YUNIRÜBO RHIMO 7:52 - AMÜSÜH HÜM CL Bible (BSI)

⁵² Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

YUNIRÜBO RHIMO 7:52 Iomraidhean Croise

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

1 KIULONG THSÜRÜ 19:14

Apinü alo, “Wuto Thrünpuh, Atungpuh thsungkheak I khide künsahde alakheah: tümüde Israelrünü nünü tangzüngkhi bahyukbah nü yo kingaün sadam lukkheama bahdo, tüsho nukshangnü nü yo wukihrübo laksahkhamdo. I lang aninga lah, tüsho arünü I laksahpü yimchoh.”

2 KIUTHSÜYUKHEAN 36:15

Atungpuh , arü jipürü Thrünpuhnü api yunithsürübo hode mutukzhakde arü kilim thiyusheak yüshih, tümütüsho apinü anihbuh mihtsürü tüsho api lapung kheak amuzho lakheah;

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 20:2

Judüki Pashhurnü wukihbuh Jeremia shik, tüsho Atungpuh yam Benjamin Chipiripit akube ching lakhi rihyam ching zo.

JEREMIA 26:15

Ha lang nüsanü khürü mükheahpü ju, nüsanü I sheshihsho, nüsanü nüsa le ha kiuto tüsho ha ching larübo kheak mülimkhi thiyih handarübah, tümüde thiyuro ching harü yubo nüsa nükhün ching arüshihpü Atungpuhnü I thiyikheah.”

JEREMIA 26:23

tüsho arünü Ijip chingnü Uria bea lu tüsho kiulongthsüpuh Jehoiakim ki api bedarü, shepünü api nukshangnü kiua keamshih tüsho ashemi ju mihtsürü boto mibahpung jipa bah,

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

LUKNÜ ATHRÜTKHI THIYUSHEAK-ATSÜ HUHTANYU 6:23

Ju nimung asühachihang tüsho asühde jukang, tümütüsho kheahang, yinmi ching nüsa thsambah tode lah; tümüde arü bebuhrünü wukihrübo ki jude rhimodo.

JOHAN 16:10

thiyuro-lungki dünkheak, tümütüsho I Buh kilim I ayübah tüsho nüsanü I müngülo;

YUNIRÜBO RHIMO 2:23

Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUNIRÜBO RHIMO 22:14

Tüsho apinü tha, ‘Isa jipürü Thrünpuhnü api lümkhi mükheahpü Alungkibuh Khülang ngüpü tüsho api düsheak anipü nü mokhitdo;

YUNIRÜBO RHIMO 3:18

Tüshe wukihrübo alala mün hode Khrista thsünüpü Thrünpuhnü tümü thajungkheanü ha dünjido.

YUNIRÜBO RHIMO 3:24

Tüsho wukihrü alala, Samuel tüsho ashulim arürünü harü nimungbo müchitdo.

YUNIRÜBO RHIMO 4:10

nüsa alala tüsho Israel mihtsürü alalanü, nüsanü yümkihbah Thrünpuhnü ashe chingnü arhang kamloshihkhi Nazarethrü Jisu Khrista mung chingnü ha mihtsürü tsüde zhiplah de mükheahang.

1 TESALONIKA 2:15

arünü Atungpuh Jisu tüsho wukihrübo chido laksah, isa yankhita bah, tüsho Thrünpuh masühshihde kam tüsho mihtsürü alala azhih,

2 TIMOTHI 3:4

rükmütsü, adüngakhi mülakhi, shilode alümrü, Thrünpuh muzhorü yungde shihkünkhi muzhorü,

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.