YUNIRÜBO RHIMO 9:11 - AMÜSÜH HÜM CL Bible (BSI)

¹¹ Atungpuhnü api ki tha, “Langakindo alakhi kiudunglimro kheak Juda yam ching yüang tüsho Tarsa chingnü mihtsürü khülang amung Saul dünkheak keokhiang, tümüde api tamkhüntamnüde lah.

YUNIRÜBO RHIMO 9:11 Iomraidhean Croise

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

YUNIRÜBO RHIMO 11:13

Tüsho künangde api yam ching yunirü zhipbah thade angükheanü apinü isa ki tha, ‘Joppa lim yüshang tüsho Peter de ajikhi Simon bedarang;

YUNIRÜBO RHIMO 11:25

Jumonü Barnabanü Saul yimpü Tarsa lim yü;

YUNIRÜBO RHIMO 2:21

Tüsho shepünü Atungpuh mung jibanü akhümkhitbah.’

YUNIRÜBO RHIMO 21:39

Tüshe Paulnü tha, “I a Kilikia ching lakhi Tarsa ching zübekhi, adungto kiuto mihkhung khülang ah. Muzhobah inü mihtsürübo ki thashang.”

YUNIRÜBO RHIMO 22:3

“I a Kilikia ching lakhi Tarsa chingnü azübekhi Jihudarü ah, tüshe Gamaliel kheaknü anikhitde ha kiuto chingnü asürü. Inü isa jipürü yakzan thsangdankhi mulong jihde leangkhi tüsho khihni nüsabo nangde Thrünpuh kilim shuhmülanga jih.

YUNIRÜBO RHIMO 8:22

Jumonü nü mihbukmuyukkhi müthriang, tüsho Atungpuh ki tamkhüntamnüang, khükia nü mulong ching ha lümkhi hode apinü nü neak bahjihbah.

YUNIRÜBO RHIMO 8:26

Tüshe Atungpuh yunirünü Philip ki tha, “Asürang tüsho Jirusalem chingnü Gaza lim yüki limro düjinglim thrip yüang.” Ha sunglo limro ah.

YUNIRÜBO RHIMO 9:30

Küyimki keoniorübonü ju mükheahkhea, arünü api Kaesarea ching bede aki, tüsho Tarsa lim yüabahshih.

YUZÜNGTHALO 4:29

Tüshe ju ching Atungpuh nüsa Thrünpuh nüsanü ayimbah, tüsho nüsanü mulong tüsho me athrünkhinü api yimsho angübah.