YUNIRÜBO RHIMO 9:2 - AMÜSÜH HÜM CL Bible (BSI)

² tüsho athrürü yungsho aliberü thsüthsü apinü limro ching ngüsho Jirusalem lim rhüka lubah arüpü Damaska ching sinagogbo kilim kihüm jihang de api ki keokhi.

YUNIRÜBO RHIMO 9:2 Iomraidhean Croise

THRÜNTAN 14:15

Apinü arü azhihde azhing ching api mihtsürübo chamnak tüsho api le yamlarübonü arü zündode Damaska dukulim lakhi Hoba khiungde arü müsham.

ISAIA 17:1

Damaska dünkheak müchityu khülang. Kheahang, Damaska ju kiuto thsüpü arün thsübah, tüsho athsümünimkhi mujung kambah.

JEREMIA 49:23

Damaska dünkheak. Hamath tüsho Arpad mulong ninido, tümüde arünü thiyusheak amütsü sodo; arübo atrekhinü janiudo, arübo mükeamramkhi keto nangde küpkhukdo.

MATHI 10:17

Tüshe mihtsürübo dünkheak kümkangang, tümüde arünü nüsa kiuthsü-binkiubo kilim jihbah tüsho sinagogbo ching nüsa rhapbah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

YUNIRÜBO RHIMO 18:25

Api ju Atungpuh limro ching thsangdana lakheah, tüsho apinü Johannü baptikhi lang mükheah-a lalashe me ching düküngde Jisu dünkheak tha tüsho thsangyu.

YUNIRÜBO RHIMO 19:23

Ju kim ching Atungpuh limro dünkheaknü Efisia ching alanaji akhiuk.

YUNIRÜBO RHIMO 19:9

tüshe küyimki khürünü mulong müküpde tüsho mükinde amukhungrü miki amütsü limro asukkhea, apinü jingyanrü bea lubah akhin tüsho nimung aban Tyranna khiunglün-yam ching atsangachih.

YUNIRÜBO RHIMO 24:14

Tüshe arünü yingüh khülang de ajikhi Limro yande yakzan ching lakhi yungsho wukihrübo ching thrütkhi lüpdükhi yande isa jipürü Thrünpuh kingaünkhi inü nü ki alokhichoh.

YUNIRÜBO RHIMO 24:22

Tüshe mütsanmükhide Limro mükheahbuh Felixnü akheam thsüde tha, “Küyimki limthobuh Lysia akibanü inü nüsa dünkheak zanzhak jihbah.”

YUNIRÜBO RHIMO 26:10

Tüsho inü junangde Jirusalem ching rhimo; amükeam putungrübonü mülükhi hode inü amüsührü ahihkhüh rihyam ching zo, tüsho küyimki arü sheshihkheanü arü azhihde inü hehuh thsü.

YUNIRÜBO RHIMO 26:12

“Hanangde amükeam putungrü thiyukhüm-sühmüh hode inü Damaska lim hantsah yü.

YUNIRÜBO RHIMO 6:9

Tüshe zuzu ngükhi mihtsürübo sinagog ching kheyukrü Serene le Alexandria tüsho Kilikia le Asia chingnü Jihudarü Stephen kheak atsangde awusupü tankih,

YUNIRÜBO RHIMO 7:19

Apinü isa mihtsürü le isa jipürübo, arü khungarübo asheshihpü thüyam chingnü yihkhita bahpü nimkih tüsho junode rhimo.

YUNIRÜBO RHIMO 9:14

tüsho ju ching nü mung jirü alala rhükpü amükeam putungrübo kilimnü api thiyukhüm-sühmüh lah.”

YUNIRÜBO RHIMO 9:21

Tüsho api yu sorü alalanü müyinsah tüsho tha, “Api ju Jirusalem ching ha buh mung jirü thsümüchibuh yung de, tüsho arübo rhüka bede yünü amükeam putungrübo kilim jihpü ha ching arükhi yung de?”

2 KORINT 11:32

Damaska ching, kiulongthsüpuh Areta bukkhüp lakhi kovünornü I rampü lümde kiuto chipiripitbo ching aheangrübo zojih,

GALATIA 1:17

yungsho I müngüh larü amüsüh-thsangyurübo kilim Jirusalem ching muwutu tüshe inü Arabia lim yü tüsho Damaska lim alode arü.