YUNIRÜBO RHIMO 8:1 - AMÜSÜH HÜM CL Bible (BSI)

¹ Tüsho api shekhi ju Saulnü mülüjih-a lakheah. Tüsho ju nimung Jirusalem ching borü azhihde thsümüchi ato akhiuk; tüsho amüsüh-thsangyurübo kheak hode, arü alala Judea tüsho Samaria lomibo ching müzütabah.

YUNIRÜBO RHIMO 8:1 Iomraidhean Croise

NEHEMIA 6:3

Jumonü yunithsürü thiyia thiyusheak hanbah arü ki yünü thashih, “I rhimo adungto rhimochoh dale I makikhuk. Nüsa shorupü akipü thsungkheaknü I rhimo tuklobea de?”

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

DANIEL 6:23

Judüki kiulongthsüpuhnü khide asüh tüsho kekhüzü-yam chingnü Daniel bekhitpü thiyukhüm jih. Jumonü Daniel ju kekhüzü-yam chingnü bekhit, tüsho api kheak yurikhi tümü müngü, tümütüsho apinü api Thrünpuh kheak kin.

MATHI 22:6

Aningkhinü api yamlarübo rama shik tüsho arü laksah.

MATHI 23:34

Jumonü inü nüsa kilim wukihrübo, lümlung larü mihtsürübo, tüsho yakzan thsangyurübo thiyibah: nüsanü khürü laksahbah tüsho ayümkihbah, tüsho khürü nüsa yo sinagogbo ching rhapbah tüsho kiuto chingnü kiuto khiungde athsümüchibah,

MATHI 5:13

“Nüsa alomi thimi ah; tüshe thimi ju amüsüpbe dükheakabahsho, ju küde thsah amüsüpshihba? Ju tümü thsungkheak she atsü müla, ju abahbah tüsho mihtsürübonü ajungbah.

JOHAN 15:20

Inü nüsa ki, ‘Yamlarü khülang ju nihbuh putungrü kheaknü atobe yung,’ de athakhi lümkhitang. Arünü I thsümüchisho, nüsa she athsümüchibah. Arünü I yubo zosho, nüsa ki she anibah.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

YUNIRÜBO RHIMO 13:36

Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah;

YUNIRÜBO RHIMO 2:47

Thrünpuh shijihde mihtsürü alala ki asühachih. Tüsho Atungpuhnü khümkhita larübo arü wühkhe ching kheyuk.

YUNIRÜBO RHIMO 22:20

Tüsho küyimki nü thiyumütsan thsükhi Stephen thiyih bukkhea, I she ju ki mütsanmükhi jihde tüsho api laksahrü khimmihbo kümde zhip.’

YUNIRÜBO RHIMO 26:10

Tüsho inü junangde Jirusalem ching rhimo; amükeam putungrübonü mülükhi hode inü amüsührü ahihkhüh rihyam ching zo, tüsho küyimki arü sheshihkheanü arü azhihde inü hehuh thsü.

YUNIRÜBO RHIMO 5:18

arünü amüsüh-thsangyurübo rambah boto rihyam ching zo.

YUNIRÜBO RHIMO 5:20

“Yübah arüngyam ching zhipang tüsho mihtsürübo ki ha rhangdung yubo alala asukang.”

YUNIRÜBO RHIMO 5:33

Küyimki arünü ha sokheanü bukakhiuk tüsho arü laksahpü kün.

YUNIRÜBO RHIMO 5:40

Jumonü arünü ha athsunganahkhi lu, tüsho amüsüh-thsangyurübo jiyukbah lak tüsho Jisu mung chingnü müthapü thürühbah tsoshih.

YUNIRÜBO RHIMO 7:38

Api ju Sinai Müzüng ching api le isa jipürü ki asukbuh yunirü bede sunglo ching amukhungrü lung lakheah; tüsho apinü isa kilim jihpü rhangdung yubo leangkhi.

YUNIRÜBO RHIMO 7:54

Küyimki arünü harü sokheanü arü bukakhiuk tüsho api azhihde arü hü mütrüt.

YUNIRÜBO RHIMO 7:58

Jushu arünü api kiuto ching bekhit tüsho arupü tankih. Tüsho thiyumütsan thsürübonü arü khimmihbo athrününgtsüngbuh Saul jing ki zojih.

YUNIRÜBO RHIMO 8:14

Küyimki Samaria mihtsürübonü Thrünpuh yu leangkhido de Jirusalem ching amüsüh-thsangyurübonü asokhea, arünü Peter tüsho Johan arü kilim yüshih.

YUNIRÜBO RHIMO 8:2

Shuhmülanga jihkhi mihtsürübonü Stephen kiuyukabah, tüsho api dünkheak khide tüzho.

YUNIRÜBO RHIMO 8:4

Kheakü sherü hiumüzüta lakheanü thiyusheak thsangyuthsangrade yü.

YUNIRÜBO RHIMO 8:5

Philipnü Samaria kiuto ching yüki, tüsho Khrista dünkheak zhiyukjih.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

ROMRÜ KILIM PAULNÜ ATHRÜTKHI KIHÜM HUHTANYU 1:32

Sherünü jurü rhimobanü ashepü thülünlah de arünü Thrünpuh yakzan mükheahkheah she, arünü arhimokhi lang yung tüshe jurü rhimorü she alim jihchoh.

FILIPI 1:12

Keoniorübo, nüsanü mükheahshihnekhi ju, I ki tümü dünjikheanü atsütsü thiyusheak-atsü khin tsahshihdo,

IBRI 11:27

Akin hode apinü kiulongthsüpuh bukakhiukkhi mütrede Ijip bahbah tso; tümüde apinü amüngübuh ngükhinü arümkhuk.