YUZÜNGTHALO 1:11 - AMÜSÜH HÜM CL Bible (BSI)

¹¹ Atungpuh nüsa bebuhrü Thrünpuhnü nüsa kheakü lakhi kheaknü chithürü ki alü apinü tangzüngkhi nangde nüsa müngühshang!

YUZÜNGTHALO 1:11 Iomraidhean Croise

THRÜNTAN 15:5

Apinü anihbuh wungdo ching bekhit tüsho tha, “Thüning lim kheahang, tüsho chiningbo nünü khekhamkhuksho kheang.” Tüsho apinü anihbuh ki tha, “Junangde nü tsühsoniusobo labah.”

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

THRÜNTAN 49:25

tümütüsho nü buh Thrünpuhnü nü rungchoh, tümütüsho Wutonü achanglimnü tsüng tüsho alo alunglimnü kebo, shiwühbo tüsho tsührübo ahihdo jihde müngühjih.

2 SAMUEL 24:3

Tüshe Joabnü kiulongthsüpuh ki alo, “I tungpuh kiulongthsüpuh müknü angükhukpü thsüde mihtsürü wühkhe ju Atungpuhnü chinü alü kamshang! Tüshe I tungpuh kiulongthsüpuhnü tümüde ha rhimoshihnela?”

1 KIUTHSÜYUKHEAN 21:3

Tüshe Joabnü tha, “Atungpuhnü api mihtsürü khekhi chinü alübe kamshang! I tungpuh kiulongthsüpuh, arü alala I tungpuh yamlarübo yung de? Dale küde thsah I tungpuhnü ha lunela? Tümüde apinü Israel kheak amülim hande arüpü?”

MUNGSHIKHÜN 115:14

Atungpuhnü nüsa le nüsa tsührü kilim alü wüh bushang.

ABEKHIT 32:13

Nü yamlarübo Abraham, Isak, tüsho Jakob lümkhitang, sherü ki nünü thiyuchihchimde tha, ‘Inü nüsa tsühsoniusobo thüning ching chiningbo nangde abushihbah; inü alokhikhi alala nüsa tsühsoniuso kilim jihbah, tüsho arünü ju lünnü yamrüplurüp lubah.’”

EZEKIEL 16:7

Thulu sangrung nangde inü nü toshih. Nü zokih tüsho zoban tüsho khide akheahakhamde kam. Nü treangbo duduh tüsho nü nam chin tüshe nü bünkeang tüsho aleangkheak lakheah.

WÜHKHE 22:12

Tüshe Thrünpuhnü Balaam ki tha, “Nü arü lung müyü, nünü mihtsürübo mathruaji, tümüde arübo inü müngühjihdo.”

WÜHKHE 6:27

Junangde arünü I mung Israelrü tsührü kheak yihkihjihbah, tüsho inü arü müngühjihbah.

YUZÜNGTHALO 1:10

Atungpuh nüsa Thrünpuhnü nüsa wüh bushihdo, tüsho thüning ching lakhi amükhebin chiningbo nangde, khihni nüsa ha ching lah.

YUZÜNGTHALO 1:12

Tüshe küde thsah I langzünü nüsa lümkhilümduh hahmülang tüsho nüsa atsangachihkhi hankhukpü?

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 10:22

Nüsa jipürü mihtsürü 70 Ijip lim yüki, tüsho kheakü Atungpuh nüsa Thrünpuhnü nüsa thüning ching chiningbo nangde hihde kamshih.

YUZÜNGTHALO 28:62

Nüsa thüning ching chiningbo nangde hihdakde alakhi chingnü wühkhe nükde akambah, tümütüsho nüsanü Atungpuh nüsa Thrünpuh ki mihyumani.