YUNIRÜBO RHIMO 9:39 - AMÜSÜH HÜM CL Bible (BSI)

³⁹ Jumonü Peternü tsahmusubah ane lung yü. Tüsho küyimki api arükhea, arünü api achangbe khiungshak ching bede yükih. Khimoberü alala api rheang ki tripde zhip, tüsho alibe arü lung lachoki Dorkanü pangkhümpü le khimmihbo keakkhi huh.

YUNIRÜBO RHIMO 9:39 Iomraidhean Croise

2 SAMUEL 1:24

O Israel tsührübo, Saul mitripang, shepünü nüsa kheak shoto mürümbo phuyujihkhea, shepünü nüsa khim kheak suna zütbo yihkihjihkhea.

MÜCHITMUDU 10:7

Thiyuro-lungkirü lümkhitpü ju müngühmühi ah, tüshe mihbukmuyukrü mung nahde mihabahbah.

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

MATHI 17:17

Jisunü alo, “O akin mülakhi tüsho lakshi lün, külokhüh I nüsa lung laba? Tüsho inü nüsa lung külokhüh arümkheamba? Api I kilim ha ching bede arang.”

MATHI 26:11

Tümütüsho nüsa lung zhochihrü kamruhroro labah, tüshe I a kamruhroro müla.

MARK 14:8

Alibenü tümü kuklanü anihbenü rhimodo. Alibenü I mi bahpü thsungkheak müdangkenü I pang mujupü amüngühnü arüdo.

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

JOHAN 12:8

Tümüde zhochihrü a nüsa lung kamruhroro lah, tüshe I a nüsa lung kamruhroro lapü yung.”

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

YUNIRÜBO RHIMO 1:13

Tüsho küyimki arü yüzahkheanü, arünü arü binkhi achangbe khiungshak ching yükih: Peter, Jakob, Johan, Andria, Philip, Thoma, Bartholoma, Mathi, Alphia tsührü Jakob, Zealot de ajikhi Simon tüsho Jakob tsührü Juda.

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

YUNIRÜBO RHIMO 6:1

Judüki nimungbo ching akinrübo hihde kamchoki, Greek-yu-tharü Jihudarü le Jihudarü mihkhung dükeak rukachih lakheah, tümütüsho arü khimoberübo nimung aban chamzüchamdo ching bahyukde alakheah.

YUNIRÜBO RHIMO 8:2

Shuhmülanga jihkhi mihtsürübonü Stephen kiuyukabah, tüsho api dünkheak khide tüzho.

YUNIRÜBO RHIMO 9:41

Apinü akhah chunga yüshih tüsho anihbe thomusu. Judüki akinrübo le khimoberübo jibah alibe ju arhang kama arü kilim jih.

2 KORINT 8:12

Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah.

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

1 TESALONIKA 1:3

nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

1 TESALONIKA 4:13

Keoniorübo, shea larü dünkheak nüsanü mümükheahde mülashihne, yungsho mulonglam mülakhi mihtsürübo nangde mulong murozhakshihne.

1 TIMOTHI 5:3

Atsütsü langzü larü khimoberü ki wüntre jihang.

1 TIMOTHI 5:5

Alibe shepü atsütsü khimoberü la, tüsho langzü lanü, anihbenü Thrünpuh kheak mulonglam zoshang tüsho azhing ayin mutukzhakde mushude tamkhüntamnüshang;

1 JOHAN 3:18

Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.