YUNIRÜBO RHIMO 9:16 - AMÜSÜH HÜM CL Bible (BSI)

¹⁶ tümütüsho I mung dünkheaknü küdükhüh thsünübeanü inü api ki huhbah.”

YUNIRÜBO RHIMO 9:16 Iomraidhean Croise

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

MATHI 24:9

“Judüki arünü nüsa thsümüchipü jihbah tüsho alaksahbah, tüsho I mung dünkheaknü trükshih alalanü nüsa thraneanbah.

MATHI 5:11

“I dünkheaknü arünü nüsa mükhemükimde thsümüchichoki tüsho arükchihnü nüsa azhihde amütsü alala thachoki nüsa asühpü.

JOHAN 15:20

Inü nüsa ki, ‘Yamlarü khülang ju nihbuh putungrü kheaknü atobe yung,’ de athakhi lümkhitang. Arünü I thsümüchisho, nüsa she athsümüchibah. Arünü I yubo zosho, nüsa ki she anibah.

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

YUNIRÜBO RHIMO 21:11

Apinü isa kilim arübah Paul chimrümbe lu tüsho ajing le akhahbo rhükbah tha, “Amüsüh Menü ha thachoh: Ha chimrümbe atungrü Jihudarünü Jirusalem ching hanangde arhükbah, tüsho arünü api khiungkerü kilim jihbah.”

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

YUNIRÜBO RHIMO 21:4

Ju ching isanü akinrü khürü ngü tüsho arü lung nimung thüne mung. Me wu hode arünü Paul ki Jirusalem lim müyüpü tha.

YUNIRÜBO RHIMO 9:14

tüsho ju ching nü mung jirü alala rhükpü amükeam putungrübo kilimnü api thiyukhüm-sühmüh lah.”

YUNIRÜBO RHIMO 9:6

tüshe asürang tüsho kiuto ching yüzahang, tüsho tümü rhimobeanü nü ki thabah.”

2 KORINT 6:4

tüshe Thrünpuh tankihrü thsükhinü limro aban ching isa küdahnü tsülah de lümchoh: arümkheam ato hode, thsünü ching, küpkhukbo, thsümütsübo,

1 TESALONIKA 3:3

junangde sheshe harü thsünübo hode matrütshih. Ha isa shihcham labeah de nüsa küdah thsüde mükheahlah.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

2 TIMOTHI 3:11

thsümüchikhi, thsünükhi, Antiok le Ikonium tüsho Lystra ching I kheak dünjibah inü arümkheamkhi mükheahdo; tütüshe jurü alala chingnü Atungpuhnü I khümkhit.

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.