YUNIRÜBO RHIMO 9:13 - AMÜSÜH HÜM CL Bible (BSI)

¹³ Tüshe Ananianü alo, “Atungpuh, ha mihtsürünü Jirusalem ching nü yo amüsührübo kheak küdükhüh amütsü rhimokheanü ahihdo kilimnü inü sodo;

YUNIRÜBO RHIMO 9:13 Iomraidhean Croise

EZEKIEL 3:14

Judüki menü I shuhkih tüsho bebah tso, tüsho I kheak Atungpuh khah amüküp lade, khühde tüsho I me bukakhiukkhi chingnü yü.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

YUNIRÜBO RHIMO 22:4

Ha limro ching yanrü inü thsümüchide sheshih. Inü athrürübo tüsho aliberübo rama rihyam ching yuk.

YUNIRÜBO RHIMO 8:3

Tüsho Saulnü borü thsümünimpü tankih. Athrürü tüsho aliberübo thüyam chingnü yankhita rihyam ching jih.

YUNIRÜBO RHIMO 9:1

Tüshe Saulnü judü lang Atungpuh jingyanrübo thsümüchide laksahde alakheah. Apinü achangbe amükeambuh ki yü

YUNIRÜBO RHIMO 9:21

Tüsho api yu sorü alalanü müyinsah tüsho tha, “Api ju Jirusalem ching ha buh mung jirü thsümüchibuh yung de, tüsho arübo rhüka bede yünü amükeam putungrübo kilim jihpü ha ching arükhi yung de?”

YUNIRÜBO RHIMO 9:32

Peternü lomi dangpung alala hode yü, junangde Lydda ching lakhi amüsührübo kilim she aki.

YUNIRÜBO RHIMO 9:41

Apinü akhah chunga yüshih tüsho anihbe thomusu. Judüki akinrübo le khimoberübo jibah alibe ju arhang kama arü kilim jih.

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

ROMRÜ KILIM PAULNÜ ATHRÜTKHI KIHÜM HUHTANYU 15:31

junangde Judea ching amükinrübo kheaknü I bekhitbah, tüsho Jirusalem ching I tankihkhi amüsührübo ki aleangkhikhukbe labah,

ROMRÜ KILIM PAULNÜ ATHRÜTKHI KIHÜM HUHTANYU 16:15

Philologa, Julia, Nereu tüsho achi, Olympa, tüsho arü lung larü amüsührü alala ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 16:2

Amüsührünü arhimopü thülünkhi ching, Atungpuh mung chingnü nüsanü alibe leangkhiang, tüsho nüsa kilimnü yihnüpü tümüpürü labanü anihbe rungang, tümüde alibenü ahihkhüh kilim tüsho I she rungde arüdo.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 14:33

Tümütüsho Thrünpuh ju neamneamruru yo yung tüshe mungtsü Thrünpuh ah. Amüsührü borübo alala ching,

1 KORINT 16:1

Kheakü akinrü rungpü threzüthredo thsungkheak ju, inü Galatia borübo ki thakhi nangde rhimoang.

1 KORINT 6:5

Inü ha nüsa achihbe thachoh. Keoniorü bolung zanzhakpü thsüde nüsa bolung lümlung lakhi mihtsürü müla de?

EFISIA 1:1

Thrünpuh lümkhi hode Jisu Khrista amüsüh-thsangyurü Paul kilimnü, Jisu Khrista ching thiyuro lakhi amüsührü kilim:

FILIPI 1:1

Jisu Khrista yamlarü, Paul tüsho Timothi kilimnü, Filipi ching Jisu Khrista kheak kinrü, ju lung borü limberü tüsho tankihrübo kilim:

FILIPI 4:22

Amüsührü alala, adungto thsüde Kaesar yamkhünnü nüsa kilim salüm jihchoh.

KOLOSI 1:2

Kolosi ching amüsührü tüsho Khrista ching thiyuro larü keoniorübo kilim: Isa Abuh Thrünpuh kilimnü nüsa kilim amüthsüm tüsho mungtsü laang.

IBRI 13:24

Nüsa limberübo tüsho Thrünpuh mihtsürübo alala ki salüm jihang. Itali ching larünü nüsa kilim salüm mühahchoh.

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.

1 SAMUEL 16:2

Samuelnü tha, “Inü küde thsah ayüba? Ha Saulnü sosho, apinü I laksahbah.” Tüsho Atungpuhnü tha, “Nü lung moshi nunu khülang beang, tüsho thaang, ‘I Atungpuh ki laksah-a kingaünpü arükheah.’