YUNIRÜBO RHIMO 9:27 - AMÜSÜH HÜM CL Bible (BSI)

²⁷ Tüshe Barnabanü api bea lubah amüsühthsangyurübo kilim arü, tüsho apinü Damaska limro kheak anihbuh ki asukbuh Atungpuh ngükhi tüsho Jisu mung chingnü mulong tode Damaska ching thsangyuthsangrakhi thaa huh.

YUNIRÜBO RHIMO 9:27 Iomraidhean Croise

YUNIRÜBO RHIMO 11:22

Ha yusheak Jirusalem borü ching arü tüsho arünü Barnaba Antiok ching yüshih.

YUNIRÜBO RHIMO 11:25

Jumonü Barnabanü Saul yimpü Tarsa lim yü;

YUNIRÜBO RHIMO 12:25

Tüsho Barnaba le Saul bünenü arü rhimo akuk ngü dunglim, Mark de ajikhi Johan bebah Jirusalem chingnü arülo.

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

YUNIRÜBO RHIMO 15:2

Ha hode Paul le Barnaba bünenü arü ki atsangachihpü kam. Jumonü ha keokhikhi dünkheaknü Jirusalem ching wutubah amüsüh-thsangyurü le azothsürübo shorupü akinrübo püpürü lungnü Paul tüsho Barnaba ane mokhit.

YUNIRÜBO RHIMO 4:13

Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

YUNIRÜBO RHIMO 4:29

Atungpuh, arünü amüzünkhi kheakü mükheahjang tüsho nü yamlarübonü khide mulong tode nü yubo thakhukshang.

YUNIRÜBO RHIMO 4:36

Junangde amüsüh-thsangyurübonü Barnaba (amütsan, mulong toshihkhi tsührü), Saipra chingnü azübekhi Levirü Josepnü

YUNIRÜBO RHIMO 9:17

Jumonü Ananianü tsahmusu tüsho thüyam ching ju yüzah. Tüsho akhahbo api kheak nimde tha, “Keoniorü Saul, nü mük bitshihpü tüsho Amüsüh Menü mide akamshihpü, limro ching nü ki akhiukbuh Atungpuh Jisunü I nü kilim thiyikheah.”

YUNIRÜBO RHIMO 9:29

Atungpuh mung ching mulong tode thsangyuthsangra. Apinü Greek-yu tharü Jihudarü azhihde tha; tüshe arünü api laksahpü yim.

1 KORINT 15:8

Akheam thsüde kim münühkhühde azübekhi I ki she akhiuk.

1 KORINT 9:6

Yungsho rhangdung lapü thsungkheaknü Barnaba tüsho inü lang arhimopü la de?

GALATIA 2:13

Api lung Jihudarü püpürübonü mulong müzahde rhimo, jumonü Barnaba she arü mulong müjihkhinü bekhide tsoabah.

GALATIA 2:9

Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.