YUZÜNGTHALO 1:8 - AMÜSÜH HÜM CL Bible (BSI)

⁸ Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 1:8 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

NEHEMIA 9:15

Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

ABEKHIT 23:31

Inü nüsa aredung ju Amürüm Keto kheaknü Filistia Keto, tüsho loshelo chingnü Euphra Ayung khiungde athsüjihbah. Tümüde inü lomi ching larü nüsa khah ching jihbah, tüsho nüsa müngühnü ayankhitbah.

ABEKHIT 33:1

Atungpuhnü Mosa ki tha, “Nü tüsho nünü Ijip lomi chingnü bekhitkhi mihtsürübo ha dangpung chingnü chamachihang, tüsho inü Abraham, Isak, Jakob tüsho arü tsühsoniusobo jihpü alokhikhi lomi ching yüang.

JEREMIA 32:22

tüsho nünü arü jipürü kilim niuhke tüsho mukhuke bukkhi lomi jihpü thiyuchihchimkhi arü kilim ha alomi jih;

EZEKIEL 47:14

Nünü ju arihkhühnü achambah; inü ha nüsa jipürü kilim jihpü thiyuchihchim, tüsho ha lomi ju nü yamrüplurüp thsübah.

WÜHKHE 14:23

inü arü bebuhrü ki thiyuchihchimkhibo tsükjide arünü müngü, yungsho I bahyukrü shenü she ju müngü.

WÜHKHE 32:11

‘ Tsükjide Ijip chingnü aturü, kam mukunü akumung shenü she inü Abraham, Isak, tüsho Jakob ki thiyuchihchimkhi lo müngü, tümütüsho arü mulong athrünkhinü I müyan.

YUZÜNGTHALO 1:11

Atungpuh nüsa bebuhrü Thrünpuhnü nüsa kheakü lakhi kheaknü chithürü ki alü apinü tangzüngkhi nangde nüsa müngühshang!

YUZÜNGTHALO 1:35

Tsükjide ha amütsü lün mihtsürü shepü she inü nüsa bebuhrü jihpü tangzüngkhi lo atsü müngü,

YUZÜNGTHALO 10:11

Tüsho Atungpuhnü I ki tha, Asürang, mihtsürübo müngüh hantsahmusuang, junangde arü kilim jihpü inü nüsa jipürü ki thiyuchihchimkhi lo ching arünü yübah alubah.

YUZÜNGTHALO 11:24

Nüsa jinglungnü athrümkhi dangpung aban nüsa yo thsübah: sunglo tüsho Lebanon chingnü Euphra yung kheaknü Mediterranean Keto she khiungde nüsa lomi thsübah.

YUZÜNGTHALO 11:9

tüsho junangde Atungpuhnü nüsa jipürü tüsho arü tsühsoniuso kilim jihpü thiyuchihchimkhi niuhke tüsho mukhuke bukde alakhi lo ching nüsa kutsüpde alabah.

YUZÜNGTHALO 2:29

ju Esau tsühsoniusobo Seir ching larü tüsho Ar ching larü Moabrünü, Atungpuhnü isa kilim jihkhi lo ching yüchoki Jordan muhoyi khiungde isa kheak rhimokhi nangde.

YUZÜNGTHALO 26:15

Nü lapung amüsüh yinmi chingnü abinkhia kheahang, tüsho nü mihtsürü Israel tüsho nünü isa jipürü kheak thiyuchihchimkhi nangde, nünü isa kilim jihkhi, niuhke tüsho mukhuke bukkhi lomi müngühjang.’

YUZÜNGTHALO 26:3

Tüsho nünü ju kim ching shepü amükeambuh lanü api ki yübahle thaang, ‘Atungpuhnü isa jipürü ki isa jihshihpü alokhikhi lomi ching I arüdo de Atungpuh nüsa Thrünpuh ki khihni inü thakhitchoh.

YUZÜNGTHALO 28:11

Tüsho Atungpuhnü nüsa jipürü ki nüsa jihpü alokhikhi lo ching, nüsa tsührübo, akam-shiwüh, tüsho alo chingnü akhiukkhi suhdahde ajihbah.

YUZÜNGTHALO 29:12

junangde nüsanü Atungpuh nüsa Thrünpuh tangzüngkhi ching tüsho Atungpuh nüsa Thrünpuhnü khihni nüsa ki thiyuchihchimkhi ching yüzahbah,

YUZÜNGTHALO 30:20

junangde nünü Atungpuh nü Thrünpuh muzhode api yu anibah, tüsho nünü api kheak müripbah, tümüde api ju nü rhangdung tüsho nü kutsüp; tüsho Atungpuhnü nüsa jipürü, Abraham, Isak tüsho Jakob arü kilim jihpü thiyuchihchimkhi lo ching nü labah.”

YUZÜNGTHALO 31:7

Judüki Mosanü Israelrü alala mikinü Jihusua jibahle tha, “Reangzahang tüsho mulong toang, tümüde Atungpuhnü harü jihshihpü arü jipürü ki thiyuchihchimkhi lo ching ha mihtsürübo lung nü ayübeah, tüsho nü hode ju arünü yamrüplurüp lubah.

YUZÜNGTHALO 34:4

Tüsho Atungpuhnü api ki tha, “Ha lo ha inü Abraham, Isak tüsho Jakob jihpü alokhikhi, hade tha, ‘Inü ha nü tsühsoniusobo kilim jihbah.’ Inü ju nü müknü ngüshihdo, tüshe nünü ju hode müyü.”

YUZÜNGTHALO 4:1

“O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

YUZÜNGTHALO 6:10

“Tüsho hanangde alabah, Küyimki Atungpuh nüsa Thrünpuhnü nüsa bebuhrü Abraham, Isak, tüsho Jakob ki nüsa ki tode ajihpü thiyuchihchimkhi tüsho nüsanü amüthsükhi akheahakham kiutobo ching bebah arübanü,

YUZÜNGTHALO 7:12

“Tümütüsho nüsanü harü yuzüngbo anide arhimokhi hode, Atungpuh nüsa Thrünpuhnü nüsa kheak tangzüngkhi tüsho nüsa bebuhrü kheak mihmüthsüm jihpü alokhikhi zobah.

YUZÜNGTHALO 7:13

Tüsho apinü nüsa muzhobah, müngühjihbah, tüsho wüh bushihbah; apinü nüsa pang chingnü aso asoshihpü tüsho alo chingnü aso asopü müngühjihbah; nüsa hi, yukhu, müdangke, moshibo tüsho mihnu boto nüsa jihshihpü apinü nüsa bebuhrü ki thiyuchihchimkhi lo ching müngühjihde abushihbah.

YUZÜNGTHALO 7:8

tüshe Atungpuhnü nüsa muzho, tüsho apinü nüsa bebuhrü ki thiyuchihchimkhi zomonü, Atungpuhnü nüsa api Wuto khah hode bekhit tüsho Ijip kiulongthsüpuh Pharao khah hode azhorü kuhi chingnü rhokhit.

YUZÜNGTHALO 8:1

“Inü nüsa kilim khihni thiyukhüm jihkhi yuzüngbo alala jinjihde anide rhimoang, junangde nüsa rhangdung lade wüh bubah, tüsho Atungpuhnü nüsa bebuhrü ki thiyuchihchimkhi lo ching yünü müküh-a lubah.

YUZÜNGTHALO 9:5

Ha nüsa thiyuro lamo yungsho mulong alungki lamonü nüsa arü lo mükühde ayükhi yung, tüshe harü trükshih khide mütsükhi hode Atungpuh nüsa Thrünpuhnü arübo nüsa müngühnü yankhita bahchoh, junangde Atungpuhnü nüsa jipürübo Abraham, Isak, tüsho Jakob ki thiyuchihchimkhi dünjibah.

IBRI 6:13

Küyimki Thrünpuhnü Abraham ki thiyuchihchim thsükhea, apinü thiyuchihchimpü thsüde atobe mülakhinü aküdah thsüde thiyuchihchim thsü,

IBRI 6:14

“Atsütsü inü nü müngühjihbah tüsho wüh bushihbah.”

JIHUSUA 1:6

Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.