YUNIRÜBO RHIMO 9:36 - AMÜSÜH HÜM CL Bible (BSI)

³⁶ Joppa ching aliberü akinrü amung Tabitha (Greek yunü Dorka, amütsan shihmüchi) lakheah. Alibe ju rhimo atsü tüsho rungzürungdo rhimonü mide alakheah.

YUNIRÜBO RHIMO 9:36 Iomraidhean Croise

2 KIUTHSÜYUKHEAN 2:16

Lebanon ching nünü tümüpürü yihnüpü lanü isanü akiushakbah, tüsho thsünrubah nü kilim keto chingnü Joppa ching lude arübah; nünü ju Jirusalem ching lude awutubah.”

EZRA 3:7

Arünü lungzünrü tüsho yümzüyümdorü jihshihpü sho jihchung tüsho Tair le Sidon kiutobo ching cedar sangthulung Lebanon chingnü Joppa khiungde keto chingnü handarüde alakhi ching jihshihpü tsühyungpü, tüsho oliv müdangkebo jih. Harü alala Persia kiulongthsüpuh Sairus yu hode lang rhimo.

MÜCHITMUDU 5:19

Amuzhokhi shihmüchi tüsho drelü nangde, kim alala ching anihbe treangbonü nü reangkeamshang; tüsho kamruhroro anihbe amuzhonü nü kapdoshang.

KHÜNBOLUNGKHÜN 2:9

I tsübuh a rimsung nangde lah yungsho tuzhuk nunu nangde lah. Kheahang, api isa rhü dunglim zhiplah, ayinripit ching kheahde, phomulokhi chingnü abina kheahchoh.

KHÜNBOLUNGKHÜN 3:5

Inü nüsa ki thachoh, O Jirusalem tsührü liberübo, athri shihmüchi tüsho rimsung tamde thiyuchihchimang: khide mükünchokia ike muzho dürhumünean!

KHÜNBOLUNGKHÜN 8:14

Niokheamang, I tsübuh tüsho rhümthüneabe wungbo kheak rimsung nangde yungsho shahyih nunu nangde thsang!

JONA 1:3

Tüshe Jonanü Atungpuh mikinü Tarshish lim tsopü tsahmusu. Apinü Joppa ching yüki tüsho Tarshish lim yükhi sangkung khülang ngü; jumonü apinü hantsah-trün ju jih tüsho Atungpuh mikinü tsokhide Tarshish lim yüpü sangkung kheak yükih.

MATHI 25:17

Tüsho 2000 leangkhibuhnü she 2000 alü kamshih.

JOHAN 15:5

I kurungasoliu, nüsa akhahbo. Shepü I kheak lacho, tüsho I api kheak lanü hihde asochoh; tümütüsho I mübede nüsanü tümü müthsükhuk.

JOHAN 15:8

Nüsanü aso hihde asokhinü I Buh müretahbah; junangde nüsa I jingyanrübo thsübah.

YUNIRÜBO RHIMO 10:23

Jumonü apinü arübo anihbuh hanrü thsüde beyuka yapshih. Ashidopü apinü asürübah arü lung yü tüsho api keoniorü khürü Joppa chingnü api lung yü.

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUNIRÜBO RHIMO 10:8

Apinü arü ki tümü dünjikheanü thaa huh, tüsho Joppa lim yüshih.

YUNIRÜBO RHIMO 11:13

Tüsho künangde api yam ching yunirü zhipbah thade angükheanü apinü isa ki tha, ‘Joppa lim yüshang tüsho Peter de ajikhi Simon bedarang;

YUNIRÜBO RHIMO 11:5

“I a Joppa kiuto ching tamkhüntamnüde alakheah; tüsho michih khülang ching tümüanü pheak nangde thüning limnü amünkheam phüyi kheaknü akishihde inü ngü; tüsho I ki aki.

YUNIRÜBO RHIMO 9:38

Lydda ju Joppa phünide alakhinü ju ching Peter lah de akinrübonü sobah api ki mushushihpü mihtsürü mahne yüshih, “Muzhobah mashude isa kilim arang.”

YUNIRÜBO RHIMO 9:42

Ju Joppa alala ching mükheahde kam, tüsho ahihkhühnü Atungpuh kheak kin.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

1 TESALONIKA 4:10

Tüsho atsütsü nüsanü Macedonia ching keoniorü alala muzhochoh, tüshe keoniorübo, nüsanü alü thsüde arhimopü tuthsukchoh.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

TITA 2:7

Lüpdükhi ching atsü rhimode arü ki amütsan huhang. Nü thsangyukhi ching thiyuro mulong jihkhi

TITA 3:8

Ha thakhi dükdü ah. Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.

JIHUSUA 19:46

Mejarkon, Rakkon, tüsho Joppa mühi lomi.