YUNIRÜBO RHIMO 7:51 - AMÜSÜH HÜM CL Bible (BSI)

⁵¹ “Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

YUNIRÜBO RHIMO 7:51 Iomraidhean Croise

2 KIULONG THSÜRÜ 17:14

Arü jipürünü Atungpuh arü Thrünpuh kheak mükinkhi nangde, arünü mani tüshe nihnihde la.

2 KIUTHSÜYUKHEAN 30:8

Nüsa jipürü nangde yihkhro düla, tüsho Atungpuh ki mihyuaniang tüsho apinü lün thsungkheak tsangkhitkhi api amüsüh dangpung ching arang, tüsho Atungpuh nüsa Thrünpuh tankihang, junangde api bukakhiukkhi amüshak nüsa kheaknü rholode atsobah.

NEHEMIA 9:16

Tüshe isa jipürübonü nihnihde la tüsho nü yukhüm mani.

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

MUNGSHIKHÜN 75:5

Nü juh achang kheak düshuhkih; hung chungthülangde dasuk.’ ”

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

ABEKHIT 32:9

Tüsho Atungpuhnü Mosa ki tha, “Inü ha mihtsürübo ngüdo, tüsho arübo anihnih mihtsürü ah.

ABEKHIT 33:3

Niuhke tüsho mukhuke bukkhi lomi ching wutuang; tüshe I a nüsa bolung matu, jude yungsho inü nüsa limro ching dükheakshihbah tümüde nüsa anihnih mihtsürü ah.”

ABEKHIT 33:5

Tümüde Atungpuhnü Mosa ki tha, Israelrü ki thaang, “Nüsa anihnih mihtsürü ah. I nüsa lung anükhüh kheak lang she yükhülaa, inü nüsa shahde adükheakshihbah. Kheakü nüsa zülubo yihkhitang, tüsho nüsa kheak tümü rhimobanü inü apungkhibah.”

ABEKHIT 34:9

Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

ISAIA 48:4

Tümütüsho nü anihnih ah de inü mükheahlah, nü hung ju yinchi-süh ah tüsho nü kingkang ju khahrih-yinchi,

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

JEREMIA 17:23

Tütüshe arünü mani yungsho arü nükhün mumupho; arünü arü hungbo chungthülang tüsho mani yungsho thsangdan müleangkhi.

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 6:10

She kheak inü asukba tüsho düh de athaba, junangde arünü asoba? Kheahang, arü nükhünbo müyeahshung, arünü manikhuk. Atungpuh yu ju arü ki münedung lah; arünü ju ching asühako müla.

EZEKIEL 2:4

Inü nü yüshihpung mihtsürü ju arhükrhük tüsho anihnih ah. Arü ki thaang, ‘ Wuto Atungpuh Thrünpuhnü ha thachoh.’

EZEKIEL 44:7

Nüsanü athraneanbe rhimokhi lungnü nüsanü mulong tüsho shih tsütamübahkhi khiungkerü I arüngyam ching beyukde nüsanü tsühyungpü, amüdang tüsho athiyih jihchoki I arüngyam müneanjih tüsho nüsanü I ki tangzüngkhi thsümünim.

EZEKIEL 44:9

Atungpuh Thrünpuhnü ha thachoh: Israelrü bolung lakhi khiungkerübo mulong tüsho shih tsütamübahrü sheshe I arüngakopung ching müyüzah.

LEVI 26:41

tüsho inü nüsa azhihkhi hode nüsabo thiriri lo ching hande yükhea; nüsa mulong tsütamübahkhi azhihayihde kamsho, tüsho nihbuh neak le azhihde atsahkhi thsüphulosho,

WÜHKHE 27:14

Tümüde Zin sunglo kebo ching botonü azhihde wusuchoki, nüke chidonü arü mük ki I yukhüm amüsüh de ahuhpü I yu mani.” (Meriba ju Zin sunglo ching Kadesh Kenü ah.)

YUNIRÜBO RHIMO 6:10

tüshe apinü Me lümlungnü athakhi azhihde müzhipkhuk.

YUNIRÜBO RHIMO 7:27

Tüshe shepünü api yamhingbuh müneahde alakheanü Mosa nima bahde tha, ‘Shepünü nü isa kurungkheak yakzanshuhrü tüsho mahkhaprü kamshihkhea?

YUNIRÜBO RHIMO 7:35

“Ha buh Mosa, shepü arünü, ‘Shepünü nü isa kurungkheak yakzanshuhrü tüsho mahkhaprü kamshihkhea?’ de reanglode athabuh thsü Thrünpuhnü api ki sangrung ching yunirü akhiukbuh khah hode yakzanshuhrü tüsho abekhitrü chido kamde thiyi.

YUNIRÜBO RHIMO 7:39

Isa jipürünü api ki mihyumanide bahyuk, tüsho arü mulong ching Ijip lim yülode,

YUNIRÜBO RHIMO 7:9

“Jakob tsührübonü Josep mükthsüde kambah api Ijip ching yin; tüshe api lung Thrünpuh lakheah,

ROMRÜ KILIM PAULNÜ ATHRÜTKHI KIHÜM HUHTANYU 2:25

Nünü yakzan anisho tsütabahkhi ju adün-amo lah; tüshe nünü yakzan thsümünimsho, nü tsütabahkhi ju tsütamübahkhi kamchoh.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

YUZÜNGTHALO 10:16

Jumonü nüsa mulong tsütabahang, tüsho kheaküa nihnihde düla.

YUZÜNGTHALO 30:6

Tüsho nü mulong athrünkhinü tüsho nü me athrünkhinü api muzhopü thsüde Atungpuh nü Thrünpuhnü nü mulong tüsho nü tsühsoniuso mulong tsütabahjihbah, junangde nüsa rhangdung labah.

YUZÜNGTHALO 31:27

tümüde nüsanü azhihkhi tüsho yihkhrokhi inü mükheahlah. Khihni I nüsa lung lachokiyamnü nüsanü Atungpuh azhihde lado, dale I sheshu a küdükhüh laba?

YUZÜNGTHALO 9:13

“Kheaküshe Atungpuhnü I ki tha, Inü harü mihtsürü ngüdo, tüsho kheahang, arü anihnih mihtsürü ah;

YUZÜNGTHALO 9:6

Jumonü nüsa kheak thiyuro lamonü Atungpuh nüsa thrünpuhnü ha lo atsü nüsanü amükühpü jihkhi yung de mükheahang, tümüde nüsa anihnih mihtsürü ah.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

KOLOSI 2:11

Shih pang chingnü zuzu kamshihde Jisunü tsütabahkhi hode, khah mübede api lung nüsa tsütabah;