YUNIRÜBO RHIMO 9:17 - AMÜSÜH HÜM CL Bible (BSI)

¹⁷ Jumonü Ananianü tsahmusu tüsho thüyam ching ju yüzah. Tüsho akhahbo api kheak nimde tha, “Keoniorü Saul, nü mük bitshihpü tüsho Amüsüh Menü mide akamshihpü, limro ching nü ki akhiukbuh Atungpuh Jisunü I nü kilim thiyikheah.”

YUNIRÜBO RHIMO 9:17 Iomraidhean Croise

THRÜNTAN 45:4

Tüsho Josepnü api keoniorübo ki tha, “Muzhobah I phünide arang.” Tüsho arünü phünide arü. Tüsho apinü tha: “I nüsanü Ijip ching yinkhi nüsa niurü Josep ah.

MATHI 19:13

Judüki arü kheak api khah nimbah tamkhüntamnüshihpü azürü aninibo api ki bedarü, tüshe jingyanrübonü arü thürüh.

MARK 5:23

tüsho api ki mushude tha, “I tsührü akheambe ashepü thsüde lah. Arübah anihbe kheak nü khahnü qiujang, junangde anihbe angubah tüsho rhangdung labah.”

MARK 6:5

Apinü ju ching tukthsü mihtsürü anükhüh kheak akhahnü qiude thsüngukhi kheak hode rhimo ato mürhimokhuk.

LUKNÜ ATHRÜTKHI THIYUSHEAK-ATSÜ HUHTANYU 1:41

Tüsho küyimki Marinü salüm jihkhi Elizabethnü asokhea, khungarünü abe nuyam chingnü juk; tüsho Elizabeth ju Amüsüh Menü mide kam.

LUKNÜ ATHRÜTKHI THIYUSHEAK-ATSÜ HUHTANYU 1:67

Tüsho abuh Zakaria Amüsüh Menü mide kambah müchitde tha,

LUKNÜ ATHRÜTKHI THIYUSHEAK-ATSÜ HUHTANYU 1:76

Tüsho nü khungarü, Khide Achang yo wukihrü de ajibah; tümüde nünü api limrobo thsakhampü Atungpuh müngüh yübah,

LUKNÜ ATHRÜTKHI THIYUSHEAK-ATSÜ HUHTANYU 15:30

Tüshe yüliyürade nü lakhit phinphurukkhi nü tsührü ha arü müleangnü, nünü api thsungkheak ashih-kihkhi moshi nunu laksahdo.’

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

YUNIRÜBO RHIMO 10:36

Thrünpuhnü Jisu Khrista–api ju alala yo Atungpuh– hode mungtsü yusheak atsü zhiyukpü Israel kilim thiyusheak yüshihkhi nüsanü mükheahlah.

YUNIRÜBO RHIMO 13:3

Judüki khümkeak thsüde ane kheak arü khahbo nimbah tamkhüntamnü dunglim ane thiyia yüshih.

YUNIRÜBO RHIMO 13:52

Tüsho akinrübo ju asühachihkhi tüsho Amüsüh Menü mide alakheah.

YUNIRÜBO RHIMO 19:6

Tüsho küyimki Paulnü arü kheak akhah nimkihkhea, Amüsüh Me arü kheak arü; arünü püpürü yuthabo chingnü thade müchit.

YUNIRÜBO RHIMO 2:4

Tüsho arü alala Amüsüh Menü mide kam tüsho Menü athakhukshihkhinü püpürü yutha chingnü athapü tankih.

YUNIRÜBO RHIMO 21:20

Küyimki arünü ha sokheanü Thrünpuh müretahshih. Tüsho arünü api ki tha, “Keoniorü, Jihudarü bolung akinrü chithürü küdükhüh lanü kheahang; arünü yakzan ching khide mulong jihlah,

YUNIRÜBO RHIMO 26:15

Inü tha, ‘Nü she a, Atungpuh?’ Tüsho Atungpuhnü alo, ‘I ju nünü athsümüchikhi Jisu ah.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

YUNIRÜBO RHIMO 6:6

Arünü harü amüsüh-thsangyurübo miki zhipshih, tüsho arünü arü kheak khah nimde tamkhüntamnüjih.

YUNIRÜBO RHIMO 8:17

Jushu arünü arü kheak khahbo nimkih tüsho Amüsüh Me leangkhi.

YUNIRÜBO RHIMO 9:18

Tüsho zukleangnü tümüanü thüngüh küpbo nangde api mükbo chingnü ayokhi tüsho api müknü ngüde kam. Apinü wusu tüsho bapti,

ROMRÜ KILIM PAULNÜ ATHRÜTKHI KIHÜM HUHTANYU 15:7

Khristanü Thrünpuh müretahpü thsungkheak nüsa leangkhikhi nangde khülangnü khülang leangkhiang.

1 KORINT 15:47

Akhuh mihtsürü alomi chingnü, asungthulung mihtsürü ah; mahnepü mihtsürü ju yinmi chingnü ah.

1 KORINT 15:8

Akheam thsüde kim münühkhühde azübekhi I ki she akhiuk.

1 KORINT 9:1

I zuzu müla de? I amüsühthsangyurü yung de? Inü isa Atungpuh Jisu müngü düpü? Nüsa ju inü Atungpuh lung rhimokhitkhi yung de?

1 TIMOTHI 4:14

Azothsürübonü nü kheak arü khah nimde müchityu thachoki nü kilim jihkhi thsambah dübahyuk.

1 TIMOTHI 5:22

Khah nimkihpü ching düniokheam, yungsho püpürü neak ching düberung; nü tsangkhitde zoang.

2 TIMOTHI 1:6

Jumonü I khahbo nimkihkhi hode nü kheak lakhi Thrünpuh thsambah takkihloang de inü nü ki thalochoh;

PHILEMON 1:16

kheaküa azhorü yung tüshe azhorü kheaknü alübe, adungto thsüde I ki amuzhokhi keoniorü lah tüshe shih tüsho Atungpuh lung nü ki küdükhüh laba.

IBRI 6:2

baptikhi tüsho khah nimkihkhi, asherü arhang kamlokhi tüsho lünnü thiyukhap dünkheak thsangyukhi.

2 PETER 3:15

Isa keoniorü Paulnü, Thrünpuhnü api kilim jihkhi lümlung hode nüsa kilim thrütkhi nangde, Atungpuhnü arümkheamkhi ju akhümkhit ah de lümang.