YUNIRÜBO RHIMO 9:4 - AMÜSÜH HÜM CL Bible (BSI)

⁴ Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

YUNIRÜBO RHIMO 9:4 Iomraidhean Croise

THRÜNTAN 16:8

Tüsho Apinü tha, “Sarai yamlabe Hagar, nü küchingnü arükhea, tüsho nü külim yücho?” Alibenü alo, “I putungbe Sarai kinü I tsochoh.”

THRÜNTAN 22:11

Tüshe Atungpuh yunirünü yinmi chingnü api ji tüsho tha, “Abraham, Abraham!” Tüsho apinü alo, “I ha ching lah.”

THRÜNTAN 3:9

Tüshe Atungpuh Thrünpuhnü Adam ki jide tha, “Nü küching la?”

ABEKHIT 3:4

Mosa thüninde arükhi küyimki Atungpuhnü angükhea, sangrung phulung chingnü Atungpuhnü Mosa jide tha, “ Mosa! Mosa!” Apinü alo, “I ha kheak lah.”

ISAIA 6:8

Judüki Atungpuhnü athakhi düsheak inü so, “ Inü shepü yüshihba, tüsho isa thsungkheak shepü yüba?” Tüsho inü tha, “ I ha ching lah; I yüshang!”

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

ZEKARIA 2:8

Sherünü nüsa shikchonü I ki khide shoto lakhi shikchoh. Jumonü api mihtsürü yankhia lurü trükshihbo thsungkheak ha yusheak hanbah I arüshih:

WÜHKHE 16:45

“ Harü boto chingnü tsoakhinang, tüsho inü arübo khülangkiyu thsüde akheamshihbah,” tüsho ane miro zhinabah.

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

LUKNÜ ATHRÜTKHI THIYUSHEAK-ATSÜ HUHTANYU 10:41

Tüsho Jisunü alibe ki alo, “Martha, Martha, rhimo hihkhi dünkheaknü nü mulong kipathsükdo tüsho küpkhukdo;

JOHAN 18:6

Küyimki apinü arü ki, “I api ah,” de athakhea, arünü ashitlode yü tüsho alo kheak angak.

JOHAN 20:16

Jisunü alibe ki tha, “Mari!” Alibenü rholo tüsho api ki alo, “Rabboni!” (amütsan Thsangyurü).

JOHAN 21:15

Jumonü küyimki arünü yimtsühkhea, Jisunü Simon Peter ki tha, “Jona tsührü Simon, harü kheaknü alü nünü I muzhola shi?” Apinü alo, “Am, Atungpuh; inü nü muzholah de nünü mükheahlah.” Apinü anihbuh ki tha, “I yo namfimihnunubo mütrüang.”

YUNIRÜBO RHIMO 5:10

Zukleangnü alibe ju api jing ki keam tüsho sheabah. Küyimki athunurü mihtsürübo azahkhea, arünü alibe ju shea ngü tüsho hande wukhiukbah aniubuh rheang ki kiuyukabah.

YUNIRÜBO RHIMO 9:5

Tüsho apinü tha, “Nü she a Atungpuh?” Atungpuhnü tha, “I nünü athsümüchibuh Jisu ah;

ROMRÜ KILIM PAULNÜ ATHRÜTKHI KIHÜM HUHTANYU 11:22

Jumonü Thrünpuh mihmuzho tüsho amüküpkhi mütsanang: angaka larü kilim müküplah tüsho nüsanü api amuzho ching mutuklode lasho nüsa kilim mihmuzho lah; jude yungsho nüsa she lipkhia bahbah.

1 KORINT 12:12

Pang khülang tüsho achamnak ahihdo, pang yo achamnak ahihdo lalashe pang khülang lakhi nangde Khrista she ju ruk ah.

1 KORINT 4:7

Tümütüsho shepünü püpürü kheaknü nüsa büthsüde kamshihcho? Nüsa müngükhi tümü la? Tüsho nüsanü ju leangkhia lasho, tümüde nüsanü müleangkhikhi nangde kükheangcho?

EFISIA 5:30

tümütüsho isa ju api pang ching kheyukrü ah.