YUZÜNGTHALO 1:17 - AMÜSÜH HÜM CL Bible (BSI)

¹⁷ Nüsanü mahkhapkhi ching jak dükheah; nüsanü aninirü tüsho atorü ane chido yu aniang; nüsanü mihtsürü sheshe dütre, tümüde mahkhapkhi ju Thrünpuh yo. Khide achakkhi mahmung ju I kilim lubah arang, tüsho inü ju anibah.

YUZÜNGTHALO 1:17 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

2 SAMUEL 14:14

Isa alala ashebah; ke alo kheak buka bahbah momukhunglopü mukukkhi nangde isa lah. Thrünpuhnü she asherü arhang mükamloshih; tüshe ramtso chingnü mihtsürü khülang belodarüpü kiulongthsüpuhnü limro khülang yimkhitbeah.

2 KIUTHSÜYUKHEAN 19:5

Apinü chipi ayünkhi Juda kiuto alala abande lomi ching mahkhaprü zojih,

2 KIUTHSÜYUKHEAN 19:6

tüsho mahkhaprübo ki tha, “Nüsanü tümü rhimochonü lümakheahang, tümüde nüsanü mihtsürübo thsung thsüde mahmükhap tüshe Atungpuh thsung thsüde ah; mahkhap jihkhi ching api nüsa lung lah.

JOB HU H T ANYU 31:34

tümütüsho boto trekhinü inü zhipa lasho, tüsho gukbonü abahyukkhinü I müzüna lasho, junangde inü khimdopü hode muwukhiukde zhikde laa lasho–

MUNGSHIKHÜN 82:2

Nüsanü külokhüh thiyuro mülade mahkhapba, tüsho mihbukmuyuk ki jakkheahba?

ABEKHIT 18:18

Nü le nü lung harü mihtsürübo dükde keakabahbah. Tümüde ha nü thsungkheaknü hodaklah; ha nü langzünü mürhimokhuk.

ABEKHIT 18:22

Tüsho arünü kim alala ching mihtsürübo mahkhapshang. Junangde lümkhi ato arünü nü kilim hande arübah, tüshe lümkhi anini a arü küdah thsüde akhapbah. Junangde ha nü thsungkheaknü athülihbe labah, tümüde arünü nü lung hahmülang hanrungbah.

ABEKHIT 18:26

Junangde arünü kim alala ching mihtsürübo mahkhap; lümkhi achakbo arünü Mosa kilim hande arü, tüshe lümkhi anini a arü küdah thsüde khap.

MÜCHITMUDU 18:5

Mihbukmuyuk ki jakkheah huhkhi yungsho thiyuro-lungkirü mahkhap ching bahyukkhi ju atsü yung.

MÜCHITMUDU 24:23

Lümlung lakhi mihtsürünü harü she tha: Mahkhapkhi ching jakkheahkhi ju atsü yung.

MÜCHITMUDU 28:21

Jakkheahkhi ju atsü yung, tümütüsho yikhap khülang dün mihtsürünü amülim rhimobah.

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

JEREMIA 1:17

Tüshe nü, nü chim rümang; asürang tüsho inü nü ki thiyukhüm jihkhi alala arü ki thaang. Arü miki dütre jude yungsho inü nü arü miki treshihbah.

LEVI 19:15

Nünü thiyuro müthade mah dükhap; nünü zhochihrü ki jak dükheah, yungsho atorü ki dütre: Thiyuronü nünü nü yamhingrü mahkhapang.

MALAKI 2:9

jumonü inü nüsa mihtsürü alala miki khenoshih tüsho abobe kamshih, tümütüsho nüsanü I limrobo müyan tüshe nüsa yakzan ching jakkheahdo.

MATHI 22:16

Tüsho arünü api kilim arü jingyanrü bolung Herod borü yüshihde tha, “Thsangyurü, nü thiyuro, tüsho thiyuro ching Thrünpuh limro thsangyuchoh de isanü mükheahlah; yungsho nünü she dünkheak kümkanga müla; tümüde nünü mihtsürü kheyuka müla.

MARK 12:14

Küyimki arübo arükhea, arünü api ki tha, “Thsangyurü, nü a thiyuro tüsho nünü mihtsürü kheyuka müla, tüshe thiyuro ching Thrünpuh limro thsangyuchoh de isanü mükheahlah. Isanü Kaesar kilim ruk jihpü yakzan la shi müla?

LUKNÜ ATHRÜTKHI THIYUSHEAK-ATSÜ HUHTANYU 20:21

Tüsho arünü api ki keokhi, “Thsangyurü, nünü alungki thade thsangyuchoh, tüsho jakmükheah, tüshe thiyuronü Thrünpuh limro thsangyuchoh de isanü mükheahlah:

ROMRÜ KILIM PAULNÜ ATHRÜTKHI KIHÜM HUHTANYU 2:11

Tümüde Thrünpuhnü jakkheahkhi muhuhchoh.

EFISIA 6:9

Aputungrübo, junangde nüsa yamlarübo ki rhimoang. Arü dümüzün, tümütüsho shepü arü le nü Putungrü chidoanü yinmi ching lah, tüsho api kheak jakkheahkhi müla.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

YUZÜNGTHALO 24:17

“Nünü khiungkerü yungsho mürerü dünkheaknü alim düthsümünim, yungsho thiyuchihchimkhi ching khimoberü khimmih dulu.

YUZÜNGTHALO 25:1

“Mihtsürü mahne dükeak neamneamde mahkhappung ching arüsho mahkhaprünü ane dükeak mahkhapjihpü kuklah, tüsho arünü khülang alim tüsho püpü ju amülim jihbah,

KOLOSI 3:25

Tümüde amülim rhimorü ki, apinü amülim rhimokhi dün jihlobah, tüsho jakkheahkhi müla.

1 TESALONIKA 2:4

tüshe isa kheak thiyusheakatsü reangkihjihpü Thrünpuhnü amulongkhi nangde mihtsürü asühshihpü yung tüshe isa mulong rükakheahbuh Thrünpuh asühshihpü isanü asukchoh.

JAKOB 2:9

Tüshe nüsanü jakkheahkhi huhsho, nüsanü neak yihbeakchoh, tüsho athsümünimrü ah de yakzannü mütsanchoh.

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”

1 SAMUEL 2:25

Mihtsürü khürünü püpürü azhihde neak yihbeaksho, Thrünpuhnü api mahkhapbah tüshe khürünü Atungpuh azhihde neak yihbeaksho, shepünü neak kheangjihpü?” Tüshe arünü arü abuh düsheak mani; tümüde arü laksahpü ju Atungpuh lümkhi lakheah.