YUNIRÜBO RHIMO 9:10 - AMÜSÜH HÜM CL Bible (BSI)

¹⁰ Kheakü Damaska ching Khristanrü amung Anania lakheah. Atungpuhnü michih ching api ki tha, “Anania.” Apinü alo, “I ha ching lah, Atungpuh.”

YUNIRÜBO RHIMO 9:10 Iomraidhean Croise

THRÜNTAN 14:15

Apinü arü azhihde azhing ching api mihtsürübo chamnak tüsho api le yamlarübonü arü zündode Damaska dukulim lakhi Hoba khiungde arü müsham.

THRÜNTAN 22:1

Kim anükhüh dunglim Thrünpuhnü Abraham ki rükakide tha, “Abraham!” Apinü alo, “I ha ching lah.”

THRÜNTAN 31:11

Judüki Thrünpuh yunirünü milim ching I ki tha, ‘Jakob.’ Tüsho inü alo, ‘I ha ching lah.’

2 SAMUEL 15:26

Tüshe apinü I kheak masüh-a lasho, I ha ching lah, apinü atsükhi I kheak rhimoshang.”

ABEKHIT 3:4

Mosa thüninde arükhi küyimki Atungpuhnü angükhea, sangrung phulung chingnü Atungpuhnü Mosa jide tha, “ Mosa! Mosa!” Apinü alo, “I ha kheak lah.”

ISAIA 6:8

Judüki Atungpuhnü athakhi düsheak inü so, “ Inü shepü yüshihba, tüsho isa thsungkheak shepü yüba?” Tüsho inü tha, “ I ha ching lah; I yüshang!”

DANIEL 2:19

Judüki amüthakhukkhi aramyu ju azhing michih ching Daniel ki akhiuka huh tüsho Danielnü yinmi Thrünpuh shijih.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

YUNIRÜBO RHIMO 10:3

Anirelim 3 king ngüm Thrünpuh yunirü arübah api ki thakhi michih ching mütsande ngü, “Kornelia”.

YUNIRÜBO RHIMO 11:5

“I a Joppa kiuto ching tamkhüntamnüde alakheah; tüsho michih khülang ching tümüanü pheak nangde thüning limnü amünkheam phüyi kheaknü akishihde inü ngü; tüsho I ki aki.

YUNIRÜBO RHIMO 12:9

Apinü wukhiuk tüsho api yande yü; yunirübonü arhimokhi ju atsütsülim ah de apinü mümükheah, tüshe apinü michih ngüchoh de lüm.

YUNIRÜBO RHIMO 16:10

Küyimki apinü michih ngükheanü, arü kilim thiyusheakatsü thsangyuthsangrapü Thrünpuhnü ike jikheah de adüngakhibah nahdü lang Macedonia lim yüpü thsakham.

YUNIRÜBO RHIMO 16:9

Tüsho azhing ching Paul ki michih khülang huh: Macedonia mihtsürü khülangnü zhipbah api ki mushude tha, “Macedonia lim arübah isa rungang.”

YUNIRÜBO RHIMO 18:9

Tüsho tsüngre khülang Atungpuhnü Paul ki michih chingnü tha, “Dütre, tüshe asukang tüsho zhikde düla;

YUNIRÜBO RHIMO 2:17

‘Tüsho akheam nimungbo ching ha labah, Thrünpuhnü khipkhitchoh, junangde inü mihtsürü alala kheak I me dungkihjihbah, tüsho nüsa tsührübo le tsührübebonü müchitbah, nüsa tsührü athunurübonü michihbo ngübah, tüsho ashinbuhrübonü milimbo mibah;

YUNIRÜBO RHIMO 22:12

“Ju kiuto ching akin ching mulong jihde isa yakzan mihyuanikhi mihtsürü ju ching lakhi Jihudarü alalanü wüntre jihkhi amung Anania,

YUNIRÜBO RHIMO 9:12

Tüsho mihtsürü khülang amung Anania arübah api mük bitshihpü anihbuh kheak akhahbonü nimde michih ching ngüdo.”

YUNIRÜBO RHIMO 9:9

Tüsho nimung mahsam apinü mükheahkhukde mütsühyungde alakheah.

2 KORINT 11:32

Damaska ching, kiulongthsüpuh Areta bukkhüp lakhi kovünornü I rampü lümde kiuto chipiripitbo ching aheangrübo zojih,

GALATIA 1:17

yungsho I müngüh larü amüsüh-thsangyurübo kilim Jirusalem ching muwutu tüshe inü Arabia lim yü tüsho Damaska lim alode arü.

1 SAMUEL 3:4

Judüki Atungpuhnü ji, “Samuel! Samuel!” tüsho apinü alo, “I ha ching lah!”