGTHALO 10:2 Iomraidhean Croise

1 KIULONG THSÜRÜ 8:9

Sangdan ching tümü she mülakheah tüshe Israelrü Ijip lomi chingnü akhiukchoki Atungpuhnü arü kheak tangzüng pung Horeb ching Mosanü lungbeak mahne yukkhi lang alakheah.

2 KIUTHSÜYUKHEAN 5:10

Israel mihtsürü Ijip chingnü akhiukshu Atungpuhnü arü ki tangzüngpung Horeb ching Mosanü ayukkhi lungbeak mahne kheak hode sangdan ching tümü mülade alakheah.

ABEKHIT 32:19

Küyimki Mosa binkheampung thüninde arübah moshipung-nunu tüsho atsünkhi ngükhea, apinü müzüng jing kheak lungbeak mahne akhah chingnü jipa bahbah adütre kamde adanthünak.

ABEKHIT 34:1

Tüsho Atungpuhnü Mosa ki tha, “Akhuhlim nangde lungbeak mahne phukang, tüsho nünü ayihrüpkhi akhuhlim lungbeakbo kheak kihkhi yubo inü ha lungbeakbo kheak thrütbah.

ABEKHIT 40:20

Apinü lungbeak mahne ju lubah tangzüng sangdan ching yuk, sangdan phuhpho ching akhrihbebo yuk, tüsho sangdan mikheak mihmüthsüm binkiu yihkih.

YUZÜNGTHALO 10:5

Jushu inü rholobahle müzüng chingnü aki, tüsho lungbeakbo ju inü athsükhi sangdan ching yuk; tüsho Atungpuhnü I ki thiyukhüm jihkhi nangde jurübo ju ching lah.”

YUZÜNGTHALO 4:13

Jumonü apinü nüsa ki arhimoshihpü tangzüng jihkhi ju thiyuzüng thürü lakheah; tüsho apinü jurübo lungbeak mahne kheak thrüt.

IBRI 9:4

Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah;