YUNIRÜBO RHIMO 7:47 - AMÜSÜH HÜM CL Bible (BSI)

⁴⁷ Tüshe Solomonnü api thsungkheak thüyam thsükheah.

YUNIRÜBO RHIMO 7:47 Iomraidhean Croise

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

1 KIULONG THSÜRÜ 5:1

Küyimki arünü abuh müthri kiulongthsürü thsüpü Solomon mujude-mokhitkhi Tair kiulongthsüpuh Hiramnü asokhea, apinü ayamlarübo kilim yüshih; tümüde kamruhroro Hiram ju David müyambuh lakheah.

1 KIULONG THSÜRÜ 6:1

Israelrü Ijip chingnü akhiuk dunglim kam chi phüyikheak zheahrü, Solomon kiulongthsükhi kam phüyipü, khinu mahnepü Khirhim khinu ching apinü Atungpuh yam thsüpü tankih.

1 KIULONG THSÜRÜ 8:20

Kheakü Atungpuhnü alokhikhi rhimodo; tümüde I buh David lapung ching I asürü; Atungpuhnü alokhikhi nangde Israel kiulongthsü-binkiu kheak I bin, tüsho Israel Thrünpuh, Atungpuh mung thsungkheak thüyam thsü.

1 KIUTHSÜYUKHEAN 17:1

Kheakü küyimki David anihbuh yam ching lakhea, Davidnü Nathan ki tha, “I a cedar yam khülang ching lah, tüshe Atungpuh tangzüng sangdan khimyam khüp lah.”

2 KIUTHSÜYUKHEAN 3:1

Solomonnü abuh David ki Atungpuh akhiukpung, Davidnü amung jijihkhi dangpung ching, Jebusrü Arauna hinitpung kheak, Jirusalem ching Moria wung kheak Atungpuh thsungkheak thüyam khülang thsü.