YUZÜNGTHALO 1:21 - AMÜSÜH HÜM CL Bible (BSI)

²¹ Kheahang, Atungpuh nüsa Thrünpuhnü nüsa müngüh alo zojihlah; Atungpuh nüsa bebuhrübo Thrünpuhnü athakhi nangde, nüsa wutuang tüsho ju luang; dütre yungsho mulong dünini.

YUZÜNGTHALO 1:21 Iomraidhean Croise

NEHEMIA 9:15

Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

WÜHKHE 13:30

Kalebnü mihtsürübo düsheak makhiukshihde yankhiabah tüsho Mosa ki tha, “ Isa khülang ki wutubah alo ju luanü tümüde isanü ju ayankhikhukbah.”

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

YUZÜNGTHALO 1:20

Tüsho inü nüsa ki tha, Atungpuh isa Thrünpuhnü isa kilim jihkhi Amorrü wungbo ching nüsa arüdo.

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

YUZÜNGTHALO 20:3

‘O Israel aniang: Khihni nüsa thiriri lung keochih ching lah; nüsa mulong dünini, dütre, tüsho dajan yungsho arü trede dümüyinsah;

YUZÜNGTHALO 31:6

Düküngang tüsho mulong ato thsang, dütre yungsho arü ki trede düla: tümüde Atungpuh nü Thrünpuh nüsa lung yüchoh; apinü nüsa müdükhe yungsho mübahyuk.”

YUZÜNGTHALO 7:18

Nüsanü arü dütre, tüshe Atungpuh nüsa Thrünpuhnü Pharao tüsho Ijiprübo kheak tümü rhimokheanü nüsanü lümkhitang,

YUZÜNGTHALO 7:21

Nüsanü arü ki dümüyinsah; tümüde Atungpuh nüsa Thrünpuh, ato tüsho atrebe Thrünpuh nüsa bolung lah.

YUZÜNGTHALO 9:23

Tüsho küyimki Atungpuhnü nüsa Kadeshbarnea chingnü thiyide ha ruk thakhea, Wutuang tüsho inü nüsa kilim jihkhi lo müküh-a lung, judüki nüsanü Atungpuh nüsa Thrünpuh yukhüm azhihlo tüsho api kheak mükin yungsho api düsheak mani.

IBRI 13:6

Jumonü isanü mulongram lade thachoh, “Atungpuh ju I rungrü ah, inü mütre; mihtsürünü I ki tümü thsükhukpü?”

JIHUSUA 1:6

Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”